உலகக் கோப்பை 2007

எங்களுக்கு வேறு எங்கும் கிளைகள் இல்லை..

2007-05-02T10:55:00.000-07:00

இது அடிக்கடி விளம்பரங்கள்ல நீங்க கேக்கற ஒரு வாக்கியம் தான். அதுலயும் குறிப்பா சரவனா ஸ்டோர்ஸ் விளம்பரங்கள்ல கேக்கலாம். சரவனா ஸ்டோர்ஸ் சகோதரர்கள் பிரிஞ்சதுக்கப்புறம் சரவனாங்கற பெயர்லயே ஆளுக்கு ஒரு கடைய தொறந்துகிட்டு விளம்பரத்துல எங்களுக்கு வேற எங்கும் கிளைகள் இல்லைனு சொல்லி எல்லாரையும் குழப்புவாங்க. சரி இப்ப எதுக்கு இதெல்லாம்னு கேக்கறது தெரியுது..

வேற ஒன்னுமில்லைங்க கடந்த ரெண்டு மாசமா கிரிக்கெட் வச்சு இந்த பதிவை ஓட்டியாச்சு. இனிமே வேற எதாவது எழுத முயற்சி பண்ணனும். அதுக்கு மறுபக்கம் அப்படிங்கற பேர்ல வேற ஒரு பதிவை ஆரம்பிச்சிருக்கேன். இனிமே அதுல வேற எதாவது எழுதலாம்னு முடிவு பண்ணியிருக்கேன். அதுக்குதான் இந்த பில்டப். மறுபக்கம்ன உடனே எதோ வில்லங்கமா எனக்குள்ள தூங்கிகிட்டு இருக்க சிங்கத்தை பத்தி எழுதப் போறேன்னெல்லாம் கற்பனை பண்ணிக்காதீங்க. கிரிக்கெட் தவிர மத்ததெல்லாம் எழுதற ஒரு பக்கம் தான் மறுபக்கம். அப்பாடா பெயர்க்காரணம் சொல்லியாச்சு :) இதுவரைக்கும் இந்தியா பெர்முடாவோட ஆடற மாதிரி சுலபமா அங்கங்க நடக்கற மேட்ச் பத்தி செய்தி, புகைப்படம், வீடியோனு சுலபமா ஓட்டியாச்சு. இனிமே தான் எதாவது சொந்த சரக்கு எழுதனும். இந்தியா பங்களாதேஷோட ஆடற மாதிரி ரொம்ப கஷ்டமான காரியம் தான். பார்க்கலாம். இந்த உதாரணத்துலயும் கிரிக்கெட்டானு கேக்காதீங்க..வாலை நிமிர்த்த முடியாது :)

எனது மறுபக்கம்

Well Done Ozs

2007-04-30T10:21:00.000-07:00

நான்காவது முறையாக மற்றும் தொடர்ந்து மூன்று முறை உலகக்கோப்பையை வென்று சாதனை படைத்துள்ள ஆஸ்திரேலிய அணிக்கு வாழ்த்துக்கள்!

அனைத்து அணியினரையும் துவம்சம் செய்து தாங்கள் உண்மையிலேயே உலக சாம்பியன்கள் என்பதை மீண்டும் ஒருமுறை நிரூபித்துள்ளனர். They Deserve it.

ஆஸ்திரேலியா, பங்களாதேஷ், அயர்லாந்து போன்ற அணிகளுக்கு இது மறக்க முடியாத உலகக்கோப்பையாக அமைந்தாலும், பிற அணிகளுக்கு இது விரைவில் மறக்க நினைக்கும் உலகக்கோப்பையாகவே அமைந்தது. இந்தியா,பாகிஸ்தான் அணிகள் முதல் சுற்றிலேயே வெளியேறிய ஏமாற்றம், பாப் உல்மரின் மரணம் தந்த சோகம், அவரின் மரணம் பற்றிய விசாரனை தந்த அதிர்சிகள், பங்களாதேஷ் மற்றும் அயர்லாந்து அணிகளின் வளர்ச்சி தந்த ஆச்சரியம், ஆஸ்திரேலிய அணியினரின் அதிரடி ஆட்டம் தந்த மலைப்பு,இறுதிப்போட்டியின் இறுதியில் நடந்த சிறுபிள்ளைத்தனமான குழப்பம் என இந்த உலகக்கோப்பை உணர்ச்சிகளின் கலவையாக அமைந்தது. ஒருசில போட்டிகள் தவிர்த்து மற்ற அனைத்தும் ஒருதலைப் பட்சமாக அமைந்தது ரசிகர்களிடையே சோர்வையே ஏற்படுத்தியது.

மொத்தத்தில் இந்த உலகக்கோப்பை பெரிய ஏமாற்றமே (ஆஸ்திரேலிய ரசிகர்களை தவிர மற்றவர்களுக்கு ) .

நியூட்டனின் காதல் விதிகள்

2007-04-26T09:40:00.000-07:00

எல்லாருமே சின்ன வயசில நியூட்டன் விதிகள் படிச்சிருப்போம். இப்போ கேட்டா நியூட்டனோட மூணாவது விதி மட்டும் தான் பாதி பேருக்கு தெரியும்(எனக்கும் தான் :) ). ஏன்னா அதுமட்டும் தான் ஈஸியா ஞாபகம் வச்சுக்க முடியும். மூணு விதிகளும் உங்களுக்கு இன்னும் ஞாபகத்துல இருந்தா நீங்க நெறைய படிக்கலைன்னு அர்த்தம் :)

புவியீர்ப்பு விசை மட்டுமில்ல விழியீர்ப்பு விசை பத்தியும் சில விதிகள் எழுதியிருக்காரு நம்ம நியூட்டன். எவ்வளவு பேரு அதை படிச்சிங்கன்னு தெரியாது. படிக்காதவங்களுக்காக இங்கே..

Universal law:

"Love can neither be created nor be destroyed; only it can transfer from
One girlfriend to another girlfriend with some loss of money "

first law:

" a boy in love with a girl, continue to be in love with her and a girl
in love with a boy, continue to be in love with him, until or unless
any external agent(brother or father of the gal) comes into play and
break the legs of the boy. "

second law:

" the rate of change of intensity of love of a girl towards a boy is
directly proportional to the instantaneous bank balance of the boy and
the direction of this love is same to as increment or decrement of the
bank balance. "

third law:

" the force applied while proposing a girl by a boy is equal and opposite
to the force applied by the girl while slapping."

லவ் பண்றவங்க பண்ணப்போறவங்க எல்லாம் இதை நல்லா படிச்சு மனப்பாடம் பண்ணிக்கோங்க :)

கொடூரமான விலங்குகள் - டாப் 5

2007-04-20T10:30:00.000-07:00

விலங்கினங்களில் மிகக் கொடூரமான விலங்குகள் பட்டியலில் முதல் ஐந்து இடங்களை பிடித்திருப்பவை..

TOP 5 DEADLIEST ANIMALS.............................. read fully

#5 African Lion

Credit: © Bruce G. Stumpf - On The Matrix

Giant fangs? Check. Lightning quick? That too. Razor sharp claws? You betcha. Hungry? You better hope not. These big cats are near perfect hunters.

#4 Great White Shark

Credit: © Klaus Jost - www.jostimages.com

Blood in the water can excite these sharks into a feeding frenzy, where they’ll use all 3,000 of their teeth to bite anything that moves.

#3 Australian Box Jellyfish

Credit: © Larry Friesen, Saturdays.net

Also known as the sea wasp, this salad-bowl sized jellyfish can have up to 60 tentacles each 15 feet long. Each tentacle has 5,000 stinging cells and enough toxin to kill 60 humans.

#2 Asian Cobra

Credit: © The Cobra Information Site

While the Asian Cobra doesn’t hold the title of most venomous snake, it does the most with what it has. Of the 50,000 deaths by snakebite a year, Asian Cobras are responsible for the largest chunk.

AND # 1

While all the above said animals use their respective weapon to bring the end of its enemy, this creature with its appearance on screen can kill many and when it speaks some dialogues then that is the worst that can happen for any living being on earth !

எந்த ஊருல இருக்கீங்க?

2007-04-17T14:49:00.000-07:00

மெயில்ல வந்த மேட்டர். நீங்க இருக்க ஊரைப் பத்தி தெரிஞ்சுக்க ஒரு அருமையான வழி. உங்க ஊருல எப்படின்னு மறக்காம சொல்லிட்டுப் போங்க..

How to Identify the City you are in

Scenario 1
Two guys are fighting and a third guy comes
along, then a fourth and they start arguing about who's right.
You are in Kolkata

Scenario 2
Two guys are fighting and a third guy comes
along, sees them and walks on.
That's Mumbai

Scenario 3
Two guys are fighting and a third guy comes along & tries to make peace. The first two get together & beat him up.
That's Delhi

Scenario 4
Two guys are fighting. A crowd gathers to watch.
A guy comes along and quietly opens a chai stall
That's Ahmedabad.

Scenario 5
Two guys are fighting and a third guy comes
he writes a software programm to stop the fight ..
but the fight doesn't stop b'cos of a bug in the program
Thats Bangalore !!!!

Scenario 6
Two guys are fighting. Both of them take time out and call their friends on mobile.Now 50 guys are fighting.
You are in Chandigarh.

போவோமா ஊர்கோலம்..

2007-04-06T15:08:00.000-07:00

ஒரு வாரம் Los Angeles,Disney Land, San Diegoனு ஊர் சுத்த கிளம்பியாச்சு. அதனால இந்த வாரம் பதிவுகள் போடறது கஷ்டம். அடுத்த வாரம் (ஏப்ரல் 14) மீட் பண்ணலாம். அது வரைக்கும் :-h :-h

ஒலிம்பிக்கில் கிரிக்கெட் ?

2007-04-04T10:50:00.000-07:00

கிரிக்கெட்டின் மற்றொரு முகமான Twenty/20 போட்டிகள் சமீபகாலமாக பிரபலமாகி வருகிறது. அனைத்து கிரிக்கெட் விளையாடும் நாடுகளும் தற்பொழுது இந்த போட்டியையும் ஆடுகிறார்கள். பாகிஸ்தான்,இலங்கை,இங்கிலாந்து, தென்னாப்பிரிக்கா, ஆஸ்திரேலியா, நியூசிலாந்து ஆகிய நாடுகளில் Twenty/20 கோப்பைக்கான உள்நாட்டு போட்டிகள் நடத்தப்படுகின்றன. இந்தியாவில் இன்னும் அவ்வளவு பிரபலமா ஆகவில்லையெனினும், இதுதான் கிரிக்கெட்டின் எதிகாலம்னு ஒரு பேச்சு இருக்கு. சமீபத்தில் தென்னாப்பிரிக்கா சென்ற இந்திய அணி கூட ஒரு Twenty/20 போட்டியில் விளையாடி ஜெயித்தார்கள். இதுதான் இந்திய அணி ஆடியிருக்கும் ஒரே Twenty/20 போட்டி. தற்பொழுது மண்டல அணிகளுக்கு இடையேயான Twenty/20 போட்டிகள் நடந்து வருவது குறிப்பிடத்தக்கது.

ஐந்து நாட்கள் தொடர்ந்து ஆடும் டெஸ்ட் போட்டியை பார்க்க பொறுமையில்லாதவர்களுக்கு ஒரு மாற்றாக ஒருநாள் போட்டிகள் இருந்தது. பரபரப்புக்கும், சுவாரசியங்களுக்கும் குறைவில்லாத இப்போட்டிகள் ரசிகர்களை கட்டிப்போட்டது. இன்றைய வேகமான உலகில் ஒருநாள் முழுதும் செலவழித்து ஒரு ஆட்டத்தை ஆடுவதும் அதிகமாகவே தோன்றுகிறது. இதுவே கூட நிறைய நாடுகள் கிரிக்கெட்டில் ஆர்வமில்லாமல் இருப்பதற்கும் ஒரு காரணம். இதற்கெல்லாம் ஒரு தீர்வாக வந்திருப்பதே Twenty/20 போட்டிகள். முதல் அதிகாரபூர்வ Twenty/20 போட்டி இங்கிலாந்தில் 2003ம் ஆண்டு ஆடப்பட்டது. கால்பந்தாட்டம், ஹாக்கி போல இப்போட்டிகளும் குறைவான நேரத்தில் ஆடப்படுகிறது. சுமாராக ஒரு போட்டி மூன்று மணிநேரத்தில் முடிந்துவிடுவது இதன் சிறப்பு.

இப்போட்டிகளை பிரபலப் படுத்துவதன் மூலம் விரைவில் ஒலிம்பிக்கில் சேர்க்க ஐசிசி முயன்று வருகிறது. போட்டிநேரம் காரணமாக ஒலிம்பிக்கில் இடம்பெற முடியாமல் இருந்ததால், மற்ற விளையாடுகள் போல் கிரிக்கெட்டையும் விரைவில் ஆடி முடிக்கும் வகையில் இது உருவாக்கப்பட்டுள்ளது. வரும் செப்டம்பர் மாதம் தென்னாப்பிரிக்காவில் முதல் Twenty/20 உலக சேம்பியன்ஷிப் போட்டி நடைபெற உள்ளது. இவை அனைத்தும் கிரிக்கெட்டை மேலும் பிரபலப்படுத்த ஐசிசி எடுத்து வரும் முயற்சிகள்.

Twenty/20 எப்படி விளையாடப்படுகிறது, அதன் விதிமுறைகள் என்ன என்பவை தெரியாதவர்களுக்காக..

ஒவ்வொரு அணியும் 20 ஓவர்கள் வீசும்.

வழக்கம்போல் ஒவ்வொரு அணியிலும் பதினொன்று வீரர்கள் இருப்பார்கள். ஒரு பந்து வீச்சாளர் அதிகபட்சமாக நான்கு ஓவர்கள் வீசலாம்.

நோ-பாலுக்கு 2 ரன்கள் கொடுக்கப்படும். அதுமட்டுமன்றி அதற்கடுத்த பந்து 'Free Hit Delivery'யாக எடுத்துக்கொள்ளப்படும். இதில் ரன் அவுட் முறையில் மட்டுமே ஒரு பேட்ஸ்மேனை அவுட்டாக்க முடியும். இது ஒருநாள் போட்டிகளில் இரண்டு நோ-பால் வீசுவதற்கு சமம்.

ஒவ்வொரு அணியும் தங்களது 20 ஓவர்களை 75 நிமிடங்களில் வீசி முடிக்க வேண்டும். அப்படி வீசி முடிக்காவிட்டால், 75 நிமிடங்களுக்குப் பிறகு வீசப்படும் ஒவ்வொரு ஓவருக்கும் கூடுதலாக ஆறு ரன்கள் பேட்டிங் டீமுக்கு வழங்கப்படும். பேட்டிங் செய்யும் அணியால் நேரம் விரயமாக்கப்பட்டிருந்தால் கூடுதல் நிமிடங்கள் அளிப்பது குறித்து நடுவர்கள் முடிவெடுக்கலாம்.

தேவையின்றி நேரத்தை வீண் செய்யும் அணியின்(பேட்டிங்/பவுலிங்) ஸ்கோரில் ஐந்து ரன்கள் குறைக்கப்படும்.

முதல் ஆறு ஓவர்களுக்கு இரண்டு தடுப்பாளர்கள் மட்டுமே 30 யார்ட்க்கு வெளியே நிற்க முடியும். அதன் பின் ஐந்து தடுப்பாளர்கள் மட்டுமே எல்லைக்கோட்டில் நிற்க முடியும்.

இரு அணிகளும் சமமான் ரன்கள் எடுத்திருந்தால் Bowl-Out முறையில் வெற்றி பெறும் அணி தீர்மானிக்கப்படும். Bowl-Out பற்றி தெரிந்து கொள்ள இங்கே சொடுக்கவும்.

இப்போட்டிகளால் ஏற்படக்கூடிய பின்விளைவுகள்..

டெஸ்ட் போட்டிகளில் இருக்கும் தரம் மற்றும் ஜென்டில்மேன்ஷிப் ஒருநாள் போட்டிகளில் குறைந்துவிட்டதாக் ஒரு குற்றச்சாட்டு உண்டு. Twenty/20 போட்டிகளால் அது மேலும் குறைய வாய்ப்புள்ளது.

50 ஓவர்கள் கொண்ட ஒருநாள் போட்டிகளின் வேகத்திற்கேற்ப வீரர்கள் குறைந்தது 30 ஓவர்களாவது (முதல் 20 மற்றும் கடைசி 10) அடித்து ஆட வேண்டிய சூழ்நிலை உள்ளது. 20 ஓவர்கள் கொண்ட இப்போட்டிகளால் தொடக்கத்திலிருந்து இறுதி வரை அடித்து ஆடவேண்டிய கட்டாயம் ஏற்படுகிறது. இது கிரிக்கெட்டின் தரத்தை மேலும் குறைக்கக்கூடும்.

நடுவர்களின் பொறுப்பு அதிகரிக்கும். குறிப்பிட்ட நேரத்திற்குள் பந்து வீசாத அணிகளுக்கு விதிமுறைகள் கடுமையாக இருப்பதால், இதில் முடிவெடுக்க வேண்டிய பொறுப்புள்ள நடுவர்கள் செய்யும் சிறு தவறும் சச்சரவுகளுக்கு வழிவகுக்கும்.

இப்போட்டிகள் பிரபலமடைந்தால், காலம் காலமாக ஆடப்பட்டு வரும் டெஸ்ட் போட்டிகளுக்கான வரவேற்பு குறையும். இது காலப்போக்கில் டெஸ்ட் போட்டிகளே இல்லாத நிலையை கூட உருவாக்கக்கூடும்.இதில் ஒருநாள் போட்டிகளும் விதிவிலக்கல்ல.

சாதகங்களும் பாதகங்களும் நிறைந்த Twenty/20 போட்டிகள் வெற்றி பெறுமா? காலமும் கிரிக்கெட் ரசிகர்களும் தான் பதில் சொல்ல வேண்டும்.

ICL Indian Cricket League - சாத்தியமா ? ? ?

2007-04-03T10:25:00.000-07:00

இந்தியா உலகக்கோப்பைல தோத்து வெளியே போனாலும் போச்சு ஆளாளுக்கு அடுப்பு பத்த வச்சு அல்வா கிண்ட ஆரம்பிச்சுட்டாங்க. என் பையனை ஓபனிங் இறக்கியிருந்தா நல்லா ஆடியிருப்பான், இந்தியா ஜெயிச்சிருக்கும்னு ஷேவாகோட அப்பா ஒரு அல்வா குடுத்தாரு. முதல் சுற்றுல தோத்து வெளியே வரவரைக்கும் வாய் தொறக்காத சேப்பல், இந்த அணி தேர்வுல உடன்பாடில்லை, மூத்த வீரர்கள் ஒத்துழைக்கலைனு வரிசையா பவுண்ஸர் போட்டுகிட்டு இருக்காரு.

இந்த வரிசைல லேட்டஸ்டா சேர்ந்திருக்கறது ஜீ(Zee) டி.வியை சேர்ந்த சுபாஷ் சந்திரா. Indian Cricket Leagueனு ஒரு புது திட்டத்தை தொடங்கப்போறதா சொல்லியிருக்காரு இவர். இதுக்கான அனுமதி வேண்டி பிசிசிஐக்கு லெட்டர் அனுப்பிச்சிருக்காங்க. பிசிசிஐ செயலாளர் நிரஞ்சன் ஷா இது பத்தி சீக்கிரம் முடிவெடுப்போம்னு சொல்லியிருக்காரு. இந்தியால நடக்கற உள்நாட்டு போட்டிகளான ரஞ்சி, இரானி, சேலஞ்சர் போட்டிகள் மாதிரி இதுவும் நடத்தப்படும்னு சொல்லியிருக்கு Zee டி.வி குழுமம்.

முதல் கட்டமா இதுல 100 கோடி ரூபாய் முதலீடு பண்ணப்போறாங்க. பதினாலு பேர் கொண்ட ஆறு லீக் அணிகள் உருவாக்கப்படும். இதுல ரெண்டு பேர் இந்திய அணியில விளையாடுற இல்ல விளையாடுனவங்க இருப்பாங்க. நாலு வெளிநாட்டு வீரர்களும் எட்டு இளம் வீரர்களும் இருப்பாங்க. கொஞ்ச கொஞ்சமா மூனு வருஷத்துல இது பதினாறு அணிகளா உயர்த்தப்படும். பிசிசிஐ தேர்வுக்குழு தகுந்த வீரர்கள் இல்லாம தடுமாறுறதை மனதில் கொண்டு இது தொடங்கப்பட்டதாகவும், பிசிசிஐ இந்த லீக்ல இருந்து எந்த வீரரை வேணும்னாலும் தேர்வு செஞ்சுக்கலாம்னும் சொல்லியிருக்காங்க (வெளிநாட்டு வீரரை தேர்வு செய்யலாமா ? ). ஒவ்வொரு மாநிலத்திலயும் இதுக்கான திறனாய்வுக்குழு அமைக்கப்ப்படும்னும், ஒவ்வொரு வீரரோட ஆட்ட விவரங்கள், குணாதிசயங்கள் மற்றும் உணவு பழக்கவழக்கங்கள் பதிவு செய்யப்படும்னும் சொல்லியிருக்காங்க.

The finer points of ICL:

- 6 teams or clubs to play in the opening year
- Talks on with BCCI for gaining access to stadiums
- Executive Board of the league under installation
- Pool of referees and umpires to be created
- Rules committee to form regulations for ICL
- Ombudsman to look into grievances of players
- League to begin with Twenty20 format and move to ODI format
- League to be a joint venture between Essel Group and ILFS Group
- Each team to have a mentor, media manager, psychologist, physio
- Prize money for the winner- US$ 1 million
- League teams to compete with teams internationally
- Number of teams to be increased from 6 to 16 in three years

நன்றி : Cricinfo.com

இப்போ மனசுல தோனுற கேள்விகள் ....

இது போன்ற தனியார் லீக்குகள் தாக்குபிடிப்பது சாத்தியமா?

இப்போட்டிகளுக்கு மக்களிடையே வரவேற்பு இருக்குமா?

பணம் மட்டுமே குறிக்கோளாக கொண்ட பிசிசிஐ இதன் மூலமும் காசு சம்பாதிக்க முயலுமா?

இதில் விளையாட திறமையான வெளிநாட்டு வீரர்கள் வருவார்களா? அல்லது பெயருக்காக சோப்ளாங்கி வெளிநாட்டு வீரர்கள் அழைத்து வரப்படுவார்களா?

இந்திய மைதானங்களை வெளிநாட்டு மைதானங்கள் போல் வேகப்பந்து வீச்சுக்கு சாதகமாக மாற்றி நமது வீரர்களுக்கு பயிற்சி அளிக்காமல், இதுபோல் நூற்றுக்கணக்கான வீரர்களை உருவாக்குவது மட்டுமே பலன் தருமா?

பிசிசிஐன் அணியில் உள்ள வீரர்கள் இதில் விளையாட பிசிசிஐ அனுமதிக்குமா?

இதற்கான விடைகள் கொஞ்ச நாள்ல தெரியும். என்னோட கருத்து இந்த முயற்சி வெற்றி பெறுவது கஷ்டம் தான். இந்திய கிரிக்கெட்டில் புரளும் அரசியல்,மாநிலபற்று மற்றும் பணம் இதையும் சில மாதங்களில் திசை திருப்பி விடும் என்பது தான். இதுல எவ்வளவு திறமையான வீரர்களை உருவாக்குனாலும் பிசிசிஐ தேர்வுக்குழுவில் உள்ள மாநில மற்றும் வட்டார பாசம் அதை ஓரம்கட்டிவிடும்.

நாளைய தலைப்புச் செய்திகள்

2007-04-02T15:19:00.000-07:00

நாள் : ஏப்ரல் 3 , 2023

27 சதவிகித இடஒதுக்கீடு கேட்டு முற்படுத்தப்பட்டவர்கள் போராட்டம்.

இன்று 2024ம் ஆண்டுக்கான பட்ஜெட் தாக்கல் செய்தார் முதல்வர் ஸ்டாலின்

இது ஒரு கண்துடைப்பு பட்ஜெட் - அதிமுகவின் தலைவர் டி.டி.வி தினகரன் பேட்டி

2026ல் தமிழ்நாட்டில் காங்கிரஸ் ஆட்சியைப் பிடிக்கும் - காங்கிரஸ் தலைவர் கார்த்திக் சிதம்பரம் பேட்டி.

சினிமாவில் இரத்தத்தை காண்பிக்கக்கூடாது - மத்திய சுகாதாரத்துறை அமைச்சர் அன்புமணி உத்தரவு

இந்திய வேலைகளை அமெரிக்காவுக்கு அவுட்சோர்சிங் செய்வதை எதிர்த்து இந்திய கனினிப் பொறியாளர்கள் கட்சி போராட்டம்.

தனுஷ்-ஐஸ்வர்யா மகனும், ஜோதிகா-சூர்யா மகளும் ஜோடியாக நடிக்கும் புதிய திரைப்படம்.

தண்ணீரின் விலை இன்று 24 ரூபாய் உயர்ந்து லிட்டருக்கு 865 ரூபாயாக இருந்தது.

தொடர்ந்து ஐந்தாவது முறையாக உலகக்கோப்பையிலிருந்து இந்தியா முதல் சுற்றில் வெளியேறியது.

பெர்முடாவுடனான நல்லுறவை வளர்க்கும் முயற்சியாக, அந்நாட்டிற்கான இந்திய தூதுவராக ஷேவாக் நியமனம்.

எல்லாம் ஒரு கற்பனைதாங்க :) யாருக்கு தெரியும் எதாவது நடந்தாலும் நடக்கலாம்.

டிஸ்கி : எல்லாம் ஒரு நகைச்சுவைக்காக எழுதப்பட்டது தாங்க. எதாவது முத்திரை குத்திடாதீங்க :)

சென்றார்கள்.. வந்தார்கள்..

2007-03-30T06:40:00.000-07:00

இதுக்கெல்லாம் விளக்கம் குடுக்கனுமாங்க..படத்தை பாருங்க உங்களுக்கே புரியும்..

எதுக்குப்பா இவ்ளோ 'கன்'னு???? காப்பாத்தவா? சுட்டு தள்ளவா?

Pirates of the Carribean

Mission Impossible :(

Final Destination??

Gone in 60 Seconds!!

The Inside Man?

GodFather?

இப்படி ஆரம்பிச்சு!!!

இப்படி முடிஞ்சிடுச்சு...

திராவிட் என்ன சொல்றாருன்னா...

அடுத்த வேலைக்கு தயாரான அகர்கர்... (ஏண்டா என்னை வம்புக்கு இழுக்கலைன்னா உனக்கு தூக்கம் வராதா? )

இந்தியா முதல் சுற்றுலயே தோத்து வெளிய போனதால நடந்த நன்மைகள்..

சற்றுமுன் : இந்திய அணியின் புதிய பயிற்சியாளார் அறிவிப்பு

2007-03-29T10:15:00.000-07:00

இந்திய அணியின் பயிற்சியாளர் சேப்பலுக்கு பதில் புதிய பயிற்சியாளர் நியமிக்கப்பட்டுள்ளதாக சரத் பவார் தெரிவித்துள்ளார். இவர் முந்தைய பயிற்சியாளரை விட மிகவும் இளமை(?)யானவர் மற்றும் திறமை(?)யானவர் என அவர் தெரிவித்தார். இந்திய அணியின் புதிய பயிற்சியாளர்..
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

சற்றுமுன் நிருபர் சிவபாலனுக்கு இவர் அளித்த பே(ட்)டி..

சிவபாலன்: "வாழ்த்துக்கள் திரு மந்திரா பேடி அவர்களே. "

ம. பேடி : "நன்றி. நான் ரொம்பவும் சந்தோஷமா இருக்கேன். இப்படிப்பட்ட வாய்ப்பு கிடைக்கும்னு கனவுலயும் நினைக்கலை"

சிவபாலன் : "இப்ப என்ன பண்ணலாம்னு இருக்கிங்க ? "

ம. பேடி : " சரியா உக்காரலாம்னு இருக்கேன். இந்த சேர்ல ஒரு கால் ஆடிகிட்டே இருக்கு. கொஞ்சம் பேலன்ஸ் பண்ணி உக்காந்துக்கறேன் வெயிட் பண்ணுங்க "

சிவபாலன் : "மேடம் நான் கேட்டது இந்திய அணி நல்லா விளையாட என்ன பண்ணலாம்னு இருக்கீங்கன்னு? "

ம. பேடி : "ஓ அதுவா, அதை முதல்ல நான் கிரிக்கெட்னா என்னனு கத்துகிட்டதுக்கு அப்புறமா முடிவு பண்ணணும்"

சிவபாலன் : "என்னது கிரிக்கெட் கத்துக்கனுமா? அப்புறம் எப்படி உங்களை பயிற்சியாளர் ஆக்கனாங்க? "

ம. பேடி : "இதுல என்ன ஆச்சரியம்? கிரிக்கெட்டே தெரியாதவங்க நம்ம டீம்ல இருக்கும்பொழுது, நான் பயிற்சியாளர் ஆகக்கூடாதா?. நம்ம ஊருல கோச் ஆகறதுக்கோ, டீம்ல விளையாடறதுக்கோ கிரிக்கெட் தெரியனும்னெல்லாம் அவசியமில்லை. வேற வழி நிறைய இருக்கு"

சிவபாலன் : "உங்களுக்கு முன்னால கோச்சா இருந்த சேப்பலை பத்தி என்ன நினைக்கிறிங்க? "

ம. பேடி : "அவர் எங்கே கோச் பண்ணாரு. சும்மா சும்மா கோச்சுகிட்டு தான் போனாரு. ஏடாகூடமா மெயில், எஸ்.எம்.எஸ் அனுப்பவே அவருக்கு நேரம் சரியா இருக்கு"

சிவபாலன் : "வெளிநாடுகள்ள ஆடுறப்ப நம்ம வீரர்கள் சொதப்புறதை பத்தி? "

ம. பேடி : "அதுக்கு நான் ஒரு திட்டம் வச்சிருக்கேன்.எல்லா ப்ளேயர்ஸையும் வெளிநாடுகளுக்கு கூட்டிட்டு போய் புக் கிரிக்கெட் ஆடப்போறோம். அதுல நிறைய ரன் எடுத்தவுடனே எல்லாருக்கும் கான்ஃபிடன்ஸ் வந்துடும். அதுக்காக நிறைய புக்ஸ் ஆர்டர் பண்ணியிருக்கோம்."

சிவபாலன் : "நம்ம அணி மனதளவில ஸ்டாரங்கா இல்லன்னு சொல்றதை பத்தி..."

ம. பேடி : "உண்மைதான். நம்ம அணி மெண்டலி வீக் தான். அதுக்காக நிமஹன்ஸ்ல இருந்தும், கீழ்பாக்கத்துல இருந்தும் நாலு பேரை டீம்ல சேர்த்து மெண்டலி ஸ்ட்ராங்கா ஆக்கப்போறோம்" .

சிவபாலன் : "வேற எதாவது அதிரடி திட்டம்??"

ம. பேடி : "இருக்கே. மக்கள் கிரிக்கெட் பார்க்காம என்னையே டி.வில பார்க்கறாங்கன்னா அதுக்கு காரணம் க்ளாமர். அதனால இனிமே நம்ம டீமும் மேட்சுல ஆடும்போது சட்டையில்லாம சல்மான்கான் மாதிரி ஆடப்போறாங்க. அந்த க்ளாமர்ல எதிரணி தடுமாறும்போது நம்ம பசங்க அடிச்சு ஜெயிச்சுடுவாங்க :) " .

சிவபாலன் : "சட்டை போடலைன்னா ஸ்பான்சர்ஸ் லோகோ எல்லாம் எப்படி தெரியும்? " .

ம. பேடி : "எல்லா லோகோவையும் உடம்புல ப்ளூ குத்திடுவோம்" .

சிவபாலன் : "என்னது ப்ளு குத்துவீங்களா?"

ம. பேடி : "ஆமாம் நம்ம டீம் கலர் ப்ளூ தான. அதான் பச்சை குத்தறதுக்கு பதிலா ப்ளூ குத்துறோம்"

சிவபாலன் : "அடுத்த உலகக்கோப்பைலயாவது இந்தியா ரெண்டாவது சுற்றுக்கு போகுமா? "

ம. பேடி : "கண்டிப்பா போகும். நேத்து நைட் ஐசிசியோட தலைவர் மால்கம் ஸ்பீடோட டின்னர் சாப்பிட்டேன். அப்போ அடுத்த தடவை இந்தியாவையும், பெர்முடாவையும் மட்டும் ஒரு க்ரூப்ல போட்டு, அந்த க்ரூப்ல முதல் ரெண்டு இடத்தை பிடிக்கற அணிகள் அடுத்த சுற்றுக்கு போற மாதிரி பண்ணனும்னு கேட்டேன். அவரும் சரின்னு சொல்லிட்டாரு. அதனால் அடுத்த தடவை முதல் சுற்றுல இந்தியா பெர்முடா கிட்ட தோத்தாலும் அடுத்த சுற்றுக்கு போயிடும்" .

சிவபாலன் : "சோர்ந்து போயிருக்கற நம்ம வீரர்களுக்கு எதாவது ஊக்கத்திட்டம் வச்சிருக்கிங்களா?"

ம. பேடி : "ஆமாங்க, இனிமே அடிக்கிற ஒவ்வோரு 25 ரன்னுக்கும் இல்லைன்னா எடுக்கற ஒவ்வொரு விக்கெட்டுக்கும் ஒரு கிஸ் தருவேன்னு சொல்லியிருக்கேன்"

சிவபாலன் : "இவ்வளவு நேரம் எங்களுக்காக செலவு பண்னதுக்கு ரொம்ப நன்றிங்க. ஆமா ரொம்ப நேரமா பக்கத்து ரூம்ல எதோ டி.வி சத்தமா கேடுகிட்டு இருக்கே? "

ம. பேடி : "ஆமா நம்ம சச்சின் தான் உக்காந்து இங்கிலீஷ் படம் பார்த்துகிட்டு இருக்காரு"

சிவபாலன் : "என்ன படம்?"

ம. பேடி : "GONE IN 60 SECONDS !"

எப்படி இருந்த நாங்க இப்படி ஆயிட்டோம் ?

2007-03-28T09:35:00.000-07:00

இந்த பதிவுல வர எல்லாருமே கோடிகோடியா சம்பாதிச்சுட்டாங்க. அதனால் இந்த பதிவுல சொல்றது எல்லாம் கற்பனையே..நம்ம சிறில் கவி தந்த விதை எழுதற மாதிரி இது மெயில் தந்த விதை. மெயில்ல வந்த விஷயத்துக்கு கற்பனைய கலந்து எழுதியிருக்கேன்.

ஏப்ரல் ஆறாம் தேதி பிசிசிஐ குழு இந்திய அணியோட தோல்விக்கான காரணங்களை விவாதிக்க போறாங்களாம். அப்போ பெரிய தலைங்க சிலது உருளும்னு பேசிக்கறாங்க. ரொம்ப நாளாவே மேட்ச்ல ஆடறதை பொறுத்து தான் சம்பளம் கொடுக்கனும்னு ஒரு பேச்சு இருக்குது. ஒருவேளை அதை கட்டாயமாக்கினா என்னவெல்லாம் நடக்கலாம்னு ஒரு சின்ன கற்பனை.

இடம் : அகர்கர் வீடு

அகர்கர் மேட்சுல விளையாட (இன்னுமாடா நீ டீம்ல இருக்க ? ) புறப்பட்டுகிட்டு இருக்கார்..

அகர்கர் அம்மா : " தம்பி, இந்த தடவையாவது கொஞ்சம் உருப்படியா பந்து போட்டு ரெண்டு விக்கெட் எடுக்க பாருப்பா. நீ விக்கெட் எடுத்து சம்பாதிக்கர காசுல தான் உன் தங்கச்சிக்கு கல்யாணம் பண்ணனும் :( ".

அகர்கர் : "நான் என்னம்மா பண்றது. எந்த பால் போட்டாலும் லெக் சைட்லயே போகுது. கஷ்டப்பட்டு ஆஃப் சைட்ல போட்டா அந்த பாழப்போன எதிர்டீம்காரங்க அடிச்சிடறாங்க"

அ. அம்மா : "அப்பப்ப ஸ்லோ பால் மாதிரி எதாவது போடேம்பா? "

அகர்கர் : "அந்த கூத்தை ஏம்மா கேக்கறீங்க. போன தடவை இப்படிதான் ஸ்லோபால் போடறேன்னு ரொம்ப ஸ்லோவா போட்டுட்டேன். பந்துக்கு முன்னால நான் பேட்ஸ்மேன் கிட்ட போயிட்டேன். அவன் என் சட்டைய பிடிச்சு என்னடா நீ மட்டும் வர? பந்து எங்கேடான்னு கேக்கறான். "

அ. அம்மா : "என்னவோப்பா.உன்னை நம்பி தான் இந்த குடும்பம் இருக்குங்கறதை மறந்துடாத "

இடம் : ஷேவாக் வீடு

ஷேவாக்கின் மனைவியும் பால்காரரும்...

பால்காரர் : "ஏம்மா எத்தினி தபாம்மா வர்ரது. எப்போ தான் பாக்கிய குடுப்ப? '

ஷேவாக் மனைவி : "கோச்சுக்காதீங்க. கொஞ்சம் பொறுத்துக்கோங்க. அடுத்த மேட்சுல அவர் அம்பதோ நூறோ அடிச்ச உடனே குடுத்துடறேன். "

பால்காரர் : "இத்தையேதான் ரெண்டு வருசமா சொல்லிகினுகீற. போன மேட்சுல தான் பெர்முடா கிட்ட நூறு அடிச்சாரே, அந்த காசு என்னாச்சு? "

ஷே. மனைவி : " அந்த காசு மளிகைக்கடை பாக்கிக்கே சரியா போச்சுப்பா"

பால்காரர் : "இதப்பாரும்மா எனக்கு அதெல்லாம் தெரியாது. நாளைக்கு காசு வரலை வூட்ல இருக்க பாத்திரம் பண்டம் எல்லாம் தெருவுக்கு வந்துடும் "

ஷே. மனைவி : கண்ணிருடன் மனதுக்குள் "இந்த விடியா மூஞ்சிய கட்டிகிட்டு இப்படி கஷ்டப்பட வேண்டியதா இருக்கு. ஒரு பாண்டிங்கையோ, ஜெயசூரியாவையோ கட்டியிருந்தா இந்நேரம் ராணி மாதிரி இருந்திருக்கலாம்"

இடம் : மும்பை மைதானம்

ஜாகிரும் ஹர்பஜனும் பயிற்சி(?) முடிந்து பேசிகிட்டு இருக்காங்க..

ஹர்பஜன் : "ஆமா ஜாகிர், என்ன இப்பல்லாம் பயிற்சிக்கு தினமும் லேட்டா ஏழு மணிக்கு மேலயே வர?"

ஜாகிர் : "அதையேன் கேக்கற. கிர்க்கெட்ல வர வருமானம் வாய்க்கும் வயித்துக்குமே சரியாயிருக்கு. அதான் பார்ட்-டைமா காலைல பேப்பர் போட்டுகிட்டு இருக்கேன்"

ஹர்பஜன் : "அட நாதாரி, உன்கிட்ட எவ்வளவு நாளா என்னையும் எதாவது வேலைக்கு சேர்த்து விடுன்னு சொல்லிகிட்டு இருக்கேன். என்னையும் சேர்த்து விட்டிருக்கலாம்ல? "

ஜாகிர் : "நான் அவங்க கிட்ட கேட்டேனே. அதுக்கு அவங்க இதுக்கெல்லாம் வேகமா ஓடறவங்களால தான் முடியும், ஸ்பின்னர்சை எல்லாம் சேர்த்துக்க முடியாதுன்னு சொல்லிட்டாங்க"

ஹர்பஜன் : "வேகமா ஓடனுமா? ஏன் சைக்கிள்ல தான எல்லாரும் போவாங்க? "

ஜாகிர் : "அது கரெக்டு. உன்னாலயோ என்னாலயோ சைக்கிள் எல்லாம் வாங்க முடியுமா?"

ஹர்பஜன் : "சரி பரவாயில்லை. வேர எதாவது வேலை இருந்தா சொல்லு"

ஜாகிர் : "தமிழ்மணம்னு ஒரு சைட்ல செந்தழல் ரவிங்கறவர் டெய்லி ஏதோ வேலைவாய்ப்பு செய்திகள் போடறாராம். அதை வேனா பாரேன்? "

ஹர்பஜன் : "அதெல்லாம் மண்டைல எதாவது இருக்கறவங்களுக்குப்பா. நமக்கு வேலைக்காவாது"

இடம் : சச்சின் வீடு

சச்சினும் அவரது மகனும்...

சச்சின் : "ஏண்டா இன்னும் ஸ்கூலுக்கு கிளம்பலை?"

பையன் : "இல்லைப்பா ஸ்கூல் ஃபீஸ் கட்டாததால மிஸ் ஸ்கூலுக்கு வரவேணாம்னு சொல்லிட்டாங்க. நாளைக்கு மேட்சுலயாவது எதாவது அடிப்பியாப்பா?"

சச்சின் : "கவலைப்படாதடா, நாளைக்கு நல்லா ஆடி காசோட வீட்டுக்கு வரேன். எப்பவுமே நான் ஆடும்போது நீ உக்காந்து பாத்தா தான் எனக்கு ராசி. இப்பல்லாம் நீ உக்காந்து பார்க்கறதில்லையா?"

பையன் : "இல்லைப்பா மறக்காம உக்காந்து பார்க்கறேன். நீங்க ஆட வரும்போது எல்லாம் நீங்க நல்லா ஆடனுமேன்னு டென்ஷன்ல மூச்சா வந்துடுது. மூச்சா போக பாத்ரூம் போயிட்டு வரதுக்குள்ள நீங்க அவுட்டாயிடறீங்க :( "

சச்சின் : "சரி சரி, நாளைக்கு மூச்சா வந்தாலும் எந்திரிச்சு போகாம உக்காந்து பார்க்கனும். என்ன ?"

பையன் : "சரிப்பா."

இதுக்கு மேல இன்னைக்கு இவனுங்களை கலாய்ச்சா நல்லாயிருக்காதுன்னு நினைக்கிறேன். அதனால அடுத்த பதிவுல மற்றொரு கலாய்ப்பு. வேணாம் போதும் இத்தோட நிறுத்திக்கோனு [-X யாராவது மிரட்டினா கலாய்க்கறதை நிறுத்திடறேன். இப்போதைக்கு :-h :-h..

நாங்க ரொம்ப வியர்ட் -- இந்திய அணி

2007-03-27T12:20:00.000-07:00

ஆளாளுக்கு அவங்களோட வியர்டான குணங்களை பத்தி எழுதறாங்க. எங்களைதான் யாருமே எழுத கூப்பிடலைனு ரொம்ப வருத்தப்படறாங்க இந்திய அணியினர். கூப்பிடலைன்னா என்ன நாங்க ரொம்பவே வியர்டுன்னு அவங்களோட வியர்ட் குணங்களை எனக்க்கு மெயில்ல அனுப்பியிருந்தாங்க. உங்களுக்காக அது..

ஏத்தி விடப்பா தூக்கி விடப்பா
பத்து மேட்ச் தொடர்ந்து டக் அடிச்சு ஃபார்மில இல்லாம தடுமாறுற பேட்ஸ்மேனையோ, விக்கெட்டே கெடைக்காம கவலைப்படர பவுலரையோ பார்த்தா எங்களுக்கு ரொம்ப பரிதாபமாயிடும். அதனால அவங்களுக்கு ரெண்டு செஞ்சுரியோ, 10 விக்கெட்டோ குடுத்து பெரிய நிலைமைக்கு கொண்டு வந்து விடுவோம். இந்த மாதிரி எங்களை நாயடி அடிச்சே பெரிய ஆள் ஆனவங்க நிறைய பேர் இருக்காங்க. அது என்னவோ தெரியலை, ஃபார்ம்ல இல்லாதவங்க எல்லாம் எங்க கிட்ட ஆடும்பொழுது ஃபார்முக்கு வந்துடறாங்க :)

தாய்மண்ணே வணக்கம்
எங்களுக்கு நம்ம தாய்மண்ணு ரொம்ப பிடிக்கும். அதனால தான் வெளில எங்க ஆடப்போனாலும் கீழே விழுந்து அந்த ஊரு மண்ணு எங்க உடம்பில ஒட்டிடாம பார்த்துக்கறோம். இது தெரியாத சில முட்டாளுங்க நாங்க கீழே விழுந்து புரண்டு ஃபீல்டிங்கே பண்றதில்லைனு சொல்றாங்க. அப்ப நம்ம ஊருல ஆடும்பொழுதும் ஏண்டா விழுந்து பிடிக்க மாட்டேங்கறீங்கனு நீங்க கேக்கறது தெரியுது. நம்ம ஊருல கீழே விழுந்து நம்ம பாரத மண்ணுக்கு அடிபட்டுட்டா..அதனால தான் :)

ஒற்றுமை
எங்களுக்குள்ள இருக்க ஒற்றுமை வேற யாருக்கும் வராதுங்க. ஒருத்தர் அவுட்டாயிட்டா மத்தவங்க எல்லாம் நிறைய அடிச்சு அவரை வருத்தப்பட வைக்க மாட்டோம். எல்லாரும் கடகடனு அவுட்டாயிட்டு வந்துடுவோம். டீம்ல ஒருத்தர் மனசு கஷ்டப்பட்டாலும் எங்களுக்கு தாங்காது. ஒருத்தன் அழும்போது மத்தவங்க சிரிக்க முடியுமா? அதனால் எப்பவும் எல்லாரும் ஒற்றுமையா ஒரே மாதிரி விளையாடுவோம்:). மேட்சுன்னா வெற்றி தோல்வி சகஜம் தான். அதுக்காக கூட ஆடுறவனை விட்டுக்குடுக்க முடியுமா?

வீட்டில புலி வெளியில எலி
எல்லாரும் எங்களை இந்தியால ஆடும்பொழுது மட்டும் தான் ஜெயிப்பீங்க. வெளில போய் ஆடுறப்ப உங்க பருப்பு வேகாதுங்கறாங்க. நீங்களே யோசிச்சு பாருங்க. நம்ம ஊருல நாங்க ஆடும்போடு நாங்க ஜெயிக்கனும்னு நீங்கல்லாம் எப்படி விரும்பறீங்களோ அதே மாதிரி தான் அந்த ஊரு மக்களும் அவங்க டீம் ஜெயிக்கனும்னு ஆசைப்படுவாங்க. அவங்க ஆசையை கெடுக்கலாமா? அப்படி கெடுத்ததுக்கப்புறம் அங்கேல்லாம் போய் சுத்திப்பார்க்க முடியுமா? அதனால தான் எந்த ஊருக்கு போய் ஆடுனாலும் தோத்துட்டு வரோம். இனியாவது எங்களை இப்படி சொல்லி கிண்டல் பண்றதை நிறுத்துங்க. இல்லைன்னா நாங்க எந்த நாட்டுக்கு போறோமா அந்த நாட்டோட பேரை இந்தியானு தற்காலிகமா மாத்தி வச்சிடுங்க. என்ன OKயா?

அச்சமில்லை அச்சமில்லை
எங்களுக்கு மேட்ச்ல தோக்கறதை பத்தி பயமே இல்லை. எப்படியும் எங்க ஊரு கேனைங்க எங்களை கைவிடாதுங்க. ஒரு மேட்ச் எதாவது சப்பை டீம் கிட்ட 100 அடிச்சிட்டா போதும் வாழ்க்கைல செட்டில் ஆயிடலாம். எங்களுக்கு பயமெல்லாம் எதிரணிய பார்த்து தான். பங்களாதேஷ்ல இருந்து ஆஸ்திரேலியா வரைக்கும் நாங்க பயப்படாத டீமே கிடையாது. அங்கே பவுலர் ஓடி வரும்போதே இங்கே எங்களுக்கு நடுங்க ஆரம்பிச்சுடும். என்னங்க பண்றது எங்க பேஸ்மெண்ட் கொஞ்சம் வீக் :). எல்லா டீமும் பெர்முடா மாதிரி ஆயிடுமா? அதனால நாங்க பயப்படாம விளையாட இனிமே பெர்முடவோட மட்டும் தான் ஆடரதுன்னு முடிவு பண்ணிட்டோம் :)

உங்களுக்கு தெரிஞ்ச வியர்டை நீங்களும் சொல்லிட்டு போங்க..

நாம இன்னும் இந்த அதிர்ச்சில இருந்து மீளாம இருக்கோம். இந்த வீனாப்போனதுங்க என்ன பண்ணுது பாருங்க..

கவலைப்படாட்டியும் பரவாயில்லை. கவலைப்படற மாதிரி நடிக்கவாவது செய்யலாம்ல?

அப்படி என்ன தாண்டா பேசுவீங்க?

2007-03-26T12:35:00.000-07:00

லோக்கல்ல தென்னை மட்டை வச்சு ஆடறவங்களா இருந்தாலும், சர்வதேச லெவல்ல ஆடறவங்களா இருந்தாலும், ஒவ்வொரு ஓவர் முடிஞ்சதும், நடந்து வந்து பேட்டை தட்டிகிட்டு எதாவது பேசறது வழக்கம். இது சம்பந்தமா மெயில்ல வந்த ஒரு ஜோக்கையும், நடந்து முடிந்த இந்தியா-இலங்கை போட்டியையும் கலந்த ஒரு கற்பனை :)

இலங்கை 254 ரன் அடிச்சு இந்தியா 255 ரன் அடிச்சா வெற்றிங்கற நிலைமைல உத்தப்பாவும், கங்கூலியும் ஆட வர்றாங்க. முதல் ஓவர் சமிந்தா வாஸ் போடறாரு. உத்தப்பா தடவு தவுனு தடவி ரன் எதுவும் எடுக்காம ஆறு பந்தையும் ஆடி முடிச்சுடறாரு.

கங்கூலி : ஏண்டா, ஃபோரு சிக்ஸுனு அடீப்பனு பார்த்தா இப்படி தடவிட்டு வந்து சிரிக்கறேயே. உனக்கு உத்தப்பானு பேர் வச்சதுக்கு சொத்தப்பானு பேர் வச்சிருக்கலாம்.

உத்தப்பா : பேசாத நீயி.அவன் ஓடி வர்றது தான் தெரியுது. பந்து எங்கே விழுந்து எங்கே போகுதுன்னே தெரியலை.நானே சின்னதம்பி கவுண்டமணி மாதிரி ஒருவழியா தடவி அவுட்டாகாம நிக்கறேன். அடுத்து அந்த பஞ்சுமிட்டாய் தலையன் மலிங்கா போடுவான். நீ என்ன பண்ரனு பார்க்கலாம்.

கங்கூலி : இந்த பெங்காலிக்கு அந்த ரங்கோலி மண்டையன் எல்லாம் தூசுடா. பாரு இப்ப என் ஆட்டத்தை.

அடுத்த ஓவர் கங்கூலி வழக்கம் போல பந்துக்கு ஒத்தடம் குடுத்து ஆடிட்டு வரார்.
உத்தப்பா: (நக்கலான சிரிப்போட :) ) என்னமோ நாலு பால்ல ஆறு சிக்ஸ் அடிக்கபோற மாதிரி பேசுனே மாங்கா மண்டையா. ஏண்டா அடிக்கலை?
கங்கூலி : ஹி.ஹி அடிக்கலாம்னு தான் பார்த்தேன். எப்படியும் நீங்க எல்லாம் சீக்கிரம் அவுட்டாயி போகப்போறீங்க. நான் ஒரு 100 பால்ல 40 ரன் அடிச்சா அடுத்த கேப்டன் ஆயிடுவேன்ல. அதான். இது நமக்குள்ளயே இருக்கட்டும். நான் கேப்டன் ஆனா உன்னை வைஸ் கேப்டன் ஆக்கிடுறேன்.
உத்தப்பா : (மனசுக்குள்ள "போகாத ஊருக்கு வழி சொல்லுது பாரு பொறம்போக்கு. இது மறுபடியும் கேப்டனாயி நான் வைஸ் கேப்டன் ஆகறதுக்குள்ள எனக்கு சங்கூதிடுவாங்க" ). ஆகா நல்லா திட்டம் போடுறீங்க. கலக்கிடலாம்.

கொஞ்ச நேரத்துல உத்தப்பா உலக்கோப்பையில தனது அதிகபட்ச ஸ்கோரான 18 ரன்னை அடிச்சு அவுட்டாயி போறாரு. இப்போ ஷேவாக்கும் கங்கூலியும் ஆடறாங்க.

கங்கூலி : என்ன ஷேவாக், இன்னைக்கு எவ்வளவு அடிக்கறதா உத்தேசம்?
ஷேவாக்: நிச்சயமா இன்னைக்கும் செஞ்சுரி அடிச்சிடாலம்னு தோனுது.
கங்கூலி : இவனுங்களை என்ன அந்த பெர்முடா தலையனுங்கனு நினனச்சியா 114 அடிக்கறதுக்கு. நேத்து அடிச்சதை விட ஒரு ரன் கம்மியா அடிப்பனு தோனுது.
ஷேவக் : என்ன 113ஆ?
கங்கூலி : இல்லை 14.

10 ஓவர்ல இந்தியா 42 ரன் அடிச்சிருக்கு.
கங்கூலி : இந்த ரெண்டு பன்னாடைங்களும் போடறதை பார்த்தா அடிக்க முடியும்னு தோனலை. பேசாம இன்னும் 6 ஓவருக்கு டொக்கு வச்சிட்டு ஸ்பின்னர்ஸ் வந்தோன அடிக்கலாம்.
ஷேவாக் : போன ஓவர் வாஸ் போடும்போது கொஞ்சம் சோர்வா இருந்தான். அதனால் இந்த ஓவர்ல நீ அடிச்சு ஆடு, நான் அடுத்த ஓவரை பார்த்துக்கறேன். (மனசுக்குள்ளே "எப்படியும் இந்த நாயி அடிச்சு ஆடறேன்னு அவுட்டாயி போயிடும். அடுத்த கேப்டன் நாந்தான்" )

அவர் எதிர்பார்த்த மாதிரியே கங்கூலி அடிச்சு ஆட ட்ரை பண்ணி அவுட்டாயிடறாரு. ஸ்கோர்போர்ட்ல இருந்து கங்கூலி பேரை எடுத்துட்டு சச்சின் பேரை போடறதுக்குள்ள அவரும் அவுட்டாயி திரும்பராரு. அப்போ எதிர்ல உள்ள வர திராவிட்,

திராவிட் : ஏய் மூதேவி, அதான் ரெண்டு பாலை தொடாம விட்டில்ல.இந்த பாலையும் விடவேண்டியது தான?
சச்சின் : நானும் அப்படித்தான் நினைச்சேன். மூனாவது பால் ஆடுறப்ப பூஸ்ட் விளம்பரம் ஞாபகம் வந்துடுச்சு. அதுல ஆடர மாதிரி நினைச்சுகிட்டு பாலை தொட்டேன். அவுட்டாயிடுச்சு.அடுத்த மேட்சுல அடிக்கறேன்.
திராவிட் : அடுத்த மேட்ச் உன் பையனோட உங்க வீட்டு கிரவுண்ட்ல தான் ஆடப்போற. உன்னையெல்லாம் தலையில கட்டி என் கழுத்த அறுக்கறாங்க. அப்படி என்ன அவசரம் உனக்கு?
சச்சின் : பின்ன. போன மேட்சுல கொஞ்ச நேரம் நின்னு ஆடிட்டு போறதுக்குள்ள, ஃப்ரிட்ஜ்ல இருந்த பீரையெல்லாம் காலி பண்ணிடுச்சுங்க பரதேசிங்க. அதான் அவசரமா போறேன். ரேண்டு பீராவது தேத்தனும்ல.
திராவிட் ; ஓ இதுல இப்படி ஒன்னு இருக்கா. நீ சொல்றதும் சரிதான். அப்படியே எனக்கு ரெண்டு எடுத்து ஒளிச்சு வை.

திராவிடும், ஷேவாக்கும் எதிர்பார்த்ததை விட கொஞ்ச நேரம் தாக்கு பிடிச்சு ஆடறாங்க.ஸ்கோர் 20 ஓவர்ல 89 ரன்.

திராவிட் : ஆமா போன உலகக்கோப்பைல சிக்ஸா அடிச்ச,இப்ப என்ன ஆச்சு?
ஷேவாக்: அப்போ ஒவ்வொரு சிக்ஸ் அடிக்கரதுக்கு முன்னாலயும் எங்கம்மா ரிலையன்ஸ் ஃபோன்ல கூப்பிடுவாங்க. இந்த தடவை அவங்க ஃபோன்ல சார்ஜ் இல்லை. அதான்.
திராவிட் : த்த்த்தூதூ. இதெல்லாம் ஒரு பொழப்பு?
ஷேவாக் : (மனசுக்குள்ள என்னை பார்த்து துப்பிட்டியா? இந்த ஓவர்ல அவுட்டாயி உன்னை என்ன பண்றேன் பாரு)

ஷேவாக் அவுட்டாகி போறரு. திராவிட் அவரை கூப்பிட்டு,

திராவிட் : ஏண்டா அவன் தான் ஸ்லிப்ல ஒருத்தனை நிக்க வச்சிருக்கானே அப்புறம் ஏண்டா அவன்கிட்டயே தூக்கி குடுக்கறே.
ஷேவாக் : இல்லைண்ணே ஸ்லிப்ல நின்னு தூங்கிகிட்டு இருக்கான் அந்த பன்னாடை. என்னை டைவர்ட் பண்ற மாதிரி கொட்டாவி வேற விடுறான். அதான் அவனை அலர்ட்டா ஆக்கறதுக்கு கேட்ச் குடுத்தேன்.
திராவிட் : எல்லாரும் சொல்லி வச்சு எனக்கு குழி பறிக்கறீங்களா? போங்கடா நானே பார்த்துக்கறேன்.

அடுத்து வர யுவராஜும் தேவையில்லாம ரன் அவுட்டாயி போறாரு. அப்போ

திராவிட் : டேய் ப்ரில்கிரீம் மண்டையா, அதான் பால் நேரா ஃபீல்டர் கிட்ட போகுதே அப்புறம் ஏண்டா ஓடி வந்து ரன் அவுட்டான?
யுவராஜ் : இந்த பேச்சுக்கும் ஒன்னும் குறைச்சலில்லை. நான் தான் ஓடிவந்தேன்ல நீயும் வரவேண்டியது தான்?உனக்கு சுவருன்னு பேரு வெச்சதுக்கு குட்டிச்சுவருன்னு பேர் வச்சிருக்கலாம்
திராவிட் : நீ ஓடி வந்தது எங்கேடா தெரியுது. மண்டைல பூசியிருக்கர க்ரீம்ல க்ளேர் அடிச்சு கண்ணே தெரிய மாட்டேங்குது.

அடுத்து வர நட்சத்திர ஆட்டக்காரர் டோணி முதல் பால்ல அவுட்டாகி போறாரு. மகா கடுப்பான திராவிட் அவரை கூப்பிட்டு,

திராவிட் : டேய் சடையாண்டி, அவன் தான் ஸ்டம்புக்கு நேர பாலை போடறான்ல. கையில அவ்வளவு பெரிய பேட் வச்சிருக்கியே, அதால ஆடாம ஏண்டா காலை குறுக்கால விட்ட?
டோணி : இல்லன்னே, பேட்ட வைக்கலாம்னு தான் குனிஞ்சேன். அதுக்குள்ள முடி முன்னால் விழுந்து கண்ணை மறைச்சிடுச்சு
திராவிட் : போடி மாவு, ஏற்கனவே வீட்டு சுவத்தை எல்லாம் இடிச்சுட்டானுங்க. இனி உனக்கு சங்கு தான். முடிய வெட்டு முடிய வெட்டுனு எவ்வளவு தடவை சொன்னேன் கேட்டியாடா முள்ளம்பன்றி தலையா.
டோணி : கவலைப் படாதீங்கண்ணே, அதான் அகர்கர் இருக்கான்ல.
திராவிட் : யாரு அவனா? முப்பது யார்ட் சர்கிளுக்கு வெளியே அடிச்சா சிக்ஸ் இல்லைடா, பவுண்டரிக்கு வெளியே அடிக்கனும்னு எவ்வளவோ தடவை சொல்லிட்டேன். கேக்க மாட்டேங்கறான். அவனை வெச்சு உருப்பட்டாப்ல தான்.
டோணி : அப்புறம் ஏன்னே அவனை டீம்ல சேர்த்தீங்க?
திராவிட் : நான் எங்கேடா சேர்த்தேன். அந்த சச்சின் தான் அடம் பிடிக்கறான். ஒட்டடைக் குச்சிக்கு, துடைப்பகட்டை ரெகமண்டேஷன்.

அடுத்து வரும் அகர்கர் அதிசயமாக தாக்கு பிடித்து ஆறு ரன்கள் அடிச்சிருக்கார்.

திராவிட் : டேய் அதான் ஆறு ரன் அடிச்சு கலக்கிட்டியே, அப்புறம் ஏண்டா இப்படி பொனம் மாதிரி மூஞ்சிய வச்சிருக்க?
அகர்கர் : உங்க கிட்ட சொல்றதுக்கென்ன. நானே விழுந்து புரண்டு ஒரு ஃபிகரை செட் பண்ணி வச்சிருந்த்தேன், அது இப்போ நம்ம முனாஃபோட சுத்துது.
திராவிட் : ஏண்டா, அந்த ஃபிகர் கிட்டயே கேக்க வெண்டியது தான?
அகர்கர் : கேட்டேனே. என்னை விட முனாஃப் நல்லா போடறானாம். நிறைய விக்கெட் எடுக்கறானாம். அதான் என்னை கழட்டி விட்டுடுச்சு.
திராவிட் : நீயும் நல்லா போட்டு விக்கெட் எடுக்க வேண்டியது தான?
அகர்கர் : எண்ணன்னே என்னை பத்தி தெரிஞ்சு தான் பேசுறீங்களா? அதெல்லாம் நம்ம கையிலயா இருக்குது. என்னால முடிஞ்ச விஷ்யம்னா பண்ணலாம். விக்கெட் எடுக்கறதெல்லாம் நம்ம சக்திக்கு அப்பாற்பட்ட விஷயம்னே.

சிறிது நேரத்தில் அகர்கரும் அவுட்டாகிப் போக, திராவி தனியாளாக வீரத்துடன் போராடுகிறார் :). மலிங்கா வீசும் ஓவரில் நான்கு பவுண்டரி அடிச்சுட்டு சங்கக்கராவை பெருமையாக பார்க்கிறார்.

சங்கக்கரா ; அடிச்சதெல்லாம் ஓசி ஃபோரு. இது பார்க்கறதை பாரு. இதைத்தான் அணையப்போற விளக்கு பிரகாசம எரியுதுன்னு சொல்லுவாங்க. அடுத்த ஓவர்ல இருக்குதுடி உனக்கு ஆப்பு.

வழக்கம் போல் சைக்கிள் ஸ்டாண்டாக அனைத்து ஆட்டக்காரர்களும் அவுட்டாக, முனாஃபும், ஹர்பஜனும் கடைசி விக்கெட்டுக்கு ஆடுகிறார்கள்.

சங்கக்கரா : ஏண்டா பன் தலையா, அதான் எல்லாரும் அவுட்டாயி பொயிட்டாங்கள்ல, நீங்க மட்டும் எதுக்குடா துள்ளுறீங்க?
ஹர்பஜன் : எங்களையெல்லாம் யாரும் விளம்பறத்துல நடிக்க கூப்பிடறதில்லை. இப்படி எதாவது அடிச்சாலாவது கூப்பிடுவாங்கள்ல.அதான்.
சங்கக்கரா : நீங்க திருந்த மாட்டீங்களாடா? உங்களுக்காக சிகாகோல இருந்து சிறில்னு ஒருத்தர் ஃபேக்ஸ் அனுப்பியிருக்காரு.
ஹர்பஜன் : என்னவாம்?
சங்கக்கரா : போய் விவசாயத்தை பாருங்கடா!னு சொல்லியிருக்காரு.
ஹர்பஜன் : இது கூட நல்ல யோசனை தான். நாங்க விவசாயம் பண்ற அழகை பார்த்துட்டு சுகுனா பம்ப், ஸ்பிக் யூரியானு எதாவது விளம்பரத்துல நடிக்க கூப்பிடுவாங்களா?

சங்கக்கரா மயங்கி விழுகிறார்!!

போட்டி முடிந்தபின், சிவராமகிருஷ்ணன் திராவிடிடம் கேள்விகள் கேட்கிறார்.

சிவா: திராவிட், இன்னைக்கு தோத்ததை பத்தி என்ன சொல்ல விரும்பறீங்க?
திராவிட் : hmm..It's a disappointing day for us. Our bowlers didn't bowled well, batsmen didn't bat well and fielder's didn't field well.
சிவா: ஏண்டா, பவுலிங்கும் போடமாட்டிங்க, ரன்னும் அடிக்க மாட்டிங்க, விழுந்து ஃபீல்டிங்கும் பண்ண மாட்டிங்க! அப்புறம் என்ன ம....க்குடா கிளம்பி வந்தீங்க?
திராவிட் : ஹி.ஹி.. போன வருஷம் ஆட வந்தப்ப சில கரீபியன் தீவுகளை சுத்தி பார்க்க நேரமில்லாம போச்சு.அதுக்கு தான் சுத்தி பார்க்கலாம்னு கம்பைண்ட் ட்ரிப்பா இங்கே வந்தோம்.
சிவா : வந்தது தான் வந்தீங்க. 12 பேர் மட்டும் வந்திருக்கலாம்ல. எதுக்குடா சும்மா பெஞ்சுல உக்கார்ரதுக்கு பதான்,ஸ்ரீசாந்த், கார்த்திக் மூனு பேரையும் கூட்டிகிட்டு வந்தீங்க?
திராவிட் : ஆறு டிக்கெட் வாங்கினா ஒன்னு ஃப்ரீன்னு சொன்னாங்க. அதான் 12 டிக்கெட்டுக்கு 2 டிக்கெட் ஃப்ரீயா கிடைக்குதேன்னு கூட்டிகிட்டு வந்தோம்.
சிவா : அப்படி பார்த்தாலும் ஒரு டிக்கெட் செலவு தானடா?
திராவிட் : அது ஒன்னும் பெரிய விஷயமில்லை. இந்தியாக்கு போன உடனே அஞ்சால் அலுப்பு மருந்து விளம்பரத்துல நடிச்சு அந்த காசை சம்பாதிச்சுடலாம் :)

சிவராமகிருஷ்ணனும் சுருண்டு விழுகிறார் ! !

ஒரு இந்திய ரசிகனின் புலம்பல்

2007-03-23T15:10:00.000-07:00

கோடிக்கணக்கான ரசிகர்களோட கனவை கனவாவே ஆக்கிட்டாங்க இந்திய அணியினர். நான் இப்போ வேண்டிக்கறதெல்லாம் ஞாயிற்றுக்கிழமை பங்களாதேஷ் ஜெயிக்கனும்னு தான். எல்லாரோட எதிர்பார்ப்பை, ஆசையை, கனவை கிழிச்சு குதறிப்போட்டுட்டாங்க. இந்திய அணியை வெறித்தனமா சப்போர்ட் பண்ண நான் இந்தியா அடுத்த சுற்றுக்கு போகக்கூடாதுன்னு தான் இப்போ நினைக்கிறேன். You don't deserve it guys.உங்களை பத்தி பெருமையா எழுதினதுக்காக வெக்கப்படறேன்,வருத்தப்படறேன்.

பங்களாதேஷ் கிட்ட தோத்தப்ப எதோ பேட் ல்க் அதனால் தான் தோத்தோம், நிச்சயமா இலங்கைய ஜெயிச்சு அடுத்த சுற்றுக்கு போவோங்கற நம்பிக்கை இருந்துச்சு. இன்னுமாட எங்களை நம்பறீங்கன்னு இன்னைக்கு நிரூபிச்சுட்டாங்க. இதுக்கு மேல கேவலமா ஒரு அணி, அதுவும் பத்தாயிரம் ரன் அடிச்ச மூனு பேர் இருக்கற அணி ஆட முடியுமான்னு தெரியலை. தயவு செய்து மேட்ச் ஃபிக்ஸிங் செஞ்சாவது பங்களாதேஷ் அடுத்த சுற்றுக்கு போக வைக்கனும். அவங்களே நம்மளை விட நல்லா ஆடுவாங்கங்கற நம்பிக்கை இருக்கு. ஒருநாள் தோத்தா பரவாயில்லை. மறுபடியும் மறுபடியும் அதே மாதிரி தோக்குறப்போ வெறுப்பு தான் வருது. இன்னைக்கு ஆடின விதத்தை பார்க்கறப்போ இவங்களை பத்தி பெருமையா சொல்றதெல்லாம் just hypeனு தோனுது. இப்பவாவது உனக்கு புத்தி வந்துதேனு சந்தோஷ்,சிறில் எல்லாம் சிரிக்கறது கேக்குது. என்னங்க பண்றது..நான் கொஞ்சம் ஸ்லோ..

இவ்வளவு பணம் குவிக்கறிங்களேடா, அதுக்கு கொஞ்சமாவது பொறுப்பா விளையாடனும்னு தோனலையா உங்களுக்கு. உங்களை சொல்லி குத்தமில்ல. உங்களை நம்பி இன்னும் உக்காந்து பார்க்கறோமே எங்களை சொல்லனும். திரும்ப பெர்முடா, ஸ்காட்லாந்துனு எதாவது அணி கிடைச்சா வெளுத்து வாங்குங்க.கேன மாதிரி கைதட்டி ரசிக்க நாங்க இருக்கோம். எப்படியும் உங்களுக்கு பணம் கிடைக்க போகுது, உங்களுக்கு என்ன கவலை. டி.வில காண்பிக்கறப்ப மட்டும் இஞ்சி திண்ண குரங்கு மாதிரி மூஞ்சிய வச்சிகிட்டு சோகமா இருக்கற மாதிரி போஸ் குடுங்க. இனிமே மேட்ச் பார்த்து நேரத்தை வேஸ்ட் பண்ணாதீங்கடானு நல்ல பாடம் கத்து குடுத்துட்டிங்க.

தயவு செஞ்சு நீங்க இதுவரைக்கும் சம்பாதிச்ச காசுல கொஞ்சத்தை எதாவது புக்கி கிட்ட குடுத்து பங்களாதேஷ் அடுத்த சுற்றுக்கு போக வைங்க. கிரிக்கெட்டுக்கு கொஞ்சம் நல்லது பண்ன புண்ணியமாவது கிடைக்கும்.

பி.சி.சி.ஐ கிட்ட கேக்கறது எல்லாம் ஒன்னே ஒன்னு தான். தயவு செஞ்சு வயசான காலி பெருங்காய டப்பாக்களை எல்லாம் தூக்கி எறிஞ்சுட்டு இளம் வீரர்களை கொண்டு வாங்க. அதனால் தொடர்ந்து 15, 20 மேட்ச் தோத்தாலும் பரவாயில்லை. அணில ஒரு புத்துணர்சியாவது வரும். இப்ப இருக்கவங்க ஆடினாலும் தோத்து தான் போறோம். அதுக்கு புது ஆளுங்களை முயற்சி பண்ணி அவங்களுக்காவது வாய்ப்பு கொடுக்கலாம். சச்சின் அவர்களே, நீங்க நிறையா சாதனை பண்ணியிருக்கீங்க. பெரிய ப்ளேயர் தான். ஆனா every good thing should come to an endனு சொல்ற மாதிரி உங்களுக்கான நேரம் வந்துடுச்சு. நீங்களாவே ரிடையர் ஆகறது உங்க கடந்த கால சாதனைகளுக்கு மரியாதை. உங்களை அணிய விட்டு தூக்க வேண்டிய தர்மசங்கடமான் நிலைமைய குடுக்காதீங்க. இதே தான் இன்னைக்கு சொதப்பின எல்லா பெரிய ப்ளேயர்களுக்கும். நீங்க பண்ண நல்லதெல்லாம் போதும். புதுசா வரவங்க பாத்துப்பாங்க. நீங்க எல்லாம் கொஞ்சம் ரெஸ்ட் எடுங்க. வேறா ஏதாவது அணில பயிற்சியாளர் பதவி காலியாகும், இல்லைன்னா வர்ணனையாளர் பதவி காலியாகும். You guys are fit to talk cricket, not to play cricket. இன்னைக்கு ஒரு மேட்சுல தோத்ததை வச்சு இதை சொல்லலை. சமீபகாலமா நீங்க ஆடறதை வச்சு சொல்றேன். I really feel ashamed for writing about you in my previous posts.

எப்பவும் இந்தியா தோத்த இந்த மாதிரி திட்டிட்டு, புலம்பிட்டு அடுத்த நாளே அவங்க ஆடறதை பார்க்க உக்காந்திடுவேன். ஆனா இந்த முறை அவங்க குடுத்த அதிர்ச்சி ரொம்ப அதிகம். இனியாவது நல்ல திறமையான, கிரிக்கெட்ட பணம் காய்க்கும் மரமா பார்க்காம கிரிக்கெட்டா பார்க்கற அணிய சப்போர்ட் பண்ணுவோங்கற முடிவுக்கு வந்துட்டேன்.

WELL DONE SRILANKA FOR KICKING A...HOLES OUT OF WORLDCUP! ! !

நாளை நமதே !

2007-03-22T23:15:00.000-07:00

ஒருவழியா கால்குலேட்டரை தூக்கிப் போட்டுட்டு, ஜெயிச்சா போதும் அடுத்த சுற்றுக்கு போயிடலாங்கற நிலைமைக்கு வந்திருக்கோம் இலங்கையோட புண்ணியத்தால. இலங்கை ஏற்கெனவே அடுத்த சுற்றுக்கு போயிட்டதால நாளைக்கு அவ்வளவு சீரியஸா விளையாடமாட்டாங்கன்னு சொல்லவும் முடியாது. ஏன்னா அவங்க நாளைக்கு தோத்தா, சூப்பர் 8க்கு 0 புள்ளிகளோட போகனும். இந்தியா 2 புள்ளிகளோட போகும். அடுத்த சுற்றுல இந்த 2 புள்ளிகள் ரொம்ப ரொம்ப முக்கியம். அதனால் இலங்கையும் நிச்சயமா ஜெயிக்கத்தான் பார்ப்பாங்க.

நாளைக்கு அணில உத்தப்பா இருக்க மாட்டாருன்னு நினைக்கிறேன். அவருக்கு பதிலா கார்த்திக் உள்ள வர வாய்ப்பிருக்கு. அதே மாதிரி அகர்கருக்கு பதிலா பதானை கொண்டு வந்தால் நல்லா இருக்கும். உத்தப்பாவுக்கு பதிலா பதானை கொண்டுவரவும் வாய்ப்பிருக்கு. அப்போ ஜாகிர்,முனாஃப்,பதான்,அகர்கர்,கும்ப்ளே/ஹர்பஜன்னு அஞ்சு பவுலர்கள் இருப்பாங்க. இந்தியா இந்த முடிவை எடுக்கவும் வாய்ப்புகள் அதிகம். ஏன்னா நாளைக்கு இலங்கை கிட்ட நாலு பவுலர்களையும், அஞ்சாவது 10 ஓவருக்கு ஷேவாக்,சச்சின்,யுவராஜ் எல்லாரையும் வச்சு ஒப்பெத்தறது ரொம்ப கஷ்டம். இருக்கற நாலு பவுலர்கள்ல யாராவது ஒருத்தர் சொதப்பினாலும் ரொம்ப சிக்கலாயிடும். அதனால அஞ்சு பவுலர்களோட போறது நல்லது. அப்போ பதானை சேர்த்துகிட்டா பேட்டிங்கும் கொஞ்சம் பலமாகும். உத்தப்பா 5 ரன் எடுத்து அவுட்டாகறத விட, பதான் 5 ரன் எடுத்து அவுட்டானாலும், பவுலிங்க்குக்கு உதவுவாரு. ஷேவாகே நான் ஆடமாட்டேன்னாலும் திராவிட் விடமாட்டாரு. போன போட்டில சதமடிச்சு நல்லா சிமெண்ட் போட்டு இடத்தை பிடிச்சிட்டாரு. அதனால கண்டிப்பா ஷேவாக் இருப்பார்.

ஜெய்வர்தனே டாஸ் ஜெயிச்சா கண்டிப்பா பவுலிங் தான் எடுப்பார். அதேசமயம் திராவிட் ஜெயிச்சால் பேட்டிங் எடுக்கனும்கறது என்னோட கருத்து. பிட்சுல ஸ்விங் இருக்கும், ஆடரது கஷ்டம்னாலும், முதல் பத்து ஓவரை தாக்கு பிடிச்சிட்டா கொஞ்சம் ஈஸி தான். நேத்து இலங்கை பங்களாதேஷ் கிட்ட பண்ண மாதிரி. முதல் பத்து ஓவர்ல 60,70 ரன் அடிக்கனும்னு அவசியமே இல்லை. ஒன்னு ரெண்டுன்னு ஸ்டைரைக்க ரொட்டேட் பண்ணாலே, ரன்னும் வரும் கான்ஃபிடன்ஸும் வரும். அதே சமயத்தில பவுலரையும் பதட்டப்படுத்தும். அஞ்சு பந்து டொக்கு வச்சிட்டு ஆறாவது பந்தை 4 அடிக்க போய் அவுட்டாகறதுக்கு பதில் ஸிங்கிள்,2ன்னு தட்டி தட்டி ஒரு ஓவருக்கு 4 ரன் எடுத்தா போதும். 10 ஓவருக்கு 40/0 இருக்கறது 10 ஓவருக்கு 60/3னு இருக்கறத விட நல்லது தான.

ஒருவேளை வியாழக்கிழமை இரவு மழை அதிகமா இருந்தா டாஸ் ஜெயிச்சதும் பவுலிங் பண்றதை பத்தி யோசிக்கலாம். இல்லைன்னா முதல்ல பேட்டிங் பண்றது தான் நல்லது. 250 ரன்ன சேஸ் பண்ணா கூட திடீர்னு ரெண்டு விக்கெட் விழுந்துட்டா ப்ரெஷர் அதிகமாயிடும், ரன்ரேட் கம்மியாயிடும். அப்புறம் அடிச்சு ஆட முயற்சி பண்ணி இன்னும் கஷ்டம். இந்தியா சேஸ் பண்ணி வின் பண்ணதேயில்லைனு சொல்லலை. இந்த மாதிரி வாழ்வா சாவான்னு இருக்கற சூழ்நிலைல முதல்ல பேட்டிங் பண்றது பாதுகாப்பானது.

அடுத்தது பேட்டிங் ஆர்டர். நாளைக்கு கொஞ்சம் ஃபெளெக்ஸிபிளான பேட்டிங் ஆர்டர் இருக்கறது நல்லது. கங்கூலியும் ஷேவாக்கும் தான் தொடங்குவாங்க. அதுல எந்த மாற்றமும் இருக்காதுன்னு நினைக்கிறேன். ஒருவேளை முதல் விக்கெட் 2,3 ஓவருக்குள்ள போயிடுச்சுன்னா, ஒன்டவுனா திராவிடை இறக்கலாம். மறுபடியும் ஒரு விக்கெட் போகாம அடுத்த ஆறு ஏழு ஒவருக்காவது ஆட வேண்டியது முக்கியம். அதே சமயம் ரன்ரேட்டையும் ஒரு நாலு ரன்லயாவது மெயின்டெய்ன் பண்ணனும். ஒருவேளை 10 ஓவருக்கு மேல முதல் விக்கெட் போய், ரன் ரேட் கொஞ்சம் கம்மியா இருந்தா அடிச்சு ஆடற யாரையாவது இறக்கி ரன்ரேட்டை உயர்த்த முயற்சி பண்ணனும். முக்கியமானது நடந்ததை நினைக்காம பயப்படாம ஆடறது தான். முன்னால ஒரு பதிவுல சொன்ன மாதிரி 'Play your natural game.Be committed to the game'. அதிரடியா அடிச்சு ஆடனும்னு இல்லை ஆனா ஸாலிட்டா ஆடனும். பவுலரை செட்டில் ஆக விடக்கூடாது. அந்த தப்பை தான் பங்களாதேஷ் கிட்ட பண்ணோம். ஒரேயடியா தடவாம, அடிக்கடி பீட்டன் ஆகாம், ஸாலிட்டா பந்தை அடிச்சாலே பவுலருக்கு ஏதாவது வித்தியாசமா பண்ணனும்னு தோனும். அப்போ நிறைய லூஸ் டெலிவரி கிடைக்க வாய்ப்பிருக்கு. நாளைக்கு Mental Game தான் பலன் கொடுக்கும்.

ஒரு பேட்ஸ்மேன் தொடர்ந்து ஆடி 100 அடிச்சு மறுமுனைல ஆடறவங்க ஆளுக்கு ஒரு முப்பது ரன் அடிச்சு அவருக்கு ஸ்டேண்ட் குடுத்தாலே போதும். நல்ல ஸ்கோர் அடிச்சிடலாம்.கங்கூலி போன ரெண்டு மேட்சுலயும் ஒருமுனைல நிலைச்சு நின்னு ஆடுனாலும், கொஞ்சம் வேகமா ரன் எடுக்கவும் முயற்சி பண்ணனுங்கறது என்னோட அபிப்ராயம். விக்கெட்ட காப்பத்த வேண்டியது முக்கியம்னாலும், ஒண்ணு ரெண்டுன்னு எடுத்து ரன்ரேட்டை பாதுகாக்கறதும் முக்கியம்.

பவுலிங்கும், ஃபீல்டிங்கும் சுமார் தான். இதை வச்சு இலங்கைய சமாளிக்கறது கஷ்டம் தான். நாளைக்கு அநேகமா கும்ப்ளேக்கு பதில் ஹர்பஜன் மறுபடியும் வருவாருன்னு நினக்கிரேன். இலங்கைல இடதுகை ஆட்டக்காரர்கள் நெறைய பேர் இருக்கறதால ஹர்பஜன்னுக்கு தான் வாய்ப்பு அதிகம். பார்ப்போம் திராவிடும் சாப்பலும் என்ன முடிவு பண்றாங்கன்னு. நாளைக்கு ஆடப்போற பிட்ச்ல இதுவரைக்கும் எந்த போட்டியும் நடக்கலை. இந்த பிட்சுல முதல்ல, ஸ்விங்கும் பவுண்சும் இருந்தாலும், அதுக்கப்புறம் ஆடறதுக்கு ஈஸியா இருக்கும்னு சொல்றாங்க. எல்லாத்தையும் கவனத்தில எடுத்துக்கனும். கண்டிப்பா அஞ்சு பவுலர்க்ளோட போறது தான் நல்லது.

நாளைக்கு இந்தியா ஜெயிச்சா, உடனே மேட்ச் ஃபிக்ஸிங்னு சொல்றதுக்கு நிறைய பேர் கிளம்பிடுவாங்க. அவங்களுக்கு எல்லாம் சொல்றது இதுதான். மேட்ச் ஃபிக்ஸிங் நடந்திருக்கு, இல்லைன்னு சொல்லலை. அதுக்காக இந்தியா தோத்தா உடனே காசு வாங்கிட்டாங்கன்னு சொல்றதும், ஜெயிச்சா காசு குடுத்து ஜெயிக்க வச்சாங்கன்னு சொல்லாதீங்க. சில மேட்சுல நடந்ததுக்காக எல்லா மேட்சையும் சந்தேகப்பட்டா, அப்புறம் க்ரிக்கெட்டோட சுவாரசியமே போயிடும். இந்தியா நாளைக்கு தோத்து வெளியேறினா, அதுக்காக இந்தியால எல்லாரும் பார்க்காம இருக்கப்போறதில்லை. கிரிகெட்ட ரசிக்கறவங்க இந்தியா ஆடுனாலும் ஆடாட்டியும் பார்ப்பாங்க. இந்தியா ஆடுனா த்ரில் அதிகம் அவ்வளவு தான். ஆக எல்லாத்தையும் மறந்துட்டு இந்தியா நாளைக்கு ஜெயிக்கனுங்கறதை மட்டும் நினைப்போம். கடவுள் சோதிச்சாலும் கைவிட மாட்டாரு :)

நான் கொஞ்சம் weird ! !

2007-03-22T07:05:00.000-07:00

தன்னோட weird குணங்களை பத்தி சொல்லும்பொழுது போறபோக்குல எனக்கு ஒரு பாலை போட்டுட்டு போயிட்டாரு நம்ம சிறில். கிரிக்கெட் பத்தி மட்டும் எழுதிட்டு இருந்த எனக்கு என்னைப் பத்தியும் கொஞ்சம் எழுத களம் அமைச்சுக் குடுத்ததுக்காக அவருக்கு ஒரு நன்றி!

அஞ்சு குணங்களை சொன்னா போதுமாம். அதனால நான் weirdனு நினைக்கிற என்னோட அஞ்சு பெரிய விஷயங்கள் உங்களுக்காக (இதுலயும் ரெண்டு கிரிக்கெட் சம்பந்தப்பட்டது தான் )

1. சாப்பிடும் பொழுது எதாவது புக் படிக்கறது. படிக்க ஒரு புக் இல்லைன்னா சாப்பாடு இறங்காது. சாப்பாடு இல்லாம் புத்தகம் படிக்கலாம் ஆனா புத்தகம் இல்லாம சாப்பிட முடியாது நம்மால.என் அம்மா, அக்கா, மனைவி எல்லாரும் எவ்வளவோ சொல்லி பார்த்துடாங்க. நான் திருந்தற மாதிரி இல்லை. இப்பல்லாம் என் வீட்டுக்காரம்மாவும் சாப்பிடும் பொழுது புத்தகம் படிச்சிகிட்டே சாப்பிட ஆரம்பிச்சிட்டாங்க. என்னால முடிஞ்ச நல்ல காரியம் :) . படிச்சிகிட்டே சாப்பிட்டா ருசியே தெரியாதும்பாங்க. சிலசமயம் அது நல்லது தாங்க :). ஒரு தடவை பருப்பே போடாம பண்ண பொங்கலை கூட தெரியாம சாப்பிட்டுட்டு போயிருக்கேன்னா பார்த்துக்கோங்க :)

2. வண்டி ஓட்டிட்டு போகும்பொழுது முன்னால போற காரோட நம்பரை கூட்டி என்ன நம்பர் வருதுன்னு பார்க்கறது. அந்த காரோட நம்பர்ல எதாவது சிறப்பு இருக்கா (உதாரணமா எனக்கு தெரிஞ்ச யாரோட பிறந்தநாளாவது) அப்படின்னு யோசிக்கறது வழக்கம். இது எப்ப ஆரம்பிச்சுதுன்னு தெரியாது. ஆனா இன்னும் தொடர்ந்துகிட்டு இருக்கு. இதனால எந்த பயனும் இலலைன்னாலும், சில சமயம் கவனம் சிதறும். நானும் இதை நிறுத்தனும்னு பார்க்கறேன் முடியலை.

3. கொழுகொழுன்னு எதாவது குழந்தைய பார்த்தா உடனே அதோட கன்னத்தை கிள்ளனும்னு தோனும்( குழந்தை அழுகாத அளவுக்கு தான்). முன்னெல்லாம் சொந்தக்காரங்க குழந்தைங்க யாரையாவது கிள்ளிகிட்டு இருந்தேன். இப்பொ என் பையனை கிள்ளி அதனால் தெனமும் திட்டு வாங்கிட்டு இருக்கேன். இதுக்கெல்லாம் சேர்த்து வச்சு பையன் பெரியவனாகி உதைக்கப் போறான் :)

4. கிரிக்கெட் பார்க்கும்பொழுது எதாவது ஒரு இடத்துல உக்காந்து, இந்தியா நல்லா ஆட ஆரம்பிச்சிட்டா மேட்ச் முடியற வரைக்கும் கம் போட்டு ஒட்டுன மாதிரி அதே இடம் தான். அடுத்தடுத்த மேட்சுக்கும் அதே இடம் தான். இந்தியா தோக்கற மேட்ச் வரைக்கும் இது கண்டின்யூ ஆகும். அப்புறம் வேற இடம் தேட வேண்டியது தான். எனக்கு தெரிஞ்சி கிரிக்கெட் பார்க்கற முக்கால்வாசி பேரு கிட்ட இந்த சென்டிமென்ட் இருக்கும்னு நினைக்கிறேன். இதுல நான் மட்டுமில்லை, மத்தவங்களும் அவங்க இடதை விட்டு நகரக்கூடாது. அப்ப தான் ஒர்க் அவுட் ஆகும் :) . இதுனால் இந்தியாவுக்கு வெற்றி கிடைக்கறத விட எனக்கு திட்டு கிடைக்கறது தான் அதிகம்.

5. மேட்ச் ஃபிக்ஸிங், பெட்டிங், டைம் வேஸ்ட்னு ஒவ்வொருத்தரும் ஒவ்வொன்னு சொன்னாக்கூட கிரிக்கெட் மேல வெறியா இருக்கறது. இந்தியா கேவலமா தோத்தாக்கூட கொஞ்ச நேரத்துக்கு எரிச்சலா இருக்கும்.இனிமே கிரிக்கெட்டே பார்க்கக் கூடாதுன்னு தோனும். ஆனா நைட்டே ஹைலைட்ஸ் பார்க்க உக்காந்திடுவேன். ஒரு படத்தை 10 தடவை 20 தடவை பார்க்கிற மாதிரி, இந்தியா ஜெயிச்ச மேட்சா இருந்தா முழு ரீப்ளேய கூட அலுக்காம பார்ப்பேன். காலைல பார்த்த மேட்ச் தானன்னு யாரவது எதாவது சொன்னா கூட இந்த காது to அந்த காது தான். இவ்வளவு வெறியா இருக்குறியே நீ பெரிய ப்ளேயரானு கேட்டு யாரும் மானத்தை வாங்கிடாதீங்க :( . போன உலகக்கோப்பை நடந்தப்போ சின்ன 6" டி.விய ஆஃபிசுக்கு எடுத்துட்டு போய், Requiremet Documents,technical Specification print out, அட்டை டப்பா எல்லாம் மூனு பக்கமும் வச்சு உள்ளே டி.வி வச்சு மேட்ச் பார்த்தேன்னா பார்த்துக்கோங்க :). என் ராசி இந்த தடவையும் பிடுங்க நிறைய ஆணி குடுக்காம நெட்ல மேட்ச் பார்க்க விட்டுட்டாங்க :)

அடுத்து என் பங்குக்கு நானும் அஞ்சு பந்து வீசனுமாமே..ஆறு பந்து வீசி ஒரு ஓவராக்கிடறேனே.இதோ என்னோட லிஸ்ட்

1. சிவபாலன்
2. SK ஐயா
3. கனவுலகம் கார்த்தி
4. தம்பி கதிர்
5. ஃபாஸ்ட் பவுலர் (உங்க உண்மையான் பேர் என்னங்க???? பிரெட் லீ, ஷேன் பாண்ட்னு எல்லாம் சொல்லாதீங்க :) )
6. சந்தோஷ்

இவங்க ஆறு பேரும் இந்த பதிவை படிப்பாங்களான்னு தெரியலை. படிக்கற யாராவது அவங்க கிட்ட சொன்னீங்கன்னா உங்களுக்கு 1000 பின்னூட்டம் பரிசாக தரப்படும்.

சூப்பர் 8க்கு செல்ல வழி

2007-03-21T14:45:00.000-07:00

இன்னைக்கு நடந்த மேட்சுல இலங்கை 318 ரன் அடிச்சு பங்களாதேஷை பொளந்து கட்டிட்டாங்க .இன்னைக்கும் தீபாவளி கொண்டாடலாம்னு ஆசையோட இருந்த பங்களாதேஷுக்கு பொங்கல் குடுத்துட்டாங்க. எப்படி எல்லாம் ஆடக்கூடாதுன்னு நாம புரிய வச்சோம், எப்படியெல்லாம் ஆடனும்னு இன்னைக்கு இலங்கை புரியவச்சிட்டாங்க. எந்த பவுலரையும் செட்டில் ஆகவே விடலை. பவுண்டரியோ சிக்ஸோ அடிக்க முடியாத நேரங்கள்ல ஒன்னு,ரெண்டுன்னு எடுத்து தொய்வில்லாம ஆடினாங்க. பவுலர்களும் நல்லா பந்து வீசி பங்களாதெஷை 112 ரன்னுக்கு சுருட்டிட்டாங்க.Good Work Srilanka!

இந்த மேட்சை பத்தி அதிகமா பேசறதை விட்டுட்டு அடுத்து நாம் என்ன பண்ணா அடுத்த சுற்றுக்கு போக முடியும்னு பார்க்கலாம்.

இன்றைய நிலவரப்படி நம்ம க்ரூப்ல இருக்கற அணிகளோட புள்ளிகள் மற்றும் நெட் ரன்ரேட்.

Country	Matches	Won	Lost	No Result	Points	NRR
Srilanka	2	2	0	0	4	4.594
India	2	1	1	0	2	2.507
Bangladesh	2	1	1	0	2	-2.002
Bermuda	2	2	0	0	0	-5.0

இப்போதைய நிலவரப்படி நாம வெள்ளிக்கிழமை இலங்கைய வெற்றி பெற்றாலே போதும். ரன்ரேட் பத்தி அவ்வளவா கவலைப்பட வேண்டாம். எப்படின்னா உதாரணத்துக்கு இந்தியா 250 ரன் அடிச்சு இலங்கைய 240 ரன்னுக்கு அவுட்டாக்குதுன்னு வச்சுக்குவோம்.அப்போ இந்தியாவோட ரன்ரேட் 1.75 கிட்ட இருக்கும். இதேதான் இந்தியா 300 ரன் அடிச்சு, இலங்கையை 290க்கு அவுட்டாக்கினாலும், 200 ரன் அடிச்சு அவங்களை 190க்கு அவுட்டாக்கின்னாலும். 250 ரன் இலக்கை, இந்தியா இரண்டாவதா ஆடி 49 ஓவர்ல அடிச்சா கூட இந்தியாவோட ரன்ரேட் 1.7 கிட்ட இருக்கும். அப்போ இலங்கையோட ரன்ரேட் 2.94 இருக்கும்.

பெர்முடாவொட போட்டில பங்களாதேஷ், இந்தியாவோட ரன்ரேட்டை விட அதிகம் எடுக்க என்ன பண்ணனும்னு பார்க்கலாம்.

பங்களாதேஷ் முதல்ல ஆடி 300 ரன் எடுத்து, பெர்முடாவை 0 ரன்களுக்கு ஆல்அவுட் ஆக்கினா கூட அவங்க ரன்ரேட் 0.7 கிட்ட தான் இருக்கும். அதேமாதிரி பெர்முடா முதல்ல ஆடி 50 ரன் அடிச்சு, பங்களாதேஷ் அதை 2 ஓவர்ல அடிச்சா கூட ரன்ரேட் 0.3 தான் இருக்கும். ஆக ரன்ரேட் மூலமா பங்களாதேஷ் அடுத்த சுற்றுக்கு வர வாய்ப்பே இல்லை.

மக்கா வெள்ளிக்கிழமை ஜெயிச்சு அடுத்த சுற்றுக்கு வாங்கப்பா ! ! புலம்ப வச்சுடாதீங்க

வெள்ளிக்கிழமை மழை வருமா வராதான்னு தெரிந்து கொள்ள

சூப்பர் 8க்குள் நுழைந்தது இந்தியா ! ! !

2007-03-20T14:45:00.000-07:00

எல்லாரும் இந்தியா சூப்பர் 8க்கு போகுமா போகாதான்னு கவலைப்பட்டுகிட்டு இருக்க, எல்லாரோட எதிர்பார்ப்புகளையும் நிறைவேற்றி இன்னைக்கே சூப்பர் 8க்கு போயிடுச்சு இந்திய அணி.

இதுபற்றி கூறிய டிராவிட் "நாங்க தங்கியிருந்த ஹோட்டல் ராசியில்லாததால், ஒரு மாறுதலுக்காக சூப்பர் 8 மோட்டலுக்கு மாறிட்டோம். இப்ப எங்களை சூப்பர் 8க்கு போகலைன்னு யாரும் குறை சொல்ல முடியாதுல்ல " என்றார்.

சும்மா காமெடிங்க..யாரும் அடிக்க வராதீங்க :) :)

பாதிக் கிணறு தாண்டியாச்சு !

2007-03-19T14:50:00.000-07:00

இன்னைக்கு பெர்முடாவை தோற்கடிச்சு பாதிக்கிணறு தாண்டி இருக்கு இந்தியா. ஆனா மீதி பாதியை தாண்டறது தான் கஷ்டமான விஷயம். அதையும் தாண்டலைன்னா வெளியேறவேண்டியது தான்.

பெர்முடாவுக்கு எதிரா 413 ரன் அடிச்சு உலகக்கோப்பையில சாதனை பண்ணியிருக்கு இந்தியா. இதுவரைக்கும் உலகக்கோப்பைல கென்யாவுக்கு எதிரா இலங்கை அடிச்ச 398 ரன்கள் தான் அதிகபட்ச ஸ்கோரா இருந்தது. இன்னைக்கு அதை முறியடிச்சுது இந்தியா. அதே மாதிரி ஒரு இன்னிங்ஸ்ல 18 ஸிக்ஸ் அடிச்ச தென்னாப்பிரிக்காவோட சாதனையையும் சமன் செஞ்சிருக்கு. அதே போல் 257 ரன்கள் வித்தியாசத்தில் வென்று சாதனை படைச்சிருக்கு. இதெல்லாம் பெர்முடாவுக்கு எதிராதான்னாலும், நம்ம அணியினருக்கு நல்ல கான்ஃபிடன்ஸ் தந்திருக்கும் இந்த வெற்றி.

ஷேவாக் இன்னைக்கு சதமடிச்சாலும், இலங்கையின் தரமான பந்து வீச்சுக்கு எதிரா தாக்குப்பிடிப்பாரான்னு தெரியலை. அதே மாதிரி இந்தியாவோட பவுலிங் மற்றும் ஃபீல்டிங் இன்னமும் முன்னேறனும். பெர்முடா கிட்டே ஒப்பேத்தின மாதிரி இலங்கை கிட்ட பண்ண முடியாது. என்னைக்கேட்டா அடுத்த போட்டில அகர்கருக்கு பதிலா பதானை கொண்டு வரலாம். மூனு விக்கெட் எடுத்திருந்தாலும் அவ்வளவு சிறப்பா அவர் பந்து வீசின மாதிரி தெரியலை. பதான் பேட்டிங்கும் கொஞ்சம் பண்ணுவாரு. அதனால் அடுத்த போட்டிக்கு என்னோட சாய்ஸ் பதான்.

சரி, இனி மீதி கினறு தாண்ட என்ன பண்ணனும்னு பார்க்கலாமா?

இன்று பெர்முடாவை 257 ரன்கள் வித்தியாசத்தில் தோற்கடித்து சற்று ஆறுதல் தந்துள்ளது இந்தியா. இன்றைய நிலவரப்படி இலங்கையின் நெட் ரன்ரேட் 4.86, இந்தியா 2.5, பங்களாதேஷ் 0.14. மூன்று அணிகளும் 2 புள்ளிகள் பெற்றுள்ளன.

சாத்தியக்கூறு - 1
புதனன்று நடைபெறும் போட்டியில் இலங்கை பங்களாதேஷை வென்றால் 2 புள்ளிகள் பெற்று மொத்தம் 4 புள்ளிகளாகும். வெள்ளியன்று நடைபெறும் போட்டியில் இந்தியா இலங்கையை வென்றால் 2 புள்ளிகள் பெற்று மொத்த புள்ளிகள் நான்காகும். இறுதிப்போட்டியில் பங்களாதேஷ் பெர்முடாவை வெல்லும் பட்சத்தில் அதுவும் நான்கு புள்ளிகள் பெற்றிருக்க்கும். இந்நிலையில் மூன்று அணிகளும் 4 புள்ளிகளுடன் இருப்பதால் சிறந்த நெட் ரன்ரேட் உள்ள முதலிரு அணிகள் அடுத்த சுற்றுக்கு செல்லும். இதன்படி இந்தியா அடுத்த போட்டியில் வெல்வதுடன், சிறந்த ரன்ரேட் வித்தியாசத்திலும் வெல்ல வேண்டும். ஒருவேளை அடுத்த போட்டியில் இலங்கை 250 ரன்கள் அடித்து பங்களாதேஷை 200 ரன்களுக்கு அவுட்டாக்கினால், இலங்கையின் நெட்ரன்ரேட் 2.93 ஆக இருக்கும். இலங்கை 300 ரன்கள் அடித்து பங்களாதேஷ் 200 ரன்களுக்கு அவுட்டாக்கினால் 3.43 ஆக இருக்கும். இந்நிலையில் இந்தியா இலங்கையை குறைந்தது 100 ரன்கள் அல்லது 15 ஓவர்கள் வித்தியாசத்தில் வெற்றி பெற்றால் வெள்ளியன்றே அடுத்த சுற்றுக்கு செல்லலாம். இல்லையேல் ஞாயிறன்று நடைபெரும் பங்களாதேஷ்-பெர்முடா போட்டியின் முடிவு தெரியும் வரை பொறுத்திருக்க வேண்டும்.

சாத்தியக்கூறு - 2
புதனன்று நடைபெறும் போட்டியில் இலங்கையை பங்களாதேஷ் வென்றால் 2 புள்ளிகள் பெற்று மொத்தம் 4 புள்ளிகளாகும். இந்நிலையில் பங்களாதெஷ் அடுத்த சுற்றுக்கு தகுதி பெறுவது உறுதி . இந்தியா இலங்கை இரு அணிகளும்
மோதும் போட்டியில் வெல்லும் அணி அடுத்த சுற்றுக்கு செல்லும்.

சாத்தியக்கூறு - 3
இலங்கை-பங்களாதேஷ் அணிகளுக்கு இடையேயான போட்டி வெற்றி தோல்வியின்றி முடியும் பட்சத்தில் இரு அணிகளும் ஒரு புள்ளி பெற்று மொத்தம் மூன்று புள்ளிகளாகும்.இந்நிலையில் இந்தியா இலங்கை போட்டியில் இந்தியா வெற்றி பெற்றால் அடுத்த சுற்றுக்கு செல்லும்.

சாத்தியக்கூறு - 4
இலங்கை பங்களாதேஷையும் இந்தியாவையும் வெல்லும் பட்சத்தில், பங்களாதேஷ் பெர்முடாவிடம் தோற்றால், மீண்டும் நெட் ரன்ரேட் மூலம் இந்தியா அல்லது பங்களாதேஷ் அடுத்த சுற்றுக்கு செல்லும்.

இந்தியா அடுத்த சுற்றுக்கு செல்லுமா என்பதை பொறுத்திருந்து பார்க்கலாம்.

கவுத்திட்டீங்களே மக்கா..

2007-03-17T20:55:00.000-07:00

என்னாத்த சொல்வேனுங்கோ, கேவலமா தோத்துட்டோங்கோம்னு பாட வச்சிட்டாங்க நம்ம பசங்க. இன்னுமாடா இவனுங்களை நம்புது இந்த ஊருனு நீக்க கேக்கறது தெரியுது. இதை விட கேவலமா தோக்க முடியாது தான். ஆனாலும் இன்னும் கொஞ்சம் நம்பிக்கை ஒட்டிகிட்டு இருக்குது.

இன்னைக்கு தோத்ததுக்கு முக்கியமான காரணங்கள்னு பார்த்தா முதலாவது, டாஸை ஜெயிச்சு பேட்டிங் எடுத்தது. எந்த காரணத்துக்காக திராவிட் அந்த முடிவை எடுத்தாருன்னு தெரியலை. ஒருவேளை பங்களாதேஷை underestimate பண்ணியிருக்கலாம். சின்ன பசங்க தான, முதல்ல ஆடி நேத்து தென்னாப்பிரிக்கா கலக்கின மாதிரி நாமளும் கலக்கிடலாம்னு நினைச்சாரோ என்னவோ. எந்த பிட்ச்சா இருந்தாலும் முதல்ல கண்டிப்பா ஸ்விங்க் இருக்கும். அதுலயும் மேற்கிந்தியத்தீவுகள் பிட்சுகள்ல கேக்கவே வேணாம். இதுவரைக்கும் நடந்த எல்லா மேட்சுலயும், முதல்ல ஆடின அணிகள் எல்லாரும் தடுமாறி தான் மேலே வந்தாங்க. அப்படி இருக்கறப்ப திராவிட் கொஞ்சம் சுதாரிச்சு பவுலிங் பண்ணியிருக்கலாம். இந்தியாவில இருக்க பிட்சுகள் வேற, அங்க நிலைமை வேற. டாஸ்ல ஜெயிச்ச அயர்லாந்து பாகிஸ்தானை பேட் பண்ண சொல்லி இப்ப் கிட்டத்தட்ட(80%) சூப்பர்8 வரைக்கும் போயிருக்கு.நேத்து 40 ஓவர்ல 353 ரன் அடிச்ச தென்னாப்பிரிக்கா கூட 5 ஓவர்ல 4/1 என்ற நிலைமைல தான் இருந்தாங்க. இது முதல் காரணம்.

அடுத்தது ஷேவாக். எல்லாரும் தான் சொதப்பினாங்க, ஏன் ஷேவாக்கை மட்டும் குறை சொல்லனும்னு கேட்டா அதுக்கான பதில் ... அவரோட ஃபுட்வொர்க், Body Language எதுவுமே கான்ஃபிடண்டா இல்லை. அப்ப்டி இருக்கப்ப நிச்சயமா அவரி எடுத்து ஒரு விக்கெட்டை வேஸ்ட் பண்ணியிருக்ககூடாது. அவர் இன்னைக்கு அவுட்டானத பார்த்த சுத்தமா ஃபார்ம்ல இல்லங்கறது தெரியுது. Rediffல போட்டிருந்த மாதிரி 'International Arena is no place to try and get back your form'. கங்கூலி மாதிரி கொஞ்ச நாளைக்கு லோக்கல் போட்டில ஆடுங்க, நல்ல நிலமைக்கு வாங்க, இந்திய அணியின் கதவுகள் திறந்தே இருக்கும் உங்களுக்கு. நம்ம ஆளுங்க ஒரு விக்கெட் போனா உடனே டிஃபென்ஸிவா ஆட ஆரம்பிச்சுடுவாங்க. அப்படி இருக்கறப்ப ஷேவாக் மாத்ரி ஒருத்தரை முதல்ல இறக்கறது மகா தப்பு.

அடுத்தது 2 விக்கெட்டோ மூனு விக்கெட்டோ போயிடுச்சுன்ன அடுத்த விக்கெட்டை இழக்காம ஆடவேண்டியது முக்கியம் தான். அதுக்காக ரன்னே எடுக்காம விக்கெட்டை மட்டும் காப்பாத்திக்கறது எந்த பயனும் தராது. இன்னைக்கு அது தான் நடந்தது. நிறைய விக்கெட் போயிடுச்சேன்னு ஒரேயடியா டொக்கு போட ஆரம்பிச்சுட்டாங்க. பந்து நல்லா ஸ்விங் ஆனுது, அடிக்கறது கஷ்டம் எல்லாம் சரிதான்னாலும், அடிக்க வேண்டிய சில பந்துகளையும் அடிக்காம வேஸ்ட் பண்ணாங்க. இதே தப்பை தான் மேற்கிந்தியத்தீவுகள் கிட்ட பாகிஸ்தான் பண்ணி தோத்தாங்க. நாமளும் அதையே பண்ணோம். சுழற்பந்து வீச்ச்சை நல்லா ஆடற சச்சின், கங்கூலி, திராவி கூட இன்னைக்கு தினறுனாங்க. கங்கூலி 66 ரன் அடிச்சாலும், எனக்கென்னவோ யுவராஜ் மட்டும் தான் கொஞ்சம் நம்பிக்கயோட ஆடன மாதிரி இருந்தது.

அடுத்தது எந்த ஒரு நேரத்துலயும் அட்டாக்கிங் கேம் ஆடாம டிஃபன்ஸிவ ஆடனது. பங்களாதேஷோட இக்பால் ஆடனது ஒரு உதாரணம். எல்லாரும் அப்படி அடிச்சு ஆடனும்னு சொல்லலை. ஆனா ஒரு பக்கத்துல ஒருததர் நிதானமாவும், இன்னொரு முனைல இன்னொருத்தர் கொஞ்சமாவது ரன்னடிக்கவும் முயற்சி பண்ணியிருக்கனும். கொட்ட கொட்ட குணியற மாதிரி, பயந்து பயந்து ஆட, அவங்களும் உற்சாகமா பந்து வீச ஆரம்பிச்சுட்டங்க. ஒரு ரெண்டு மூனு ஓவர் ரிஸ்க் எடுத்து அடிச்சிருந்தா, பவுலர் வித்தியாசமா முயற்சி பண்றேன்னு எதாவது தப்பு பண்ண ஆரம்பிச்சிருப்பாரு. அந்த சந்தர்ப்பத்தை உருவாக்கவேயில்லை. Its a mind gameனு சொல்ற மாதிரி.

அதே மாதிரி இன்னொன்னு, டீம் மேல இருக்கற Pressure. போட்டி ஆரம்பிக்கறதுக்கு முன்னாடி முன்னாள் பங்களாதெஷ் வீரர் சொன்னது 'Expectations on India are very big. It will put some pressure on them. whereas there is no such expectation on Bangladesh.They can play freely. Even if they loose this match, they really don't loose anything'. இது முற்றிலும் உண்மை. கோடிக்கணக்கான் ரசிகர்களோட எதிர்பார்ப்புகளை நிறைவேற்ற வேண்டிய நிலைமைல இருக்கறதால Pressure அதிகம். அதுவுமில்லாம, தோத்தா வீட்டில கல்லடிக்கறதும், ஜெயிச்சா மறுநாளே மலை பேடறதும் இங்கே சகஜம். இதெல்லாம் இன்னைக்கு மோசமா தோத்ததுக்கு காரணங்கள்னு நினைக்கிறேன்.

நடந்தவை நடந்தவையாகவே இருக்கட்டும். நடப்பவை நல்லதாக நடக்கட்டும். இனி அடுத்து என்ன? இந்தியா அடுத்த சுற்றுக்கு போகுமா? நிச்சயமா போகும்னு சொல்ல முடியாது ஆனா போகறதுக்கு வாய்ப்பிருக்கு. அடுத்து பெர்முடவோட ஜெயிச்சா இந்தியாவுக்கு 2 புள்ளிகள் கிடைக்கும். புதன்கிழமை நடக்கற மேட்சுலயும் பங்களதேஷ் இலங்கைய தோற்கடிச்சா, வெள்ளிக்கிழமை நடக்கப்போற இந்தியா-இலங்கை போட்டி டிசைடரா ஆயிடும். அதுல ஜெயிக்கற அணி சூப்பர்8க்கு போகும். இலங்கை பங்களாதேஷை தோற்கடிச்சு, இந்தியா இலங்கைய தோற்கடிச்சு, பங்களாதேஷ் பெர்முடாவை தோற்கடிச்சா மூனு டீமும் 4 பாயிண்டோட சமமா இருக்கும். அப்ப நெட் ரன்ரேட்படி அடுத்த சுற்றுக்கு போற அணிகள் தேர்ந்தெடுக்கப்படும். ஆக எப்படியும் இந்தியா அடுத்த ரெண்டு போட்டிகளையும் ஜெயிக்கனும், அதுவும் நல்ல முறையில ஜெயிக்கனும். அதாவது முதல்ல ஆடினா 60,70 ரன் வித்தியாசத்தில ஜெயிக்கனும், இரண்டாவதா ஆடி சேஸ் பண்ணா 35,40 ஓவர்ல அடிச்சு ஜெயிக்கனும். இன்னைக்கு பாகிஸ்தானுக்கு ஏற்பட்ட நிலைமை அடுத்த வெள்ளிகிழமை நமக்கு வராம இருக்கனும்னா எல்லாத்தையும் மறந்துட்டு, மிகச் சிறப்பாக ஆடுனால் மட்டுமே முடியும்.

ஒருவேளை இந்தியா அடுத்தடுத்த சுற்றுக்கு போய் கோப்பையவே ஜெயிச்சாலும், இந்த தோல்வியோட தழும்பு ரொம்ப நாளைக்கு எல்லாரோட மன்சுலயும் இருக்கும்.

It's not the end of road INDIA, Come On. YOU CAN STILL DO IT ! !

நாளை இந்தியாவின் முதல் போட்டி

2007-03-16T14:30:00.000-07:00

கோடிக்கணக்கான இந்திய கிரிக்கெட் ரசிகர்கள் ஆவலோட எதிர்பார்த்துகிட்டு இருக்கிற இந்தியாவோட முதல் உலகக்கோப்பை போட்டி நாளைக்கு நடக்குது. இந்தியாவும் பங்களாதேஷும் ஆடுற இந்தப் போட்டி Port of Spain-ல் உள்ள Queen's Park Oval மைதானத்தில் நடக்க உள்ளது. இந்த மைதானம் பற்றிய தகவல்கள் இங்கே.

பங்களாதேஷ் கொஞ்சம் பலவீனமான டீம்னாலும் ஒரேயடியா ஒதுக்கிடவும் முடியாது. பயிற்சி போட்டில நியூசிலாந்தை தோற்கடிச்சு எல்லாரையும் ஆச்சரியப்படுத்தினாங்க. அதனால இந்தியா கவனமாகவே விளையாடனும். பங்களாதேஷ்லயும் திறமையான் வீரர்கள் இருக்காங்க. இந்தியாவோட பேட்டிங் தான் பெரிய பலம். இந்தியா முதல்ல விளையாடி ஒரு 300 ரன் எடுத்தா சந்தேகமே இல்லாம வின் பண்ணிடலாம்.

இந்தியாவும் பங்களாதேஷும் இதுவரைக்கும் 14 போட்டில விளையாடி இருக்காங்க. இந்தியா 13 தடவையும் பங்களாதேஷ் 1 தடவையும் ஜெயிச்சிருக்காங்க. உலகக்கோப்பை போட்டிகள்ல மோதறது இது தான் முதல் முறை.

உலகக்கோப்பை போட்டிகள்ல கலக்கும் சச்சின் இந்த உலகக்கோப்பையிலும் நிச்சயமா கலக்குவார். கங்கூலியும் போராடி அணிக்குள்ள வந்திருக்கறதால தன்னோட இடத்தை தக்க வச்சுக்க நல்லா ஆடுவாருன்னு தோனுது. அதே மாதிரி திராவிட், யுவராஜ், டோணி, உத்தப்பா, கார்த்திக்னு நல்ல தரமான பேட்டிங் இருக்குது.

பேட்டிங்ல இப்போதைக்கு இருக்க ஒரே பிரச்னை ஷேவாக். சமீபகாலமா மோசமா விளையாடிட்டு இருந்தாலும், திராவிட் இவர் மேல ரொம்ப நம்பிக்கை வச்சிருக்காரு. ஷேவாக்குக்கு இன்னும் இரண்டு வாய்ப்பிருக்கு ஃபார்முக்கு வர. பங்களாதேஷோடயும் பெர்முடாவோடயும் அவரை ஆடவிட்டு முயற்சி பண்ணுவாங்கன்னு நினைக்கிறேன். என்னோட கருத்து, பெர்முடா கிட்ட மட்டும் ட்ரை பண்ணலாம். நாளைக்கு போட்டில கங்கூலியயும் உத்தப்பாவையும் ஓபனிங் இறக்கி, கார்த்திக்க ஒன்டவுனா இறக்கலாம்.

அதேமாதிரி பவுலிங்ல ரெண்டு ஸ்பின்னர்களை நாளைக்கு முயற்சி பண்ண வாய்ப்பிருக்கு. இந்த மைதானம் சுழற்பந்துக்கு சாதகமா இருக்கும். ஆனா ரெண்டு ஸ்பின்னர்ஸ் எடுத்தா வேகப்பந்து வீச்சாளர்கள்ல யாரையாவது கழட்டி விடனும். அதனால் கும்ப்ளேயவும் அடுத்த மேட்ச்ல ட்ரை பண்ணலாம். என்னோட 11 பேர்

கங்கூலி
உத்தப்ப்பா
கார்த்திக்
திராவிட்
சச்சின்
யுவராஜ் சிங்
டோணி
பதான்
ஹர்பஜன்
முனாஃப் படேல்
ஜாகிர் கான்

உங்க 11 பேரையும் சொல்லுங்க. யார் சொல்ற 11 பேர் நாளைக்கு ஆடறாங்கன்னு பார்க்கலாம் :) .

நகம் கடிக்க வைத்த அயர்லாந்து ! !

2007-03-15T22:20:00.000-07:00

காலையில தான் "கடுப்படிக்கும் முதல் சுற்று போட்டிகள்"னு ஒரு பதிவு போட்டேன். அதை படிச்சு தொலைச்சிட்டாங்களோ என்னமோ, ஜிம்பாப்வேக்கும் எனக்கும் சேர்த்து மூக்கறுத்துட்டாங்க அயர்லாந்து.

இந்த உலகக்கோப்பையின் முதல் பரபரப்பான ஆட்டத்தை குடுத்து எல்லாரையும் ஆச்சரியப்படுத்தி இருக்காங்க அயர்லாந்து அணியினர். இரண்டு அணியுமே "Underdogs" என்பதால் இந்த போட்டியின் முடிவு பெரிய மாற்றம் எதையும் ஏற்படுத்தாதுன்னாலும், எங்களாலயும் சுவாரசியமா ஆடமுடியும்னு நிரூபிச்சதுக்காக ரெண்டு அணிகளுக்கும் ஒரு ஷொட்டு! எதிர்பார்த்ததையும் விட மகாமோசமா விளையாடி தோத்ததுக்காக பெர்முடாவுக்கு ஒரு கொட்டு. (கொட்டு ஷொட்டு : நன்றி சாத்தான்குளத்தான்)

டாஸில் ஜெயித்த ஜிம்பாப்வே அயர்லாந்தை பேட் செய்ய சொல்லிட்டாங்க. முதல் ஓவரிலேயே துவக்க ஆட்டக்காரரான போர்டர்ஃபீல்ட் ஆட்டமிழந்து திரும்பினாலும் மற்றொரு துவக்க ஆட்டக்காரரான ஜெர்மி ப்ரே நிலைத்து ஆடினார். மறுமுனையில் சீராக விக்கெட்டுகள் விழுந்துகிட்டே இருந்துது. 89/5 என்ற நிலையில் இருந்தது அயர்லாந்து. 150 ரன்னுக்கு சுருண்டுடுவாங்க, இதுவும் சப்பை மேட்சா தான் இருக்கப்போகுதுன்னு நினைச்சேன். ஆனா ப்ரேயும் ஒயிட்டும் 6வது விக்கெட்டுக்கு 56 ரன் அடிச்சு கொஞ்சம் நல்ல நிலமைக்கு கொண்டு வந்தாங்க. அதுக்கப்புறம் வந்தவங்க உதவியோட ப்ரே ஸ்கோரை 50 ஓவருக்கு 221 ரன்னுக்கு கொண்டு வந்தாரு. கடைசி வரைக்கும் ஆட்டமிழக்காம 115 ரன் வேற அடிச்சாரு. ஓபனிங்க் இறங்கின பேட்ஸ்மென் கடைசி வரைக்கும் ஆட்டமிழக்காம் இருக்குறது உலகக்கோப்பைல இது 12வது முறை. அதோட ஒரு தொடக்க ஆட்டக்காரர் டக் அவுட்டாகி, இன்னொருத்தர் சதமடிக்கறது உலகக்கோப்பைல 2வது முறை. முன்னால 1992ல நியூசிலாந்துக்கு எதிரா அமீர் ஷோகைல் டக்கும், ரமீஸ் ராஜா சதமும் அடிச்சாங்க! ஜிம்பாப்வேல மூனு பந்து வீச்சாளர்கள் தலா 2 விக்கெட் எடுத்தாங்க (அவங்க பேரெல்லாம் தமிழ்ல எழுதினா விரல் சுளுக்கிடும் போலிருக்கு :) )

222 என்ற வெற்றி இலக்கோட ஆட வந்தாங்க ஜிம்பாப்வே. ஒருகட்டத்துல சுலபமா ஜெயிக்கற மாதிரி தான் இருந்தாங்க. தொடக்க ஆட்டக்காரரான் சிபாண்டவும், Matsikenyeri ( சத்தியமா எப்படி இவர் பேரை சொல்றதுன்னு தெரியலைங்க ) இருந்த வரைக்கும் ஈஸியா ஜெயிக்க போற மாதிரி தான் இருந்துது. 28 ஓவர்ல 128/3ங்கற வலுவான நிலையில் இருந்தாங்க. 22 ஓவர்ல 94 ரன் அடிச்ச போதும். கையில ஏழு விக்கெட் வேற. அப்போ சிபாண்டா அவுட்டாயி போனாரு. டெய்லரும்,Matsikenyeri யும் ஜோடி சேர்ந்து ஆறாவது விக்கெட்டுக்கு 70 ரன் சேர்த்து 203 ரன்னுக்கு கொண்டு வந்தாங்க. 6 ஓவர்ல 19 ரன், 4 விக்கெட்னு இருந்தது. யாருமே அந்த நிலைமைல ஜிம்பாப்வே ஜெயிச்சுடும்னு தான் நினைச்சிருப்பாங்க. பவுலர் கையில பட்டு பந்து ஸ்டம்ப்ல பட்டதுல துரதிர்ஷ்டவசமா டெய்லர் அவுட்டானாரு. 212 ரன் இருக்கும்பொழுது 7வது விக்கெட்டும் விழுந்தது. இனி ball-by-ball பார்க்கலாமா.

2 ஓவர்கள் 9 ரன்கள் 3 விக்கெட். 49வது ஓவரை போட்டவரு ப்ரையன்.
48.1 ஃபுல்டாஸா வந்த பந்தை அடிச்சு கவர்ச்ல கேட்ச் குடுத்து அவுட்டானாரு உட்செயா.
11 பந்துகள் 9 ரன்கள் 2 விக்கெட்
48.2 மெதுவா வந்த பந்தை மிட்-ஆனுக்கு அடிச்சாரு Mpofu.ரன் எதுவுமில்லை.
10 பந்துகள் 9 ரன்கள் 2 விக்கெட்
48.3 பவுலர்கிட்டயே திருப்பி அடிச்சாரு Mpofu.ரன் எதுவுமில்லை.
9 பந்துகள் 9 ரன்கள் 2 விக்கெட்
48.4 இன்சைட் எட்ஜ் வாங்கி கீப்பர் கிட்ட போன பந்து. ரன் எதுவுமில்லை
8 பந்துகள் 9 ரன்கள் 2 விக்கெட்
48.5 ஸ்டெரெயிட்ட திருப்பி அடிச்ச பந்தை திறமையா வலது காலால த்டுத்தாரு ப்ரையன். ரன் எதுவுமில்லை.
7 பந்துகள் 9 ரன்கள் 2 விக்கெட்
48.6 மிட்-ஆன் பகுதில வேகமா அடிச்சிட்டு ரன் எடுக்க முயற்சி பண்ணி ரன் அவுட் ஆனாரு Mpofu
6 பந்துகள் 9 ரன்கள் 1 விக்கெட்

அடுத்து கடைசி ஓவரை போட்டவரு ஒயிட்.
49.1 ஃபுல்டாஸா வந்த பந்தை கவர் பகுதில அடிச்சு 2 ரன் எடுத்தாரு Matsikenyeri.
5 பந்துகள் 7 ரன்கள் 1 விக்கெட்
49.2 அளவு குறைந்து வந்த பந்தை ஸ்கொயர் கட் பண்ணி 2 ரன்கள் எடுத்தாரு Matsikenyeri
4 பந்துகள் 5 ரன்கள் 1 விக்கெட்
49.3 ஃபுல்டாஸா வந்த பந்தை மிட்விக்கெட் பகுதிக்கு அடிச்சு 1 ரன் எடுத்தாரு Matsikenyeri. கேட்ச் ஆகியிருக்க வேண்டியது.
3 பந்துகள் 4 ரன்கள் 1 விக்கெட்
49.4 ரெயின்ஸ்ஃபோர்ட் கவருக்கு ட்ரைவ் பண்ணி 1 ரன் எடுத்தாரு.
2 பந்துகள் 3 ரன்கள் 1 விக்கெட்.
49.5 அளவு குறைந்து வைடா போன பந்தை கட் பண்ணி 2 ரன்கள் எடுத்தாரு Matsikenyeri
1 பந்து 1 ரன் 1 விக்கெட்
49.6 ட்ரைவ் பண்ணி பந்தை மிஸ் பண்ணாரு Matsikenyeri.பந்து கீப்பர் கிட்ட போனதால ரன் எதுவும் எடுக்க முடியாம ரன் அவுட் ஆயிட்டாரு ரெயின்ஸ்ஃபோர்ட்.

ரெண்டு அணியும் 221 ரன்கள் எடுத்ததால் மேட்ச் டை ஆனாதா அறிவிக்கப்பட்டது. ஜிம்பாப்வேக்கு இது பெரிய ஏமாற்றம்னாலும் அயர்லாந்துக்கு வெற்றி தான். So near yet so farனு அடிக்கடி சொல்ற மாதிரி ஆயிடுச்சு இன்னைக்கு ஜிம்பாப்வேயோட நிலைமை. உலகக்கோப்பைல டை ஆகற மூனாவது மேட்ச் இது. 1999ல ஆஸ்திரேலியா-தென்னாப்பிரிக்க அரையிறுதிப் போட்டி டை ஆகி ஆஸ்திரேலியா ஃபைனல்ஸுக்கு போனாங்க. அலன் டொனால்ட் ரன் அவுட்டான அந்த காட்சி மறக்க முடியாதது. தென்னாப்பிரிக்கா ஜெயிக்க வேண்டிய கோப்பை அந்த ஒரு ரன்னால பறிபோனது. 2003ல இலங்கை-தென்னாப்பிரிக்கா போட்டி டை ஆகி தென்னாப்பிரிக்கா இரண்டாவது சுற்றுக்கு போக முடியாம் போச்சு. முதல் போட்டில டொனால்ட் வில்லன்னா இரண்டாவதுல டக்வொர்த்-லெவிஸ் விதிகளும், சரியான கம்யூனிகேஷன் இல்லாததும் வில்லனா அமைஞ்சது.

பயிற்சி போட்டில தென்னாப்பிரிக்காவுக்கு தண்ணி காட்டினதையும் இன்னைக்கு ஆடினதையும் பார்க்கும் பொழுது தோணறது..

WELL DONE IRELAND ! ! !

கடுப்படிக்கும் முதல் சுற்று போட்டிகள் :(

2007-03-15T12:10:00.000-07:00

நெஜமாவே இந்த முதல் சுற்று போட்டிகள் தேவை தானானு தோனுது. போறவர அணிகளையெல்லாம் புடிச்சு போட்டு முதல் சுற்றை ஒரு சுவாரசியமே இல்லாம பண்ணிட்டாங்களோனு தோனுது. எப்படியும் (99.99%) எட்டு பெரிய அணிகளான இந்தியா, ஆஸ்திரேலியா, தென்னாப்பிரிக்கா, பாக்கிஸ்தான், இலங்கை, மேற்கிந்தியத்தீவுகள், இங்கிலாந்து, நியூசிலாந்து அடுத்த சுற்றுக்கு போகப்போகுது. எதாவது ஒன்னு ரெண்டு போட்டிகள்ல சிறு அணிகள் ஜெயிச்சாலும், அடுத்த சுற்றுக்கு போறது கஷ்டம் தான்.

எந்த முறையும் இல்லாம் இந்த முறை ஐசிசி மினோஸ்னு சொல்லப்படும் 8 பலம் குறந்த அணிகளை சேர்த்திருக்கு. பங்களாதேஷ் மற்றும் ஜிம்பாப்வே டெஸ்ட் போட்டிகளில் விளையாடும் தகுதியை பெற்றவர்கள் (தாற்காலிகமாக ஜிம்பாப்வே டெஸ்ட் போட்டிகளில் விளயாடுவதை நிறுத்தி வைத்துள்ளது) . அதுவுமில்லாம சிலமுறை பெரிய அணிகளையும் தோற்கடிச்சிருக்காங்க. கென்யாவும் அதே மாதிரி சில ஆச்சரியங்களை நிகழ்த்தி இருக்காங்க. போன முறை நடந்த சில குளறுபடிகளால அரை-இறுதி வரைக்கும் வந்தாங்க. அவங்களை கணக்கில சேர்க்காம பார்த்தா மீதி இருக்க ஐந்து அணிகளான கனடா, நெதர்லாந்து, அயர்லாந்து, பெர்முடா, ஸ்காட்லாந்து ஆகியவை சும்மா ஒப்புக்கு சப்பாணியா சேர்க்கப்பட்ட மாதிரியே தெரியுது.

பங்களாதேஷும், கென்யாவும் மட்டும் தான் பெரிய அணி எதையாவது தோற்கடிச்சு ஆச்சரியத்தை தரக்கூடிய மாதிரி இருக்காங்க. மத்த அணி எதுவும் அவ்வளவு திறமை வாய்ந்ததா தெரியல. ஃப்ளவர் பிரதர்ஸ், கேம்ப்பெல், ஸ்ட்ரீக், ப்ராண்டிஸ், நீல் ஜான்சன்னு ஒருகாலத்துல நல்ல நிலைமைல இருந்த ஜிம்பாப்வே அணியும் இப்போ உள்நாட்டு பிரச்சனைகள்,சம்பளப் பிரச்சனை போன்ற காரணங்களால பலவீனமா இருக்கு. இவங்களால பெரிய அணி எதையும் தோற்கடிக்க முடியாதுன்னு நினைக்கிறேன்.

இவ்வளவு பலம் குறைந்த அணிகள சேர்த்துக்கு காரணமா ஐசிசி சொல்றது அந்த நாட்டுல கிரிக்கெட்ட வளர்க்கனும், அவங்களுக்கும் பெரிய நாடுகளோட விளையாடற அனுபவம் கிடைக்கனும். இது நல்ல காரணம்னாலும், அதுக்காக இவ்வளவு அணிகளுக்கு வாய்ப்புதரனுமாங்கறது தான் கேள்வி. தற்பொழுது ODI Status இல்லாத நாடுகளுக்கு நடத்தப்படும் ஐசிசி ட்ராஃபில முதல் அஞ்சு இடத்தை பிடிக்கற அணிகளுக்கு உலகக்கோப்பைல ஆடுற வாய்ப்பும் அடுத்த ஐசிசி ட்ராஃபி வரைக்கும் ODI Status-ம் தரப்படுது. அதுக்கு பதிலா முதல் இரண்டு இடத்தை பிடிக்கற அணிகளுக்கு மட்டும் உலககோப்பைல வாய்ப்பு வழங்கலாம். முதல் ஐந்து அணிகளுக்கு ODI Status மட்டும் கொடுக்கலாம். அதோட டெஸ்ட் போட்டி தகுதி இருக்கற பத்து அணிகளும்,கென்யாவும் வருஷத்துக்கு ஒருதடவையாவது இந்த ஐந்து அணிகள்ல எதாவது ஒரு அணியோட ஒருநாள் போட்டித்தொடர் கண்டிப்பா விளையாடனும்னு சொல்லலாம். இதனால் அந்த அணிகளுக்கு பெரிய அணிகளோட விளையாடற அனுபவமும் கிடைக்கும், அவங்க நாட்டுல கிரிக்கெட் பிரபலமும் அடையும்.

இதோட இன்னொரு சிறப்பு என்னன்னா உலகக்கோப்பை மாதிரி ஒரு பெரிய போட்டில தேவையில்லாத கூட்டம் குறையும். இந்த மாதிரி அணிகள் ஆடறதால் 300 ரன் அடிக்கறது சாதாரனமா ஆயிடுச்சு. இதுவரைக்கும் உலகக்கோப்பைல 30 முறை 300 ரன்களுக்கு மேல அடிக்கப்பட்டிருக்கு. அதுல 21 முறை இது மாதிரி சிறு அணிகளுக்கு எதிரா அடிச்சதுதான்.இது நேத்து ஆஸ்திரேலியா அடிச்ச 334யும் இன்று இலங்கை அடிச்ச 321யும் சேர்க்காம. இதனால போட்டிகளுக்கு வர கூட்டமும் குறைஞ்சிடுச்சு. ஆளே இல்லாத ஸ்டேடியத்துல போட்டி நடத்தி என்னத்தையா கிரிக்கெட்ட வளர்க்க போறீங்க??

1975ல முதல் உலகக்கோப்பைல பார்த்திங்கன்னா இலங்கையும், கிழக்கு ஆப்பிரிகாவும் மட்டுமே இந்த மாதிரி சேர்க்கப்பட்டது. 1979ல இலங்கயும் கனடாவும். 1983ன் பொழுது இலங்கைக்கு 1981லயே டெஸ்ட் ஸ்டேட்டஸ் கிடைச்சதால் ஜிம்பாப்வே மட்டும் கூடுதலா சேர்க்கப்பட்டது. இந்த மூனு உலகக்கோப்பைலயும் 8 நாடுகள் தான் ஆடுனாங்க. 1987 உலகக்கோப்பைலயும் இதே நாடுகள் தான். 1992 உலகக்கோப்பைல தென்னாப்பிரிக்கா முதல்முறையா கலந்துகிட்டாங்க. ஜிம்பாப்வே டெஸ்ட் ஸ்டேட்டஸ் கிடைச்சதால் கலந்துகிட்டாங்க. முதல் தடவையா 8க்கும் மேற்பட்ட அணிகள் கலந்துகொண்ட உலகக்கோப்பை அதுதான்.

1996ல இருந்து தான் கூட்டம் சேர்க்க ஆரம்பிச்சாங்க. அப்போ கென்யா, நெதர்லாந்து மற்றும் UAE ஆகிய அணிகளோட சேர்த்து 12 ஆச்சு. 1999லயும் 12 அணிகள், 2003ல 14 அணிகள். அப்போ நிறைய அணிகள் இருந்தாலும் முதல் சுற்றுல இரண்டு குழுக்களாகவே பிரிக்கப்பட்டிருந்தது. அதனால் ஒன்னு ரெண்டு போட்டிகள் சொத்தையா இருந்தாலும், மத்த போட்டிகள் சுவாரசியமா இருந்தது. இந்த தடவை 16 அணிகள சேர்த்து அதையும் நாலு குழுவா பிரிச்சிட்டாங்க. ஒவ்வொரு குழுவுலயும் ரெண்டு சொத்தை அணிகள். அதுலயும் இந்தியாவுக்கு லக் இல்லை. கொஞ்சம் பலம் வாய்ந்த அணியான பங்களாதேஷை நம்ம பக்கம் தள்ளி விட்டுட்டாங்க. 17ம் தேதி வரைக்கும் நெருப்பை வயித்துல கட்டிகிட்டு இருக்கற மாதிரி ஆயிடுச்சு :) . நம்ம குழுவான் 'B'யை தான் இந்த முறை 'Group of Death'னு சொல்றாங்க.

மத்த குழுவுல எல்லாம் கண்டிப்பா ரெண்டு பெரிய அணிகளும் அடுத்த சுற்றுக்கு தகுதி பெறுவது மாதிரி தான் இருக்கு. ஐசிசியே அடுத்த சுற்றோட அட்டவணைல A1,A2,B1,B2னு போடாம அணிகளோட பேரை போட்டிருக்காங்கன்னா பார்த்துக்கோங்க! இதுல அடுத்த காமெடி புள்ளிகள் அடிப்படைல முதல் சுற்றுல 1,2 முடிவு பண்ணாம, தரவரிசை அடிப்படைல முடிவு பண்றது. அதனால் இந்தியா எல்லா போட்டிலயும் ஜெயிச்சா கூட B2 தான். இது என்ன லாஜிக்னு தெரியலை? அப்படியே தரவரிசை படி பார்த்தாகூட போனா உலகக்கோப்பைல இருந்து இந்த உலகக்கோப்பை வரை பார்க்கலாம். அப்படி இல்லாம ஏப்ரல் 2005ல இருந்த தரவரிசைய கணக்கில எடுத்திருக்காங்க. அப்போ தான் உலகக்கோப்பைக்கான அட்டவணை வெளியிடப்பட்டது. அதனால அந்த தேதில இருந்த தரவரிசையை கணக்குல எடுத்துகறாங்களாம்? ஐசிசிக்கு யாராவது எடுத்து சொல்லுங்கப்பா. போனதடவை ஃபைனல்ஸ் வரைக்கும் வந்த இந்தியா அந்த தரவரிசப்படி எட்டாவது இடம் :( .

இவ்வளவு அணிகள சேர்த்ததால உலகக்கோப்பையோட சுவாரசியமே குறஞ்சிடுச்சுன்னு நெறைய முன்னாள் மற்றும் இந்நாள் வீரர்கள் சொல்லியிருக்காங்க. அதே தான் நம்ம கருத்தும். அவங்களுக்கு வாய்ப்பும் அனுபவமும் தேவைதான். அதுக்கு உலகக்கோப்பையை பலிகடா ஆக்கனுமா? யோசிக்குமா ஐசிசி 2011க்குள் ?

குறிப்பு : இந்த பதிவை எழுத ஆரம்பிச்சப்ப இலங்கைக்கு எதிரா பெர்முடா பேட் செய்ய ஆரம்பிச்சாங்க. இப்போ ஸ்கோர் 17 ஓவர்ல 44/7. எதுக்கு இலங்கை விழுந்து விழுந்து 321 ரன் அடிச்சாங்கன்னு தெரியலை. 100 ரன் அடிச்சிட்டு டிக்ளேர் பண்ணியிருக்கலாம்!!!

சிரமம் பார்க்காம நீங்களும் உங்க கருத்தை சொன்னீங்கன்னா நல்லா இருக்கும்!

ஆஸ்திரேலியா Vs ஸ்காட்லாந்து வீடியோ

2007-03-14T22:41:00.000-07:00

இன்று ஸ்காட்லாந்துக்கு எதிரான போட்டியில் ஆஸ்திரேலியா 203 ரன்கள் வித்தியாசத்தில் அபார வெற்றி பெற்றது அனைவரும் அறிந்ததே.

டாஸில் ஜெயித்த ஸ்காட்லாந்து ஆஸ்திரேலியாவை பேட் செய்யுமாறு கேட்டுக்கொண்டது. முதலில் ஆடிய ஆஸ்திரேலியா அணி 50 ஓவர்களில் 6 விக்கெட் இழப்பிற்கு
334 ரன்கள் குவித்தது. கேப்டன் பாண்டிங் 113 ரன்கள் அடித்தார். இந்த உலகக்கோப்பையின் முதல் சதத்தை அவர் 85 பந்துகளில் அடித்தார். இன்று அவர் 9 பவுண்டரிகளும் 5 சிக்ஸர்களும் அடித்தார். இதுவரை உலகக்கோப்பையில் அதிக ஸிக்ஸ்கள் அடித்த பெருமையை உடையவர் கங்கூலி (23 ஸிக்ஸ்கள்). இன்று 5 ஸிக்ஸ்கள் அடித்ததன் மூலம் பாண்டிங் அந்த சாதனையை முறியடித்தார் (24 ஸிக்ஸ்கள்). பாண்டிங் 23 ரன்கள் அடித்திருந்த பொழுது ஸ்காட்லாந்து அணியினர் அவர் கொடுத்த கேட்சை தவறவிட்டனர் என்பது குறிப்பிடத்தக்கது. ஆஸ்திரேலியாவின் ஹெய்டன் 60 ரன்களும் கில்கிறிஸ்ட் 46 ரன்களும் அடித்தனர். மழை காரணமாக ஆட்டம் சிறிது நேரம் தடைப்பட்டது. 300 ரன்களை 48.3 ஓவர்களில் அடைந்த ஆஸ்திரேலியா கடைசி 9 பந்துகளில் 34 ரன்கள் அடித்தது! அவ்வணியின் ஹாக் மின்னல் வேகத்தில் 15 பந்துகளில் 40 ரன்கள் அடித்தார்.

அடுத்து ஆடிய ஸ்காட்லாந்து 40.1 ஓவர்களில் 131 ரன்களுக்கு ஆட்டமிழந்தது. கடைசி ஆட்டக்காரரான ப்ளைன் ஆடவில்லை. ஆஸ்திரேலியாவின் மெக்ராத் 3 விக்கெட்டுகளை வீழ்த்தினார்.

இந்த போட்டியின் வீடியோ (Highlights Runtime 30 Mins)

உலகக்கோப்பை பரிசுப்போட்டிகு நீங்கள் கூறிய பதில்களை சரி பார்க்க இங்கே செல்லவும்.

நீங்கள் சொன்னவை ! ! !

2007-03-14T16:28:00.000-07:00

உலகக்கோப்பை பரிசுப் போட்டியோட கடைசி நாள் மார்ச் 12ம் தேதியோட முடிஞ்சிடுச்சு. இதுவரைக்கும் 22 பேர் பதில் சொல்லி இருக்கீங்க. நீங்க சொன்ன பதிலை எல்லாம் தொகுது ஒரு Spreadsheet-ஆ போட்டிருக்கேன். பதில் சொன்ன எல்லாரும் உங்க பதில்களை சரி பார்த்துக்கோங்க. எதாவது பதில் தப்பா இருந்தா இல்லை உங்க பதில்களே இல்லைன்னா, பின்னூட்டத்தில சொல்லுங்க. முன்னால நீங்க போட்ட பதில்களின் பின்னூட்டத்தோட சரிபார்த்து திருத்திடறேன்.

ஏப்ரல் 28 இல்லை 29 வெற்றி பெற்றவர் யாருன்னு தெரியும்.

பதில் சொன்ன 22 பேருல இந்தியா கோப்பையை ஜெயிக்கும்னு சொல்லியிருக்கறவங்க 14!
ஆஸ்திரேலியா 4, பாக்கிஸ்தான்,இங்கிலாந்து,தென்னாப்பிரிக்கா, நியூசிலாந்து தலா 1.

இந்தியா சம்பந்தப்பட்ட 3 கேள்விகள் (கேள்வி 5,6,7) தவிர மீதி எல்லா கேள்விகளுக்கும் ஆஸ்திரேலியா மற்றும் ஆஸ்திரேலியா வீரர்களின் பேரை சொல்லியிருக்கார் தீவிர ஆஸ்திரேலிய ரசிகரான மோகன்தாஸ்!

எந்த கீப்பர் அதிக கேட்ச் பிடிப்பாருங்கற 10வது கேள்விக்கு 15 பேர் கில்கிறிஸ்ட்னு சொல்லியிருக்காங்க. நம்ம தோனிக்கு கிடைச்ச ஓட்டு 4 தான் :(

எந்த மட்டையாளர் இந்த உலகக்கோப்பையில் அதிக ஸிக்ஸ்கள் அடிப்பார் என்ற 9வது கேள்விக்கு ரிக்கி பாண்டிங்னு பதில் சொன்னவங்க மு.கார்த்திகேயனும், ஜி-zயும். அவங்க ரெண்டு பேரும் சந்தோஷப்பட்டுக்கலாம். இன்னைக்கு நடந்த ஒரு போட்டியிலேயே பாண்டிங் 5 ஸிக்ஸ் அடிச்சிட்டாரு!

பார்கலாம் யாரு ஜெயிக்கறாங்கன்னு!!

உங்கள் பதில்கள்

பாகிஸ்தான் பரிதாப தோல்வி ! ! வீடியோ மற்றும் அலசல்

2007-03-13T22:15:00.000-07:00

இன்று நடந்த உலகக்கோப்பை போட்டியில் பாகிஸ்தான் 54 ரன்கள் வித்தியாசத்தில் மேற்கிந்தியத்தீவுகளிடம் பரிதாபமாக தோற்றது.

9வது உலகக்கோப்பையின் முதல் போட்டி இன்று ஜமைக்காவில் உள்ள சபினா பார்க் மைதானத்தில் நடந்தது. டாஸில் ஜெயித்த இண்சமாம் மேற்கிந்தியத்தீவுகளை பேட் செய்யுமாறு கேட்டுக்கொண்டார். இந்த உலகக்கோப்பையின் முதல் பந்தை பாகிஸ்தானின் உமர் குல் வீசினார். கிறிஸ் கேல் அதை மிட்-விக்கெட் பகுதிக்கு தட்டி ஒரு ரன் எடுத்தார். தொடக்கம் முதலே தடுமாற்றத்துடன் விளையாடிய கேல் 6 பந்துகளில் 2 ரன் எடுத்திருந்த பொழுது, 3வது ஓவரில் குல்லின் ஆஃப்-சைடில் அளவு குறைவாக விழுந்து வெளியே ஸ்விங்காகி சென்ற பந்தில் கீப்பரிடம் கேட்ச் கொடுத்து அவுட்டானார். அவரையடுத்து களமிறங்கிய சர்வான் முதல் பந்திலேயே ஸ்லிப்பில் நின்றிருந்த யூனிஸ்கானிடம் கேட்ச் கொடுத்தர். மிகச் சுலபமான கேட்சை யூனிஸ் தவறவிட்டார். அந்த கேட்ச் பிடிக்கப்பட்டிருந்தால் ஆட்டத்தின் போக்கு மறியிருக்கக் கூடும். அதன் பின் சந்தர்பாலும் சர்வானும் ஜோடி சேர்ந்து ஆடினர். ஒருமுனையில் சர்வான் பந்தை பவுண்டரிக்கு விரட்டிக்கொண்டிருக்க மறுமுனையில் சந்தர்பால் மிகவும் பொறுமையாக ஆடினார். அதனால் அணியின் ரன்ரேட் மிக குறைவாகவே இருந்தது. 20வது ஓவரில் இஃப்திகரின் பந்தில் கீப்பர் அக்மலிடம் கேட்ச் கொடுத்து சந்தர்பால் அவுட்டானார். அவர் மிக மெதுவாக் விளையாடி 63 பந்துகளில் 19 ரன்கள் மட்டுமே எடுத்தார். அப்பொழுது அணியின் ஸ்கோர் 20 ஓவர்களில் 64 மட்டுமே. அதன் பின் 24வது ஓவரில் சர்வானும் ஸ்லிப்பில் கேட்ச் கொடுத்து அவுட்டாகி திரும்பினார். அவர் 65 பந்துகளில் 49 ரன்கள் எடுத்திருந்தார்.

24 ஓவர்களில் 77/3 என்ற மோசமான் நிலையில் லாரவுடன் சாமுவேல்ஸ் ஜோடி சேர்ந்தார். அதன் பின் ஆட்டம் சூடு பிடித்தது. சாமுவேல்ஸ் அதிரடியாக ஆடி அணியின் ஸ்கோரும், ரன்ரேட்டும் உயர வழி செய்தார். இருவரும் சேர்ந்து 16 ஒவர்களில் 91 ரன்கள் சேர்த்தனர். மேற்கிந்திய அணி சொற்ப ரன்களுக்கு மீண்டும் ஆட்டமிழக்கும் என்ற நிலையில் இருந்து சுதாரித்து ஆடத்தொடங்கியது. அணியின் ஸ்கோர் 168ஆக உயர்ந்த பொழுது ஹஃபீஸின் பந்தை லாரா ஸ்வீப் செய்ய முயன்று கீப்பரிடம் கேட்ச் கொடுத்து ஆட்டமிழந்தார். அவரை தொடர்ந்து சாமுவேல்ஸும், ராம்தினும் அவுட்டாகி திரும்பினர். லாரா 37 ரன்களும் சாமுவேல்ஸ் 63 ரன்களும் அடித்தன்ர். பின்னர் களமிறங்கிய ஸ்மித் அதிரடி ஆட்டம் ஆடினார். 15 பந்துகளில் மூன்று பவுண்டரிகள் 2 சிக்ஸ்களுடன் 32 ரன்கள் அடித்தார். மற்றொரு ஆட்டக்காரரான் ப்ரேவொ 17 பந்துகளில் 16 ரன்கள் அடித்தார். இவர்கள் இருவரின் முயற்சியால் மேற்கிந்தியத்தீவுகள் அணி 50 ஓவர்களில் 241 எனற கெளரவமான் ஸ்கோரை அடித்தது. கடைசி பத்து ஓவர்களில் 85 ரன்கள் அடிக்கப்பட்டது. குறிப்பாக கடைசி 5 ஓவர்களில் 57 ரன்கள் அடித்தனர்.

பாகிஸ்தானின் இஃப்திகர் அஞ்சும் 10 ஓவர்களில் 44 ரன்கள் கொடுத்து 3 விக்கெட்களை வீழ்த்தினார். அடுத்தபடியாக் உமர் குல் மற்றும் ஹஃபீஸ் தலா 2 விக்கெட்டுகளை வீழ்த்தினர். பாகிஸ்தான் மொத்தம் 11 உதிரிகளை விட்டுக்கொடுத்தது. சர்வானின் தவற விடப்பட்ட கேட்ச் ஆட்டத்தின் திருப்புமுனையாக அமைந்தது.

50 ஓவர்களில் 242 ரன்கள் எடுத்தல் வெற்றி என்ற இலக்கோடு களமிறங்கியது பாகிஸ்தான். பவல் வீசிய முதல் ஓவரின் இரண்டாவது பந்தை ஸ்கொயர்-லெக் திசையில் ஸிக்ஸ் அடித்து இம்ரன் நசீர் தனது கணக்கையும் அணியின் கணக்கையும் துவக்கினார். துரதிர்ஷ்டவசமாக அடுத்த பந்திலேயே ட்ரைவ் செய்ய முயன்று கீப்பர் ராம்தினிடம் கேட்ச் கொடுத்து அவுட்டானார். 4வது ஓவரில் அணியின் ஸ்கோர் 17ஆக இருந்தபொழுது, உயரம் அதிகமாக வந்த பந்தை ஹுக் செய்ய முயன்று கீப்பரிடம் கேச் கொடுத்து பெவிலியனுக்கு திரும்பினனர் யூனிஸ்கான். அவர் 13 பந்துகளில் 9 ரன்கள் எடுத்திருந்தார். அதன்பின் ஜோடி சேர்ந்த யூசுஃபும், ஹஃபீசும் பொறுமையாக ஆடி அணியின் ஸ்கோரை 10 ஓவர்களில் 39 ரன்களாக உயர்த்தினர். தலைக்கு மேல் தூக்கி அடிக்க முயன்று மிட்-ஆனில் கேட்ச் கொடுத்து அவுட்டானர் ஹஃபீஸ். அதன்பின் இண்சமாமும், யூசுஃபும் சேர்ந்து நாலாவது விக்கெட்டுக்கு 60 ரன்கள் சேர்த்தனர். இருந்த போதிலும் அணியின் ரன்ரேட் மிகக்குறைவாகவே இருந்தது. 29 ஓவர்களில் 99 ரன்கள். தேவைப்படும் ரன்ரேட் ஏறக்குறைய 6.7 ஆக இருந்தது. அப்பொழுது அளவு குறைவாக விழுந்து எழும்பி வந்த பந்தை தடுத்தாட முயன்று கீப்பரிடம் கேட்ச் கொடுத்து அவுட்டானர் யூசுஃப்.

அதன்பின் விக்கெட்டுகள் மடமடவென சரிய ஆரம்பித்தன. யூசுஃப் 37 ரன்களும் இண்சமாம் 36 ரன்களும் அடித்தனர். 33 ஓவர்களில் 6 விக்கெட் இழப்பிற்கு 116 ரன்கள் என்ற பரிதாப நிலையில் தத்தளித்தது பாகிஸ்தான். ஒருமுனையில் ஷோஹைப் மாலிக் அடித்து ஆடிய பொழுதிலும் மறுமுனையில் விக்கெட்டுகள் விழுந்தவண்ணம் இருந்ததால் தோல்வியை நோக்கி வேகமாக முன்னேறியது பாகிஸ்தான். 187 ரன்கள் இருந்த பொழுது கடைசி மூன்று விக்கெட்டுகளையும் இழந்து 54 ரன்கள் வித்தியாசத்தில் பரிதாபமாக தோற்றது. மாலிக் 54 பந்துகளில் 62 ரன்கள் அடித்தார். மேற்கிந்தியத்தீவுகளின் ஸ்மித் மற்றும் ப்ரேவோ தலா மூன்று விக்கெட்டுகளை வீழ்த்தினர். 3 விக்கெட்டுகளை வீழ்த்தியது மற்றும் 15 பந்துகளில் 32 ரன்கள் அடித்த காரணத்திற்காக ஸ்மித் ஆட்டநாயகனாக தேர்ந்தெடுக்கப்பட்டார்.

பயிற்சி போட்டிகளின் பொழுது இலக்கின்றி தடுமாறிய மேற்கிந்திய அணி சரியான நேரத்தில் சிறப்பாக ஆடி 2 புள்ளிகளை வென்றுள்ளது. மீதமுள்ள இரண்டு போட்டிகளில் (அயர்லாந்து, ஜிம்பாப்வே) வெற்றி பெற்றால் பாகிஸ்தான் இரண்டாவது சுற்றுக்கு தகுதி பெறும். புது விதிகளின்படி மேற்கிந்திய அணியைவிட புள்ளிகள் குறைவாக இருந்தாலும், தரவரிசைப்படி முன்னிலையில் உள்ளதால் D1 ஆகவே சூப்பர்8 சுற்றுக்கு செல்லும். இருப்பினும் மற்றொரு புது விதியின்படி, முதல் சுற்றில் தகுதிபெறும் மற்றொரு அனிக்கு எதிராக எடுத்த புள்ளிகள் மட்டுமே சூப்பர்8ல் கணக்கில் எடுத்துக் கொள்ளப்படும் என்பதால், மேற்கிந்திய அணி 2 புள்ளியுடனும், பாகிஸ்தான் 0 புள்ளியுடனும் சூப்பர் 8க்கு செல்லும். இது பாகிஸ்தான் அணி அரை-இறுதிக்கு தகுதி பெற பின்னடைவாகவே இருக்கும். இதே காரணத்தால் இந்தியா இலங்கையை ஜெயிக்க வேண்டியது முக்கியமாகும். சூப்பர்8க்கு தகுதி பெற்றாலும், முதல் சுற்றில் பெறும் இவ்விரு புள்ளிகள் அரை-இறுதிக்கு செல்லும் அணிகளை முடிவு செய்வதில் முக்கிய பங்காற்றும்.

விரிவான ஸ்கோர்கார்ட்.

இந்த போட்டியின் வீடியோ தொகுப்பு (Highlights Runtime 1 Hr 17 Mins)

போட்டிகள் நடைபெறும்பொழுது நேரடியாக(Live) பார்த்து ரசிக்க
இங்கே க்ளிக்கவும்

பாகிஸ்தான் Vs மேற்கிந்தியத்தீவுகள் போட்டி Watch 'LIVE'

2007-03-13T11:40:00.000-07:00

தமிழ்மணம் நண்பர்களுக்காக! அனைத்து போட்டிகளையும் நேரடியாக கண்டு மகிழுங்கள்!

Click on the link 'wc07' below

Wait for the pop-up window to load.

If you can't see the webplayer download the sopcast webplayer from http://download.sopcast.com/download/SopCastOcx.zip .

Download the zip file, extract and install the exe file.

After installing the webplayer, try refreshing the pop-up window.

You need hi-speed internet to enjoy the match. It takes around 3 to 4 minutes to buffer initially. After that it's cool!

It's working fine for me.

Enjoy your WORLD CUP ! !

உலகக் கோப்பை உங்கள் கையில் ! ! - EXCEL FILE

2007-03-12T22:10:00.000-07:00

உலகக்கோப்பை நாளை தொடங்கவிருக்கும் நிலையில், நடக்கவிருக்கும் போட்டிகள், வெற்றி பெற்றவர்களின் விவரங்கள், பெற்றுள்ள புள்ளிகள் போன்ற விவரங்களை நீங்கள் உடனுக்குடன் தெரிந்து கொள்ள ஒரு எக்ஸெல் ஃபைல். ஒவ்வொரு க்ரூப்பிலும் எந்த அணி முன்னிலையில் உள்ளது, எவ்வளவு புள்ளிகள் போன்றவற்றை எந்த வலைத்தலத்திற்கும் போகாமல் உங்கள் கணினியிலேயே தெரிந்து கொள்ளலாம். செய்ய வேண்டியதெல்லாம் ஒவ்வொரு போட்டி முடிந்த பிறகும், அந்த போட்டி உள்ள வரியில்(Row), வெற்றி பெற்ற அணிக்கு ஒரு + அல்லது 1 உள்ளிட வேண்டியது தான்.

இதில் முதல் சுற்றில் ஒவ்வொரு போட்டியிலும் வெற்றி பெற்ற அணியின் கட்டத்தில் '+' அல்லது '1' உள்ளிட்டால் தானாகவே புள்ளிகள், மற்றும் சூப்பர் 8க்கு தகுதி பெறும் அணிகள் ஆகியவை நிரப்பப்படும். ஒரு க்ரூப்பின் அனைத்து போட்டிகளின் முடிவுகளையும் உள்ளிட்ட பிறகு தகுதி பெறும் இருஅணிகளின் பெயரும் சூப்பர் 8ல் தெரிவதை பார்க்கலாம்.

இதேபோல் சூப்பர் 8 போட்டிகளின் பொழுது ஒவ்வொரு போட்டியிலும் வெற்றி பெறும் அணியை உள்ளிட்டால், முதல் நான்கு இடம்பெறும் அணிகளை காணலாம்.

தரவிறக்கம் செய்ய இங்கே க்ளிக்கவும்.

I assure that this file is free of any Virus,Spyware,Adware or any other malicious stuff

உலகக்கோப்பை தொடக்கவிழா வீடியோ ! !

2007-03-12T09:41:00.000-07:00

9வது உலகக்கோப்பையின் தொடக்கவிழா நேற்று ஜமைக்காவில் நடந்தது அனைவரும் அறிந்ததே. அந்நிகழ்ச்சியின் வீடியோ தொகுப்பு தமிழ்மணம் நண்பர்களுக்காக.

சற்றே நீளமான வீடியோ (2 மணிநேரம்!) ஆணி அதிகமமில்லாதவர்கள் பொறுமையாக பார்த்து ரசியுங்கள். ஆஃபிஸில் மாட்டிக்கொண்டால் நான் பொறுப்பல்ல :)

பரிசுபோட்டி கேள்விகளுக்கு பதில் சொல்லிட்டிங்களா??? இன்று கடைசி நாள்!

பதில்களை சொல்லுங்கள் ! பரிசை வெல்லுங்கள் ! !

2007-03-11T23:04:00.000-07:00

இன்னும் ஒரு நாள் தான் இருக்குங்க. தினகரன் மாதிரி தினமும் 100 பேருக்கு பரிசெல்லாம் தர நிலைமைல இல்லை :). அதனால ஒரே ஒருத்தருக்கு மட்டும் நூறு டாலர் பரிசு. நீங்க செய்ய வேண்டியது எல்லாம் இந்த உலகக்கோப்பை பற்றிய உங்களது யூகங்களை பதிலா சொல்ல வேண்டியது தான். முன்னால 11ம் தேதி கடைசி நாள்னு சொல்லியிருந்தேன். 11ம் தேதி ஞாயிற்றுக்கிழமை ஆனதால 12ம் தேதி இரவு 11:59 PDT வரைக்கும் நீட்டிக்கப்பட்டிருக்கு.

இதுவரைக்கும் 16 பேர் பதில் சொல்லி இருக்காங்க.நீங்களும் வந்து பதில் சொல்லி கலக்குங்க!

பரிசுப் போட்டிக்கான கேள்விகள் மற்றும் விவரங்களுக்கு இங்கே

வெற்றி பெற வாழ்த்துக்கள் ! !

உலகக்கோப்பை தொடக்கவிழா படங்கள்

இந்தியா Vs மேற்கிந்தியத்தீவுகள் போட்டியின் வீடியோ ! !

2007-03-11T13:35:00.000-07:00

நேத்து நடந்த பயிற்சி போட்டில இந்தியா மேற்கிந்தியத்தீவுகளை 85 ரன்னுக்கு சுருட்டி, 9 விக்கெட் வித்தியாசத்தில ஜெயிச்சது எல்லாருக்கும் தெரியும். அந்த மேட்சை பார்க்கும் வாய்ப்பை இழந்தவங்களுக்காக வீடியோ தொகுப்பு இங்கே..

பார்த்து ரசியுங்கள்...

வெற்றிகள் தொடரட்டும்!!!

நீங்களும் 100 டாலர் பரிசு பெற இங்கே வாங்க..இன்னும் ஒரு நாள் தான் இருக்கு பதில் சொல்ல!

இந்த ஆட்டம் போதுமா?? இன்னும் கொஞ்சம் வேணுமா?

2007-03-09T19:45:00.000-08:00

சிங்கத்தை அதோட குகையிலய வீழ்த்துறதுனு சொல்ற மாதிரி இன்னைக்கு மேற்கிந்தியத்தீவுகளை அவங்க நாட்டுலயே கிழிச்சு நாராக்கி, துவச்சு காயப்போட்டு, அடிச்சு அலம்பல் பண்ணிட்டாங்க நம்ம பசங்க. அவங்க ஒரு 200,250 ரன் அடிச்சு இந்தியா அதை சேஸ் பண்ணியிருந்தா கூட இவ்வளவு பெரிசா இருந்திருக்காது. 85 ரன்னுக்கு சுருட்டி அதை 18 ஓவர்ல அடிச்சது தான் கலக்கல். ஆஸ்திரேலியா மாதிரி அவங்க பெரிய அணியில்லைன்னாலும் அவங்க ஊருல இப்படி தோற்கடிச்சது இந்தியாவுக்கு பெரிய சாதனை தான்.

டாஸ் வின் பண்ணி மேற்கிந்திய அணி முதல்ல பேட் பண்ண ஆரம்பிச்சாங்க. முதல்ல இருந்தே கொஞ்சம் தடவல் தான். தொடக்க ஆட்டக்காரர்களா களம் இறங்கின சந்தர்பாலும், கேலும் சீக்கிரமே அவுட்டாயி ரெஸ்ட் எடுக்க போயிட்டாங்க. அதுக்கப்புறம் சர்வானும் லாராவும் கொஞ்ச நேரம் தாக்கு பிடிச்சாங்க. ஆனா அவங்களாலயும் நம்ம பவுலிங்குக்கு ரொம்ப நேரம் தாக்கு பிடிக்க முடியலை. ஸ்கோர் 53 இருந்தப்ப லாரா அவுட்டானாரு. அதுக்கப்புறம் எல்லாரும் மடமடனு மொத்தமா 85 ரன்னுக்கு அவுட். இந்தியாவோட பேட்டிங் தான் பலம், பவுலிங் பலவீனம் தான்னு எல்லாருமே சொல்றப்ப (என்னையும் சேர்த்து) இன்னைக்கு இந்தியாவோட பவுலிங் மிகத் தரமானதா இருந்தது. இந்த அளவு வேணாம்,இதுல 70% போட்டாலே போதும். இந்தியாவுக்கு நல்ல வாய்ப்பு இருக்கு. இதே மாதிரி எல்லா பிட்சும் கைகொடுக்குமானு தெரியலை. முனாஃப் படேல் 6 ஓவர் போட்டு 10 ரன் குடுத்து 4 விக்கெட் வீழ்த்தினாரு. அடுத்து பதான் 3 விக்கெட் எடுத்தாரு. மொத்தத்துல எல்லாருமே நல்லா போட்டாங்கனு தான் சொல்லனும்.

இந்தியா சுலபமா ஜெயிக்கும்னு தெரியும். அதே மாதிரி சுலபமா 18.3 ஓவர்ல 1 விக்கெட் இழப்போட ஜெயிச்சாங்க. அவுட்டானவர் ஷேவாக். இவரோட எதிர்காலம் இப்போ பயங்கர கேள்விக்குறியா இருக்கு. திராவிட் சொன்னதால தான் அணியில சேர்த்தோம்னு வெங்க்சர்கர் வேற சொல்லி சூட்டை கிளப்பியிருக்காரு. இது திராவிடுக்கு கூடுதல் தலைவலி. ஷேவாகை இப்போ முக்கியமான போட்டில சேர்க்கறதா வேண்டாமனு யோசிக்க ஆரம்பிச்சிருப்பாங்க திராவிட்டும் சாப்பலும். அதே மாதிரி சமீப போட்டிகள்ல தினேஷ் கார்த்திக்கை மூனாவதா இறக்கி சோதனை பண்றாங்க. இதெல்லாம் பார்க்கும் போது அநேகமா உலகக்கோப்பை போட்டிகள்ல கங்கூலியும் உத்தப்பாவும் ஓபன் பண்ணுவாங்க, கார்த்திக் மூனாவதா வருவாருன்னு நினைக்கிறேன். ஷேவாக்குக்கு இன்னும் 2 வாய்ப்பு இருக்கு. பங்களாதேஷ், பெர்முடா அணிகளுக்கு எதிரான முதல் ரெண்டு போட்டில அவருக்கு வாய்ப்பு குடுத்து பார்க்கலாம். அப்பவும் ஆடலைன்னா ரிடர்ன் டிக்கெட் எடுத்து குடுக்க வேண்டியது தான். இலங்கைக்கு எதிராகவோ , சூப்பர் 8லயோ அவர வச்சு பரிசோதனை பண்ண முடியாது. இந்த பயிற்சி போட்டிகள் அவருக்கு கிடைச்ச நல்ல வாய்ப்பு. வீனாக்கிட்டாரு. Best of Luck Sehwag.

ஷேவாக் அவுட்டானதும் உத்தப்பாவும், கார்த்திக்கும், நிதானமா கவனிச்சு அதே சமயத்தில அடிக்க வேண்டிய பந்துகளை அடிச்சு இந்தியா 18.3 ஓவர்ல ஜெயிக்க உதவினாங்க. கார்த்திக் 38 ரன்னும் உத்தப்பா 35 ரன்னும் எடுத்து அவுட்டாகாமா இந்தியா 9 விக்கெட் வித்தியாசத்தில ஜெயிக்க வச்சாங்க. ஆக மொத்தம் இது பயிற்சி ஆட்டம்னாலும், மத்த அணிகளுக்கு இது இந்தியா அடிச்ச எச்சரிக்கை மணி

Come On Boys, Keep Going

மறக்க முடியுமா - 3

2007-03-08T09:55:00.000-08:00

சச்சினின் மிகச்சிறந்த ஆட்டங்களில் ஒன்றாகக் கருதப்படுவது கோகோ கோலா கோப்பைக்காக 1998ஆம் ஆண்டு ஷார்ஜாவில் ஆஸ்திரேலியாவிற்கு எதிராக விளையாடிய கடைசி லீக் போட்டி ஆகும். இந்தியா, ஆஸ்திரேலியா மற்றும் நியூஸிலாந்து பங்கேற்ற இத்தொடரில், இறுதிப்போட்டிக்கு தகுதி பெற இப்போட்டியில் வெற்றிபெற வேண்டிய கட்டாயத்தில் இருந்தது இந்தியா. தோல்வியுற்றாலும் மிகக்குறைந்த வித்தியாசத்தில் தோற்றால், சிறந்த ரன்ரேட் விகிதப்படி இறுதிப்போட்டிக்கு நுழையமுடியும்(இது தான் எப்பவும் நடக்கறதாச்சே :-D ) என்ற இக்கட்டான சூழ்நிலையில் இந்தியா களமிறங்கியது.

முதலில் ஆடிய ஆஸ்திரேலியா அணியனர் தொடக்கம் முதலே அடித்து விளையாடி 50 ஓவர்களில் 284 ரன்கள் குவித்தனர். மார்க் வாஹ் 81 ரன்களும் பெவன் 101 ரன்களும் அடித்தனர். அடுத்து களமிறங்கிய இந்திய அணி, அடித்து ஆடிய போதிலும், சீரான இடைவெளியில் விக்கெட்டுகளை இழந்து வந்தது. 138 ரன்களுக்கு 4 விக்கெட்டுகளை இழந்து தடுமாறிய பொழுதும், சச்சின் நம்பிக்கையுடன் ஆஸ்திரேலிய அணியினரை துவம்சம் செய்து கொண்டிருந்தார். அப்பொழுது எதிர்பாராமல் வீசிய மனற்புயலால் ஆட்டம் தடைப்பட்டது.

பின்பு ஆட்டம் துவங்கியபொழுது இந்தியாவிற்கு 46 ஓவர்களில் 276 ரன்கள் என இலக்கு நிர்ணயிக்கப்பட்டது. எனினும் 237 ரன்கள் எடுத்தால் இறுதிப்போட்டிக்கு தகுதி பெற்றுவிடலாம் என்ற இலக்குடன் களமிறங்கியது. அதன் பின் சச்சின் ஆடிய ஆட்டம் ஆஸ்திரேலியாவை மிரள வைத்தது. பவுண்டரிகளும் சிக்சர்களுமாக பந்து நாலாதிசையிலும் பறந்தது. சச்சின் 143 ரன்கள் எடுத்து (131 பந்துகள்,ஒன்பது 4,ஐந்து 6), தனியொருவராக இந்தியா இறுதிப்போட்டிக்கு தகுதி பெற உதவினார்.அன்று சச்சின் ஆடிய ஆட்டம் 'DesertStorm' என அனைவராலும் பாராட்டப்பட்டது. அவரது ரசிகர்களால் மறக்க முடியாத ஆட்டங்களில் இதுவும் ஒன்றாகும்.

அந்த ஆட்டத்தை பார்த்து ரசிக்க..

இதுபோன்ற சிறந்த ஒரு ஆட்டத்தை இந்த உலகக்கோப்பையில் சச்சின் மீண்டும் தருவார் என்று நம்புவோம்!!

இந்தியா Vs நெதர்லாந்து போட்டியின் வீடியோ

2007-03-07T13:02:00.000-08:00

நேற்று நெதர்லாந்துடன் நடைபெற்ற பயிற்சி போட்டியில் இந்தியா 182 ரன்கள் வித்தியாசத்தில் வெற்றி பெற்றது அனைவரும் அறிந்ததே. அந்த போட்டியில் இந்திய இன்னிங்ஸின் தொகுப்பு உங்களுக்காக

முழுநீள வீடியோ தொகுப்பு (50 நிமிடங்கள்)

நியூசிலாந்து பங்களாதேஷிடம் அதிர்ச்சி தோல்வி

2007-03-06T15:03:00.000-08:00

'சற்றுமுன்'இல் வெளியான இப்பதிவு தமிழ்மணத்தில் தெரியாததால் மீண்டும் எனது பதிவில்..

இன்றைய பயிற்சி போட்டியில் பங்களாதேஷ் அணி, நியூஸிலாந்தை 2 விக்கெட் வித்தியாசத்தில் வீழ்த்தியது. ஆச்சரியங்களும் அதிசயங்களும் நிறைந்த உலகக்கோப்பை, இம்முறை பயிற்சி ஆட்டங்களிலேயெ ஆச்சரியங்களை தர ஆரம்பித்துள்ளது. சமீபத்தில் தொடர்ந்து 3 முறை ஆஸ்திரேலியாவை வீழ்த்தி, உலகக்கோப்பையை வெல்லும் என் எதிர்பார்க்கப்பட்ட அணிகளில் ஒன்றான நியூஸிலாந்து தோற்றிருப்பது ஆச்சரியம் மற்றும் அதிர்ச்சியே!

மேலதிக விவரங்களுக்கு

இந்தியா 182 ரன்கள் வித்தியாசத்தில் வெற்றி

2007-03-06T13:46:00.000-08:00

இன்று நடந்த பயிற்சி போட்டியில் இந்தியா நெதர்லாந்தை 182 ரன்கள் வித்தியாசத்தில் வென்றது.

டாஸில் ஜெயித்த நெதர்லாந்ந்து இந்தியாவை முதலில் பேட் செய்யுமாறு கேட்டுக்கொண்டது. ஷேவாக்கும் கங்கூலியும் தொடக்க ஆட்டக்கரார்களாக களமிறங்கினர்.நிர்ணயிக்கப்பட்ட 50 ஓவர்களில் இந்தியா 300 ரன்கள் அடித்தது. கேப்டன் திராவிட் 92 பந்துகளில் 74 ரன்கள் அடித்தார். இதில் 5 பவுண்டரிகளும் 2 சிக்ஸர்களும் அடங்கும். இவருக்கு அடுத்தபடியாக சச்சின் 59 பந்துகளில் 61 ரன்கள் அடித்தார். இதில் 5 பவுண்டரிகளும் 2 சிக்ஸர்களும் அடங்கும். அடுத்தபடியாக 33 உதிரிகளே ! வேறு யாரும் 30 ரன்களை தாண்டவில்லை.

ஸ்ரீசாந்தும், முனாஃப் படேலும் பேட்டிங் செய்யவில்லை எனினும் பயிற்சி போட்டிகளின் சிறப்பு விதிகளின்படி பந்து வீச அனுமதிக்கப்பட்டனர்.118 ரன்களில் நெதர்லாந்து அணியினரின் அனைத்து விக்கெட்டுகளையும் வீழ்த்தி, 182 ரன்கள் வித்தியாசத்தில் இந்தியா சுலபமாக வென்றது. யுவராஜ் சிங் 12 ரன்கள் கொடுத்து 4 விக்கெட்டுகளை வீழ்த்தியது குறிப்பிடத்தக்கது.

முழு ஸ்கோர் விவரம்

மார்ச் 8ம் தேதி அடுத்த பயிற்சி போட்டியில் இந்தியா மேற்கிந்தியத்தீவுகள் அணியுடன் மோதுகிறது.

முதல் சுற்றில் இந்தியாவின் வெற்றிவாய்ப்பு -- வெல்லுமா இப்படை - 4???

2007-03-05T22:27:00.000-08:00

எனது இப்பதிவு இன்றைய தமிழோவியத்திலும் வெளியாகியுள்ளது. அதற்கான சுட்டி

முந்தைய பகுதிகளுக்கான தொடுப்பு

பகுதி 1

பகுதி 2

பகுதி 3

இந்தியா, இலங்கை, பெர்முடா மற்றும் பங்களாதேஷ் அணிகள் க்ரூப் Bல இருக்கு. முதல் சுற்றுல இந்த நாலு அணிகளும் தங்களுக்குள்ள விளையாடும். முதல் இரண்டு இடத்தை பிடிக்கிற அணிகள் அடுத்த சுற்றான Super 8க்கு தகுதிபெறும். இது எல்லாருக்கும் தெரிஞ்ச விஷயம் தான்.

இந்தியாவின் முதல் சுற்று போட்டிகளின் விவரம்
மார்ச் 17 - India Vs Bangladesh
மார்ச் 19 - India Vs Bermuda
மார்ச் 23 - India Vs Srilanka

எல்லா க்ரூப்புமே ரெண்டு பலமான அணி, ரெண்டு சற்றே அனுபவம் குறைந்த அணின்னு பிரிக்கப்பட்டிருக்கு. நம்ம க்ரூப்புல இந்தியாவும் இலங்கையும் பலம் வாய்ந்த அணிகள். பங்களாதேஷ் சமீபகாலமா நெறைய போட்டிகள்ல ஆடினாலும் சற்று பலவீனமான அணிதான். இருந்தாலும் இவங்களை அப்படி ஒரேயடியா ஒதுக்கிடவும் முடியாது. இந்தியா, பாகிஸ்தான், ஆஸ்திரேலியா, இலங்கைன்னு பலம் வாய்ந்த அணிகளை இவங்க ஜெயிச்சும் இருக்காங்க.

பெர்முடா இந்த உலகக்கோப்பைக்கு புதுவரவு. இவங்களை பத்தி அவ்வளவா ஒன்னும் தெரியாது. புதுவரவு தானேன்னு இவங்களையும் ஒதுக்க முடியாது. 1983 உலகக்கோப்பைல இதேமதிரி புதுவரவான ஜிம்பாப்வே முதல் போட்டிலயே ஆஸ்திரேலியாவை தோக்கடிச்சாங்க. இந்தியாவுக்கும் தண்ணி காட்டுனதை மறக்கமுடியாது. கபில்தேவ் 175 அடிச்சிருக்காட்டி நாமளும் தோத்திருப்போம். சமீபத்தில திராவிட் பேட்டில சொன்ன மாதிரி எந்த ஒரு அணியையும் சுலபமா எடைபோடக் கூடாது. கிரிக்கெட்ல என்னைக்கு எது நடக்கும்னு தெரியாது. 1996 உலகக்கோப்பைல கென்யா மேற்கிந்தியத்தீவுகளை 93க்கு சுருட்டினாங்க, 2003 உலகக்கோப்பைல அரைஇறுதி வரைக்கும் வந்தாங்க.

அதனால எந்த ஒரு அணியையும் சுலபமா எடைபோடக்கூடாது. இன்னோரு முக்கியமான் விஷயம், இந்த உலகக்கோப்பைல புது விதிகளின்படி முதல் சுற்றுல தகுதி பெறும் மற்ற அணிக்கு எதிரா எடுக்கற புள்ளிகள் இரண்டாவது சுற்றுக்கும் கணக்கில் எடுத்துக்கொள்ளப்படும். சூப்பர் 8ல முதல் நாலு அணிகள் தான் அரைஇறுதிக்கு போகமுடியும். அதனால் முதல்சுற்றுல எல்லா போட்டிலயும் ஜெயிக்கறது ரொம்ப முக்கியம். ஒருபோட்டில தோற்கறதால் இழக்கற 2 புள்ளிகள் கோப்பைக் கனவையே கலைக்க வாய்ப்பிருக்கு. வெற்றி பெறும் ஒவ்வொரு போட்டிக்கும் 2 புள்ளிகளும், டை அல்லது கைவிடப்படும் போட்டிகளுக்கு ஒரு புள்ளியும் வழங்கப்படும். முதல் சுற்றின் இறுதியில் இரு அணிகள் சமமான் புள்ளிகள் பெற்றிருந்தால் கீழ்கண்ட வரிசையில் தகுதி பெறும் அணி தேர்ந்தெடுக்கப்படும்

1. அதிக போட்டிகளில் வெற்றி பெற்ற அணி
2. அதிக னெட் ரன்ரேட் உள்ள அணி
3. அதிகமான விக்கெட் சராசரி (எடுத்த விக்கெட்கள்/வீசிய பந்துகள்) உள்ள அணி
4. அவ்விரு அணிகளுக்கு இடையேயான போட்டியில் வெற்றி பெற்ற அணி
5. இவை எல்லாவற்றிலும் சமமாக இருப்பின் 'லாட்' முறை

அதேமாதிரி புதுவிதிகளின்படி இரண்டாம் சுற்றுக்கு போகும் அணிகளின் எண்கள் ஐசிசியின் தரவரிசைப்படியே தீர்மானிக்கப்படும். அதாவது இந்தியா முதல் சுற்றுல எல்லா போட்டிலயும் ஜெயிச்சு புள்ளிகள் பட்டியல்ல முதல் இடத்தை பிடிச்சாலும், சூப்பர் 8 சுற்றுக்கு B2 ஆகவே செல்லமுடியும். ஏன்னா இலங்கை தரவரிசைல நம்மள விட முன்ன இருக்காங்க. சூப்பர் 8ல எப்படியிருந்தாலும் மத்த 6 அணிகளோடயும் விளையாடனும்னாலும், இந்த சிஸ்டத்தால போட்டிகளின் நாளும் இடமும் மாறும். இதுவும் ஒரு போட்டியின் வெற்றி தோல்வியை நிர்ணயிக்கும்கறதால் கவனிக்கனும். இப்போதைய தரவரிசைப்படி இலங்கை B1, இந்தியா B2. இதில் ஏதவது ஒருநாடு தகுதி பெறலைன்னா, தகுதிபெறும் நாடு அந்த இடத்தை எடுத்துக்கும். உதாரணமா இந்தியாவும், பங்களாதேஷும் சூப்பர் 8க்கு தகுதி பெற்றால், பங்களதேஷ் B1 எனவும் இந்தியா B2 எனவும் கருதப்படும். இலங்கையும் பங்களதெஷும் தகுதி பெற்றால் இலங்க B1 எனவும் பங்களாதேஷ் B2 எனவும் கருதப்படும்.

அடுத்ததா இந்தியா முதல்சுற்று போட்டிகளை ஆடப்போற மைதானம் பற்றி பார்ப்போம். முதல் சுற்றுல ஒவ்வொரு க்ரூப்பும் தங்களுக்கு ஒதுக்கப்பட்டுள்ள தீவில் மட்டுமே ஆடுகின்றன. அதன்படி இந்தியா தனது அனைத்து முதல் சுற்று ஆட்டங்களையும் Trinidad & Tobago தீவில் உள்ள Port of Spain'ன் Queen's Park Oval மைதானத்தில் விளையாட உள்ளது.

இது மேற்கிந்தியத்தீவுகளில் உள்ள பழமையான மைதானமாகும். அதிக டெஸ்ட் போட்டிகளை நடத்தியுள்ள பெருமையும் உடையது. 25,000 மக்கள் அமர்ந்து பார்க்கும் வசதியுடைய இம்மைதானம் இயற்கை அழகு கொஞ்சும் அழகான மைதானமாக கருதப்படுகிறது.

டெஸ்ட் போட்டிகளில் இந்தியாவின் ராசியான மைதானம் இது. இதுவரை இங்கு 12 டெஸ்ட் போட்டிகளில் விளையாடிய இந்தியா 3 வெற்றிகளையும், 3 தோல்விகளையும் பெற்றுள்ளது. 1976ல் இங்கு நடந்த டெஸ்ட் போடியின் இறுதி நாளில் இந்தியா 406 ரன்கள் அடித்து வென்று சாதனை படைத்தது.

ஒருநாள் போட்டிகளை பொறுத்த வரையில் இந்தியா இங்கு 8 போட்டிகளில் விளையாடி 1 போட்டியில் மட்டுமே வெற்றி பெற்றுள்ளது என்பது வருத்தமான விஷயம். இங்கு முதலாவதாக விளையாடி இந்தியா அடித்த அதிகபட்ச ஸ்கோர் 217 மட்டுமே என்பது அதைவிடவும் வருத்தமான விஷயம் இரண்டாவதாக விளையாடி இந்தியா அடித்த அதிகபட்ச ஸ்கோர் 236. மொத்தமாக இங்கு நடந்துள்ள 50 போட்டிகளில் 10 வீரர்கள் சதமடித்துள்ளனர். இதில் இந்தியர் யாரும் இல்லை. 16 பவுலர்கள் 4 விக்கெட்டுகளுக்கு மேல் எடுத்துள்ளனர்.
இதில் நான்கு பேர் சுழல்பந்து வீச்சாளர்கள் என்பது குறிப்பிடத்தக்கது.

45.7% முதலில் ஆடியவர்கள் வெற்றி பெற்றுள்ளனர், 54.3% இரண்டாவதாக ஆடிய அணி வெற்றி பெற்றுள்ளது. ஒரு ஓவருக்கான சராசரி ரன்விகிதம் 4.69. ஒரு விக்கெட்டுக்கான சராசரி ரன் 29.44. பாகிஸ்தானுக்கு எதிராக மேற்கிந்தியத்தீவுகள் ஒருமுறையும், இங்கிலாந்துக்கு எதிராக மேற்கிந்தியத்தீவுகள் ஒருமுறையும் ஆக இரண்டு முறை மட்டுமே 300 ரன்களுக்கு மேல் எடுக்கப்பட்டுள்ளது.

மேற்கிந்தியத்தீவுகளில் உள்ள மைதானங்களிலேயே சுழற்பந்துக்கு அதிகம் உதவக்கூடிய மைதானமாக இது கருதப்படுகிறது. இலங்கையின் முரளிதரன் இந்திய அணியினருக்கு கடும் தலைவலியாக இருப்பார் என்றே தோன்றுகிறது. முதல் சுற்றில் இந்தியாவின் வெற்றி வாய்ப்பை நிர்ணயிப்பதில் சுழற்பந்து வீச்சாளர்களின் பங்கு முக்கியமானதாக இருக்கும்.

பதிவின் நீளம் கருதி, மீதம் அடுத்த பகுதியில்...

பி.கு. தட்டி தடவி நானும் 50 அடிச்சிட்டேங்க..இது எனது 50வது பதிவு!!

உலகக்கோப்பை பரிசுப்போட்டி விவரங்கள் இங்கே. வாங்க நீங்களும் ஆடி 100 டாலர் பரிசு வாங்குங்க.

உருவத்தை பார்த்து பயந்திடாதீங்கப்பு!!

2007-03-05T13:01:00.000-08:00

இவர் பெர்முடா அணியை சேர்ந்த சுழற்பந்து வீச்சாளர் Dwane Leverock. 35 வயதான இவரின் எடை 250 பவுண்ட்கள். இவர் ஒரு காவல்துறை அதிகாரி என்பது குறிப்பிடதக்கது!

கென்யாவுக்கு எதிரான ஒரு போட்டியில் 5 விக்கெட்டுகளை வீழ்த்திய இவர், இன்று இங்கிலாந்துக்கு எதிரான பயிற்சி போட்டியில் 10 ஓவர்களில் 32 ரன்கள் கொடுத்து 2 விக்கெட்டுகளை வீழ்த்தியுள்ளார்.

உருவத்தை பார்த்து பயந்திடாதீங்க பசங்களா, நல்லா வெளுத்து வாங்குங்க!!

Breaking News in Rediff

2007-03-05T09:19:00.000-08:00

Breaking News என்று ரீடிஃபில் இன்று வெளியாகியுள்ள செய்தி

ஏப்ரல் 15 இந்தியா-பாகிஸ்தான் மோதல்

இதை பற்றி போன மாதம் 20ம் தேதி வெளியான எனது பதிவு

இந்தியா உலகக்கோப்பையை வென்றது!!!

2007-03-04T22:13:00.000-08:00

இன்று நடந்த இறுதியாட்டத்தில் 5 விக்கெட் வித்தியாசத்தில் தென்னாப்பிரிக்காவை தோற்கடித்து இந்தியா இரண்டாம் முறையாக உலகக்கோப்பையை வென்றது.தனது நீண்ட நாளைய கனவு நனவானதாக கேப்டன் திராவிட் மகிழ்ச்சி.

மேல் விவரங்கள் கீழே.......
.
.
.
.
.
.
.
.
.
.
.
.
.
.
.
.
.
.
.
அடிக்க வராதீங்க:) ஏப்ரல் 28ம் தேதி போடப்போற பதிவுக்கு ஒரு சிறு முன்னோட்டம் :)) ரொம்ப ஓவரோ இது??

வெல்லுமா இப்படை - 3 ???

2007-03-02T10:02:00.001-08:00

முதலிரண்டு பகுதிகளுக்கான தொடுப்பு

பகுதி 1

பகுதி 2

சேமியா,பால்,முந்திரி, திராட்சை, சர்க்கரைன்னு எல்லாம் இருந்தாலும் சரியான நேரத்துல சரியான விகிதத்துல கலந்தா தான் நல்ல பாயாசம் கிடைக்கும் :). அதுமாதிரி நம்ம அணில இருக்கற ஒவ்வொருத்தரும் தனிப்பட்ட முறையில பல சாதனைகள் பண்ணியிருந்தாலும் இதுவரைக்கும் இந்தியா ஜெயிச்சத விட தோத்த மேட்சுங்க தான் அதிகம். இதுவரைக்கும் இந்தியா 643 ஒருநாள் போட்டிகள்ல விளையாடி 303 போட்டில தான் ஜெயிச்சிருக்கு.வெற்றி விகிதம் 47.12% தான். இதுவே ஆஸ்திரேலியா 60.96%மும் தென்னாப்பிரிக்கா 61.46% ஜெயிச்சிருக்காங்க. இதுக்கு காரணம் Team Work. சச்சின் மாதிரியோ,கங்கூலி மாதிரியோ திராவிட் மாதிரியோ சாதனை பண்ணவங்க இந்த அணிகள்ல இல்லை. இருந்தும் இவங்க தொடர்ந்து ஜெயிக்க காரணம் ஒரு குழுவா விளையாடறது, தன்னம்பிக்கை மற்றும் ஈடுபாடு. இதெல்ல்லாம் நம்ம அணில இல்லைனு சொல்ல வரலை. கம்மின்னு சொல்றேன். மத்த எந்த அணியை விடவும் நம்ம அணில தான் 45 வந்ததும் இல்லன்னா 90 வந்ததும் மெதுவா தட்டி தட்டி ஆடறவங்க அதிகம். இது யாராலும் மறுக்க முடியாத ஒன்னு. இப்போ இது கொஞ்சம் குறைஞ்சிடுச்சுனாலும் இன்னும் இருக்கு.

அடுத்தது தேவையில்லாத Mind Block. இந்த அணிய ஜெயிக்கறது கஷ்டம், இந்த பவுலரை அடிக்கறது கஷ்டம்னு தேவையில்லாத எண்ணங்களையும் பயத்தையும் வளர்த்துக்கறது. ஒவ்வொருத்தரும் அவங்க இயல்பான் ஆட்டத்தை ஆடுனாலெ போதும்.உதாரணமா 4வது ஒருநாள் போட்டில 4 விக்கெட் விழுந்து இலங்கை தடுமாறுன பொழுதும், சமர சில்வா தன்னோட இயல்பான ஆட்டத்தை ஆடி அணிய நல்ல நிலைமைக்கு கொண்டு போனார். ஐயோ 4 விக்கெட் போயிடுச்சே, அடுத்த 15 ஓவார்க்கு தட்டி தட்டி ஆடி விக்கெட்ட காப்பாத்தலாம்னு இருந்தா, விக்கெட் இருக்கும் ரன் இருக்காது. ஒரேயடியான டிஃவென்ஸிவ் போக்கும், ஒரேயடியான அஃவென்ஸிவ் போக்கும் ஆபத்து. இயல்பான ஆட்டம் தான் கைகொடுக்கும். மறுபடியும் இதெல்லாம் நம்ம அணில இல்லனு சொல்லலை. கம்மின்னு சொல்றேன்.மனோரீதியான நம்பிக்கை அவசியம். ஜெயிக்கனும்கற வெறி வேணும்.

அடுத்து பவுலிங்கை பற்றி பார்க்கலாம்.

இந்திய அணியில் இடம்பெற்றுள்ள பந்துவீச்சாளர்கள் கும்ப்ளே,ஹர்பஜன் சிங்,பதான்,ஜாகிர் கான்,அகர்கர்,ஸ்ரீசாந்த் மற்றும் முனாஃப் படேல்.

ஒருநாள் போட்டி மற்றும் டெஸ்ட்களில் அதிக விக்கெட்களை வீழ்த்தியுள்ள இந்தியர் அனில் கும்ப்ளே. அனுபவம் இவரது பலம். மேலும் மேற்கிந்தியத்தீவுகளில் உள்ள Slow Pitches இவரது பவுலிங்குக்கு உதவுமா என்பது சந்தேகமே. சுழற்பந்து வீச்சாளராக அடையாளம் காணப்பட்டாலும் இவர் வீசும் பந்துகள் மிதவேகமானவை. 1993-2000 வரை உச்சத்திலிருந்தவர் இவர். கடந்த 18 ஆண்டுகளாக விளையாடி வந்தாலும் இந்த 7 ஆண்டுகளில் இவர் 259 விக்கெட்டுகளை வீழ்த்தியுள்ளார். கடந்த 7 ஆண்டுகளில் மொத்தம் 61 போட்டிகளில் மட்டுமே விளையாடி 61 விக்கெட்டுகளை மட்டுமே வீழ்த்தியுள்ளார் என்பது கவலைக்குரிய விஷயம். உலகக்கோப்பையுடன் ஒருநாள் போட்டிகளில் இருந்து ஓய்வு பெறுவதாக அறிவித்துள்ளார். அதற்கு முன் மீண்டும் சிறப்பாக விளையாடி அணிக்கு கோப்பையை பெற்றுதருவாரா என்பது சந்தேகமே. தொடர்ந்த இடைவெளி மற்றும் மேற்கிந்தியத்தீவுகளின் மைதானங்கள் இவருக்கு எதிராக அமையக்கூடும்.

அணியின் மற்றுமொரு சுழற்பந்து வீச்சாளரான ஹர்பஜன் சிங்கும் இறங்குமுகத்திலேயே உள்ளார். 3.85, 4.12, 4.16, 4.25 என இவரது எகானமி ரேட் ஒவ்வொரு ஆண்டும் உயர்ந்து வருவது வருத்தமான விஷயம். கடந்த ஆண்டு 13 போட்டிகளில் 25 விக்கெட்டுகளை வீழ்த்தியிருந்தாலும் இவர் முழு ஃபார்மில் இல்லை என்றே தோன்றுகிறது. வேகப்பந்து வீச்சாளர்களுக்கு முன்னுரிமை அளிக்கப்படும் மேற்கிந்தியத்தீவுகளின் மைதானத்தில் தங்களின் இடத்தை தக்கவைத்துக் கொள்ள கும்ப்ளேயும் சிங்கும் சிறப்பாக பந்து வீசினால் மட்டுமே முடியும். தனது தூஸ்ராக்களாலும் ஆஃப் ஸ்பின்னாலும் எதிரணியை சுருட்டி கோப்ப்பையை வென்று தருவாரா எனப் பார்ப்போம்.

அடுத்து பதான். சமீபத்தில காயம் காரணமா இவரும் கொஞ்ச போட்டில விளையாடலை. அப்புறம் தியோதர் போட்டில இவர் ஆடறதை பொறுத்து தான் முடிவு செய்வேம்னு சொல்லி வெங்க்சர்கார் தேவையில்லாத பரபரப்பை உண்டாக்கினாரு. இந்தியாவின் சிறப்பான ஸ்விங் பவுலர்கள்ல இவரும் ஒருத்தர். மூனாவதா களமிறங்கி ரன்களும் அடிச்சுக் கொடுத்திருக்காரு. பயிற்சியாளர் சாப்பல் இவருக்கு இன்னம் அதிகமா பேட்டிங் பயிற்சி கொடுத்து முழுநேர ஆல்-ரவுண்டரா ஆக்குனா இவருக்கும் நல்லது அணிக்கும் நல்லது.இந்தியாவோட பெரிய குறைகள்ல ஒன்னு திறமையான ஆல்-ரவுண்டர் இல்லாதது. சச்சின், கங்கூலி, ஷேவாக், யுவராஜ்னு நிறைய மட்டையாளர்கள் பந்து வீசினாலும் எல்லாரும் பகுதி-நேர பவுலர்கள் தான். அதிலும் சச்சினோட உடல்தகுதி காரணமா அவர் அதிகமா பந்து வீசுறதும் நல்லதில்லை. அதனால் பதான் நல்லா பேட்டிங் பண்ணா கார்த்திக்கை சேர்க்காம் இன்னொரு பவுலரை அணியில சேர்க்கலாம். போனவருஷம் 24 போட்டில 35 விக்கெட்டுகளை எடுத்த இவர் இந்த வருஷம் 7 போட்டில 1 விக்கெட் தான் எடுத்திருக்கர். ஃபார்ம்ல இல்லாத எல்லாரும் உலகக்கோப்பைக்கு முன்னால சரியான நேரத்துல ஆட ஆரம்பிச்சுட்டாங்க. இவர் உலகக்கோப்பைல இழந்த ஃபார்மை பிடிப்பாருன்னு நம்புவோம்.

இப்போதைக்கு நம்பிக்கை தரமாதிரி பந்து வீசரவங்கள்ல ஒருத்தர் ஜாகிர் கான். கவுண்டில விளையாடற அனுபவம் இவருக்கு நல்லா கைகொடுக்குது. இந்த அனுபவத்தை உலகக்கோப்பைக்கும் உபயோகிப்பருன்னு நம்புவோம். இந்த தடைவை வேகமா வீசுறத விட அடிக்கடி வேகத்தை கூடி குறைச்சு வீசுறதுதான் பலன் தரும். அதனால் நான் நிறைய 'Slow Ball' போடப்போறேன்னு சொல்லியிருக்காரு. இவரோட திட்டம் பலிச்சு நெறைய விக்கெட்ட அறுவடை செஞ்சா சந்தோஷம் தான். போன உலகக்கோப்பைல 18 விக்கெட் எடுத்து கலக்குனாரு. இந்த தடவை கலக்குவாரா பார்ப்போம்.

அணியின் மற்றொரு அனுபவம் வாய்ந்த பவுலர் அகர்கர். இறுதி ஓவர்கள்ல ரிவர்ஸ் ஸ்விங் பண்ணக்கூடியவர். அடிக்கடி ஸ்லோ பால் போட்டு பேட்ஸ்மேனை குழப்பறவர். தன்னோட திறமைய நல்லா உபயோகிச்சா முன்னனி பவுலரா வரக்கூடியவர். இவரோட பலவீனம் நெறைய ரன் குடுக்கறது. இவரும் எப்பவாவது பேட்டிங்ல உதவுவார். கவனிக்கவும் எப்பவாவது. நடுவுல இறங்கு முகத்துல இருந்தவர் கடந்த ரெண்டு வருஷமா நல்லா ஆடற மாதிரி தோனுது. ஆனா முன்ன சொன்ன மாதிரி இவரோட எகானமி ரேட்டும் ஏறிகிட்டே வருது. ரன் குடுக்கறத கம்மி பண்ணா நல்ல எதிர்காலம் இல்லைனா அணியிலிருந்து தூக்கப்படர ஆவத்து இருக்கு.

தென்னாப்பிரிக்காவில தன்னோட பவுலிங்காலயும், டான்ஸாலயும் பேரு வங்கினவர் ஸ்ரீசாந்த். அந்த தொடருக்கு அப்புறம் ஒன்னும் சொல்லிக்கற மாதிரி பந்துவீசலை. Batting, Bowling, Fielding மாதிரி Sledgingம் கிரிக்கெட்ல புகழ்பெற்றது. பொதுவா இந்திய வீரர்கள் அவ்வளவா ஸ்லெட்ஜிங்குக்கு ரியாக்ட் பண்ணமாட்டாங்க. ஆனா ஆந்த்ரே நெல் ஒரு பந்து வீசி இவர் தடுமாறுனதும் ஒரு முறை முறைச்சாரு. ஸ்ரீசாந்த் அடுத்த பந்தை சிக்ஸ் அடிச்சிட்டு சரியான ஒரு ஆட்டம் போட்டாரு. அவரோட அந்த எதிர்ப்பை காட்டுர அந்த Attitude வரவேற்கவேண்டிய ஒன்னு. அதே வெறிய பந்துவீச்சுறதுலயும் காட்டுனா நல்லது. தென்னாப்பிரிக்கவுல விக்கெட் எடுத்த மாதிரி, நெறைய விக்கெட் எடுக்கனும்னு தேவையில்லாத முயற்சிகள் பண்ணதால தன்னால மறுபடியும் ஜொலிக்க முடியலை. இனிமே தேவையில்லாத முயற்சிகள் பண்றத விட்டுட்டு Line and Lengthல கவனம் செலுத்தப்போறேன்னு சமீபத்தில ஒரு பேட்டில சொல்லியிருந்தாரு. அதுமாதிரி தேவையில்லாத பரிட்சைகள் செய்யறத விட்டுட்டு பவுலிங்ல கவனம் செலுத்துனா அவருக்கும், அணிக்கும் நல்லது.

கடைசியா முனாஃப் படேல். இவரு நல்லா பந்து வீசுறதா (Line and Length) எனக்கு தோனுது. அமைதியான கட்டுப்பாடான ரன்-அப், நல்ல உயரம் எல்லாம் இவருக்கு ப்ளஸ் பாயிந்த். இவருக்கும் அவ்வலவு அனுபவமிலாதது ஒரு குறை. இதுவரைக்கும் 17 போட்டிகள்ல விளையாடி 22 விக்கெட் தான் எடுத்திருகாரு. இருந்தாலும் இவருக்கு நல்ல எதிகாலம் இருக்குனு நினைக்கிறேன். இந்த உலகக்கோப்பைல தன்னோட முழு திறமையையும் காட்டுவார்னு நம்பலாம். பதான், ஜாகிர்,அகர்கர்,ஸ்ரீசாந்த் மற்றும் முனாஃப்னு நெறைய வேகப்பந்து வீச்சாளர்கள் இருக்கறதால அணியில இடம்பிடிக்க போராடவேண்டி இருக்கும். மேற்கிந்திய மைதானங்கள் ஸ்ரீசாந்த விட இவருக்கு சூட் ஆகும்னு நினைக்கிறேன்.

இந்திய அணியை பொறுத்த வரை பேட்டிங்கை விட பவுலிங் சுமாரா தான் இருக்கு. அதுக்கு முக்கிய காரணம் அனுபவம் வாய்ந்தவர்கள் ஃபார்மில் இல்லாம இருக்கரதும், நல்ல வீசரவங்க அனுபமில்லாம் இருக்கறதும் தான். அதே மாதிரி இன்ன்னொரு குறை திறமையான் 5வது பவுலர் இல்லாதது. முன்னமே சொன்ன மாதிரி சச்சின்,ஷேவாக்,கங்கூலி, யுவராஜ்னு எல்லாரும் இருந்தாலும் அவங்க போடற 10 ஓவர்ல 60 ரன் போச்சுன்னா பெரிய பின்னடைவா இருக்கும், சமீபத்தில நடந்த இலங்கை தொடரிலயும் அதுதான் நடந்தது. ஐந்து முழுநேர பவுலர்கள் அணியில சேர்த்தா பேட்டிங் பலவீனமாகும். பதானுக்கு பேட்டிங் பயிற்சி தந்து ஆல்-ரவுண்டராக்குறது நல்ல தீர்வு.

அடுத்த பலவீனம் தடுப்பாட்டம். மத்த அணிகளோட ஒப்பிடும் பொழுது இந்திய அணியின் தடுப்பாட்டம் சுமார் தான். ஃபீல்டிங்ல குடுக்கர ஒவ்வொரு ரன்னும், விடற ஒவ்வொரு கேட்சும் மட்டையாளர்களுக்கும் பந்து வீச்சாளர்களுக்கும் அதிக பளுவை கொடுக்கும். இந்திய அவசரகதியில சரி பண்ண வேண்டிய ஒன்னு ஃபீல்டிங். இந்தியால சொல்லிக்ற மாதிரி ஃபீல்டிங் பண்ற ஒரே ஆளு யுவராஜ் தான். கார்த்திக் பரவாயில்லை. மத்தவங்க இம்ப்ரூவ் பண்ணனும். அதேமாதிரி கீப்பிங்க்ல டோனியும் இன்னும் கொஞ்சம் நல்லா பண்ணனும். இலங்கைக்கு எதிரான தொடரில் பிடிக்கவேண்டிய ரெண்டு மூனு கேட்ச்களை தவறவிட்டார். அவரோட பேட்டிங் அணிக்கு பலம்னாலும், கீப்பிங்கையும் இன்னும் கொஞ்சம் நல்லா பண்ணா வெற்றி நிச்சயம் தான்.

ரொம்ப நீளமான பதிவுன்னு நினைக்கிறேன். "போதும்..இத்தோட நிறுத்திக்குவோம்"னு யாராவது சொல்றதுக்கு முன்ன நானே நிறுத்திக்கறேன்.

முதல் சுற்றில் இந்தியாவின் வெற்றி வாய்ப்பு - அடுத்த பகுதியில்.

உலகக்கோப்பை பரிசுப்போட்டி விவரங்கள் இங்கே. வாங்க நீங்களும் ஆடி 100 டாலர் பரிசு வாங்குங்க.

வெல்லுமா இப்படை - 2 ???

2007-03-01T22:29:00.000-08:00

இந்திய அணி பற்றிய ஒரு அலசல்..

முதல் பகுதிக்கான தொடுப்பு இங்கே

அடுத்து யுவராஜ் சிங்.இந்திய அணியின் மிடில் ஆர்டருக்கு பலம் சேர்க்கும் மற்றொருவர் யுவராஜ். இவரும் கைஃபும் சேர்ந்து நேட்வெஸ்ட் கோப்பையோட இறுதி ஆட்டத்தில இங்கிலாந்துக்கு எதிரா அபாரமா ஆடி கோப்பைய வாங்கிக்குடுத்தது மறக்கமுடியாத ஒன்னு. அந்த போட்டில கங்கூலி சட்டைய சுழற்றி கொண்டாடுனதும் மறக்க முடியாதது. கடந்த ஒரு மாசமா காயம் காரணமா ஆடலைனாலும், இலங்கைக்கு எதிரான கடைசி போட்டில பிரமாதமா ஆடுனாரு. உலகக்கோப்பைக்கு போற நேரத்துல இப்படி எல்லாரும் ஃபார்ம்ல இருக்கறது சந்தோஷமான விஷயம். ஆனா இந்திய மைதானங்களும், மேற்கிந்திய மைதானங்களும் முற்றிலும் வேறானவை. இந்தியால முக்கால்வாசி மைதானங்கள் பேட்ஸ்மெனுக்கு சாதகமா இருக்கும். ஆனா மேற்கிந்தியதீவுகள்ல அப்படி இல்லை. முக்கால்வாசி Slow Pitches தான். பந்து சரியா பேட்டுக்கு வராது. பொறுமையும் திறமையும் மட்டுமே கைகொடுக்கும். அந்த ரெண்டுமே இவர்கிட்ட இருக்கு. தொடக்க ஆட்டக்காரர்கள் 15 ஓவர்ல 80, 90 ரன் எடுதாலும், அதை தொடர்ந்து அணியோட ஸ்கோரை 280, 300 னு கொண்டு போற பொறுப்பு திராவிட், யுவராஜ், டோனி மாதிரி மிடில் ஆர்டர் கைல தான் இருக்கு. யுவராஜ் கரை சேர்ப்பாரா இல்ல நட்டாத்துல கவுப்பாரா? கரைசேர்ப்பாருன்னு நம்புவோம்.

அடுத்து இந்திய அணியின் லேட்டஸ்ட் சென்சேஷன் டோனி. விக்கெட்-கீப்பர் மற்றும் பேட்ஸ்மெனான இவர் இலங்கய புரட்டி புரட்டி அடிச்ச 183 ரன்ன யாரும் மறந்திருக்க முடியாது. எந்த புத்தகத்துலயும் இல்லாத புதுமாதிரி ஷாட்ஸ் ஆடறதுல பேர்போனவரு. குறிப்பா 'ஹெலிகாப்டர்' ஷாட்னு சொல்லப்படற மட்டைய ஏடாகூடமான கோணத்துல சுத்தி இவர் அடிக்கற அழகே தனி. போன உலகக்கோப்பைல திராவிட்டே விக்கெட் கீப்பிங் பண்ணதால போட்டிக்கு ஏத்த மாதிரி ஒரு அதிகப்படியான பேட்ஸ்மெனையோ பவுலரையோ அணியில சேர்த்துக்க முடிஞ்சது. ஆனா இந்த தடவை சிறந்த பேட்ஸ்மெனான டோனி கீப்பராவும் இருக்கறதால பேட்டிங் இன்னும் வலுவாகுது. மூனாவது வீரரா களமிறங்கி இவர் நிரைய ரன் அடிச்சிருந்தாலும், இப்போதைக்கு ஆறாவதாகவோ ஏழாவதாகவோ இறங்குறது இந்தியா ஸ்லாக் ஓவர்ஸுனு சொல்லப்படற 40-50 ஓவர்கள்ல நெறைய ரன் அடிக்க உதவியாயிருக்கும். கடந்த 2 வருடங்களில் மொத்தமா ஒவ்வொரு அணியும் கடைசி பத்து ஓவர்கள்ல அடிச்ச ரன்கள் பட்டியல்ல இந்தியா 3வது இடத்துல இருக்கு. அதுக்கு முக்கிய காரணம் டோனிங்கறது என்னோட கருத்து.

உத்தப்பா. இந்திய அணியின் புது தொடக்க ஆட்டக்காரர். கங்கூலி-டெண்டுல்கர்க்கு அப்புறம் பலவித சோதனை பண்ணியும் இன்னும் ஒரு நிலையான தொடக்க ஜோடி அமையலன்னு தான் சொல்லனும். இப்போ சமீபமா உத்தப்பா தொடக்க ஆட்டக்காரரா விளையாட ஆரம்பிசிருகாரு. இவரோட பலம் இவர் புதுசுங்கரதால எதிரணியினருக்கு இவரை பத்தி அவ்வளவா தெரியாதது. அதுவுமில்லாம இவர்மேல நிறையா எதிர்பார்ப்புகளோ பாரங்களோ இல்லாதது. அதாவது அணியில நிறைய பேட்ஸ்மென் இருக்கறதால இவர் பொறுமையா நின்னு விளையாட வேணாம். இவர்கிட்ட எல்லாரும் எதிர்பார்க்கறது (அட்லீஸ்ட் நான்) போயி ஒரு காட்டு காட்டி 20 பந்துல நாப்பதோ அம்பதோ அடிச்சுட்டு பெவிலியன்ல ஹாயா ரெஸ்ட் எடுக்கலாம். இவர் எவ்வளவு வேகமா ரன் அடிச்சுத் தராறோ அவ்வளவு நன்மை இந்தியாவுக்கு. இதுதான் இவர்பற்றிய என்னோட கருத்து. மக்கள்ஸ் நீங்க என்ன நினைக்கிறிங்கனு தெரியல. இப்போ அடுத்த பிரச்சனை யார தொடக்க ஆட்டக்காரர்களா இறக்கறதுன்னு. கங்கூலி-உத்தப்பாவா, உத்தப்பா-ஷேவாகா, கங்கூலி-ஷேவகா? என்னொட சாய்ஸ் கங்கூலி-உத்தப்பா. எப்பவுமே ஒரு லெஃப்ட்-ரைட் காம்பினேஷன் பந்து வீச்சாளர்களுக்கு கஷ்டம் தான். அதுவுமில்லாம கங்கூலியும் ஷேவாகும் ஒரு 20 25 ஓவர் ஆடினாங்கன்னா, அடுத்து வர உத்தப்பாவுக்கு அடிச்சு ஆடரது கஷ்டம். இவர் கொஞ்சம் புதுசுங்கறதாலயும் இவரோட 'Game Style'லாலயும் சர்வதேச அளவுல பொறுமையா நின்னு விளையாடறது சந்தேகம்தான். அதனால இவரோட திறமையா சரியா பயன்படுத்த இவர முதல்ல ஆடவிடறதுதான் சரி.

அடுத்து தினேஷ் கார்த்திக். புதுவரவான இவரும் நல்ல திறமையான் ஆளுதான். ஆனா இன்னும் தன் திறமைய முழுசா காட்ட ஒரு சந்தர்ப்பம் கிடைக்கல. இலங்கைக்கு எதிரான கடைசி போட்டில இவர மூனாவதா இறக்கி டெஸ்ட் பண்ணாங்க. எனக்கென்னவோ இவர் ஏழாவதா வர்ரது தான் சரினும் தோனுது. அதுவுமில்லாம இவர கூடுதல் விக்கெட்-கீப்பரா வச்சிருக்காங்க.இதுவரைக்கும் 13 போட்டில விளையாடி 18.75 என்ற சராசரியோட 150 ரன்கள் அடிச்சிருக்காரு. சமீபத்துல மேற்கிந்தியத்தீவுகளுக்கு எதிரா அடிச்ச 63 ரன்கள் தான் இவரோட அதிகபட்ச ஸ்கோர். திறமையானவர்னாலும் வெறும் 13 போட்டில ஆடினத வச்சு எதுவும் சொல்றது கஷ்டம். இவரை பத்தி அதிகமா அப்புறம் பந்துவீச்சாளர்களை பத்தி அலசும்பொழுது பார்ப்போம்.

மீதி அடுத்த பதிவில்...

உலகக்கோப்பை பரிசுப்போட்டி விவரங்கள் இங்கே. வாங்க நீங்களும் ஆடி 100 டாலர் பரிசு வாங்குங்க.

வெல்லுமா இப்படை - 1 ???

2007-03-01T14:32:00.000-08:00

இப்படை தோற்கின் எப்படை வெல்லும், சென்று வருக வென்று வருக, GOOD LUCK INDIAன்னு எல்லாரும் விதவிதமா வாழ்த்தி நம்ம பசங்களை வழியனுப்பி வச்சுட்டோம். நம்ம பசங்க கோப்பையோட வருவாங்களா இல்ல வெறுங்கையோட வருவாங்களானு பார்ப்போம்.

இந்திய அணியின் பலம் மற்றும் பலவீனம், முந்தைய கோப்பைகளில் இந்தியாவின் வெற்றிகள், இந்த கோப்பைல இந்தியாவோட வெற்றி வாய்ப்புனு பலதையும் அலசவே இப்பதிவு. 4 இல்ல 5 பகுதியா வரும்.

முதல் பகுதில இந்திய அணியோட பலம் மற்றும் பலவீனத்தை பார்க்கலாம். இது முழுக்க, முழுக்க என்னோட கருத்து. இதுல எதிர்கருத்து இருக்கறவங்க தாராளமா பின்னூட்டத்தில துப்பிட்டு போங்க. எதையும் தாங்கும் இதயமும் முகமும் எங்கிட்ட இருக்கு :))

இப்போன்னு இல்லாம பலகாலமா (குறிப்பா சச்சின் காலத்துல இருந்து) இந்தியாவோட பலம் பேட்டிங் தான். அதுவும் இந்த தடவை உலகக்கோப்பை போற அணியில பேட்டிங்க் வரிசை ரொம்ப பலமா இருக்கு. சச்சின்,திராவிட்,கங்கூலி, யுவராஜ் சிங்,டோனி, ஷேவாக், உத்தப்பா,கார்த்திக்னு வரிசையா ஆட்டக்காரர்கள்.

சச்சின் கடந்த உலகக்கோப்பைகள் மாதிரி இந்த தடவையும் கலக்கினார்னா இந்தியாவுக்கு யானை பலம். ஆனா இவரோட ஃபிட்னஸ் தான் அப்பப்ப கால வாரி விடுது.அதுவுமில்லாம கிட்டத்தட்ட 18 ஆண்டுகள் விளையாடின தளர்ச்சியும் தெரியுது. இதுதான் இவர் ஆடர கடைசி உலகக்கோப்பையா இருக்கும். இன்னமும் இவர மட்டும் நம்பாம மத்தவங்களும் கொஞ்சம் பாரத்தை சுமந்தா நல்லாயிருக்கும். சமீபகால போட்டிகள்ல இவர் சீக்கிரம் அவுட்டாகியும் இந்தியா வெற்றி பெற்றிருந்தாலும், இவர் அவுட்டான உடனே அவ்வளவு தாண்டா இந்தியா, எல்லாரும் வரிசையா அவுட்டாகப் போறங்கன்னு எல்லாரோட(இல்லன்ன என் மனசில) மனசிலயும் தோணறது நெஜம். எல்லாராலயும் பாரட்டப்பெற்றவர், 10 பதிவு போட்டாலும் எழுதமுடியாத அளவுக்கு சாதனைகள் செஞ்சவர், தன் கிரிக்கெட் வாழ்க்கைல இந்தியா உலகக்கோப்பையை ஜெயிக்கறத பார்க்காம போனா மிகவும் வருந்தவேண்டிய விஷயம். அதுக்காகவாவது இவர் இந்த தடவை நமக்கு உலகக்கோப்பையை வாங்கித் தருவாருன்னு நம்புவோம். COME ON,SACHIN.

இவருக்கு அடுத்து 'தாதா'கங்கூலி. எனக்கு மிகவும் பிடித்தவர்கள்ல ஒருத்தர். விடாமுயற்சி, நம்பிக்கை வெற்றி தரும்னு ரெண்டு தடவை நிருபிச்சவரு. முதல்முதலா ஆஸ்திரேலியாவுக்கு எதிரா 1991ல் ஒரெஒரு ஒருநாள் போட்டில விளையாடினாரு. அதுக்கப்புறம் தேர்வுக்குழுவோட வழக்கமான கூத்தால கழட்டி விடப்பட்டார். அதுக்கப்புரம் 1996-97 இந்கிலாந்துக்கு எதிரா மறுபடியும் விளையாடி முதல் டெஸ்ட்லய 100 அடிச்சு அணியில நிரந்தரமா இடம்பிடிச்சாரு. திரும்பவும் அக்டோபர் 2005ல மோசமான பேட்டிங் காரணமா நீக்கப்பட்டாரு. இப்போ மறுபடியும் லோக்கல் போட்டிகள்ல தன் திறமைய நிருபிச்சு அணிக்குள்ள வந்தாரு. இலங்கக்கு எதிரான தொடரில ஆட்டநாயகன் விருதையும் வாங்கி அசத்துனாரு. இப்போ இருக்கற ஃபார்ம் உலகக்கோப்பைலயும் தொடர்ந்தா நமக்கு நல்ல வாய்ப்பு இருக்கு. முன்னமாதிரி விலகிப்போற பந்தை அடிக்க முயற்சிக்காம, கொஞ்சம் பொறுமையா கட்டுப்பாட்டோட ஆடர மாதிரி தோனுது. இந்த தடவை இவர் கண்டிப்பா நல்ல ஆடுவாரு, ஆடனும், ஏன்னா திரும்ப அணிக்குள்ள வரது நடக்காத காரியம். நீளம் குறைவா தோளளவுக்கு எழும்பி வர பந்துகள் தான் இந்தியா பேட்ஸ்மென்களுக்கு எப்பவுமே எதிரி. அதுபோன்ற பந்துகலையும் சிறப்பா ஆட பயிற்சி எடுத்துகிட்டாருன்னா ஏப்ரல் 29ம் தேதி 'இந்தியா உலகக்கோப்பையை வென்றது'னு பதிவ போட்டுடலாம்.

அடுத்து வருவது நம்ம 'WALL' திராவிட். உலகளவுல டெக்னிகலி சிறந்த பேட்ஸ்மென்கள்ல இவர் ஒருத்தர். கங்கூலியும் இவரும் ஒன்னா அறிமுகமானங்க. ரெண்டு பேரும் கலக்கிட்டு இருக்காங்க. ஒருநாள் போட்டிக்கெல்லாம் இவரு லாயக்கில்லை, டெஸ்டுக்கு தான் சரின்னும் பலரும் சொன்னப்ப அதை உடைச்சு தன்னால் ஒருநாள் போட்டிலயும் சாதிக்க முடியும்னு நிருபிச்சாரு. இவர் மிடில் ஆர்டர்ல ஆடறது அணிக்கு ஒரு ஸ்திரத்தன்மைய தரும். முதல் 15 ஓவர் அடிச்சு ஆடனப்புரம் பொறுமையா அதே சமயம் சரியான அளவு ரன்களும் சேகரிக்க இவர் மாதிரி ஆளுங்க தேவை. தேவைப்பட்டா அடிச்சும் ஆடறது இவரோட பெரிய பலம். கடந்த தொடரில 10,000 ரன்னை கடந்து சாதனை பண்ணாரு. உலகளவுல 10,000 ரன்கள் அடிச்ச ஆறு பேரில மூனு பேர்(சச்சின், கங்கூலி, திராவிட்) நம்ம அணில இருக்கறதே நம்ம அணியோட பேட்டிங் திறமைக்கு சாட்சி. இருந்தாலும் எல்லாரும் ஒரு அணியா சேர்ந்து விளையாடினால் தான் வெற்றிபெற முடியுங்கறதுக்கும் நம்ம அணியே சாட்சி :)).

ஏனோ அடிக்கடி சித்து வர்ணனைல சொன்னதா எங்கேயோ படிச்சது ஞாபகத்துக்கு வருது. இந்திய அணி சைக்கிள் ஸ்டாண்ட் மாதிரி.ஒரு சைக்கிள் விழுந்தா வரிசையா எல்லா சைக்கிளும் விழுந்துடும். அந்த மாதிரி நெறைய தடவை நடந்தும் இருக்கு.அந்த மாதிரி இல்லாம எல்லாரும் ஒரு 30 இல்ல 40 அடிச்சாலே போதும். மீதிய பவுலர்கள் பாத்துக்குவாங்க.

அடுத்து ஷேவாக். ஆரம்ப காலங்கள்ல தன்னோட அதிரடி ஆட்டத்தால சச்சின் அளவுக்கு பரபரப்பா பேசப்பட்டவர். அதிரடி மட்டும் பத்தாது கொஞ்சம் புத்திசாலித்தனமும் வேணும்னு கொஞ்ச நாள்ல புரிஞ்சிகிட்டாரு. சச்சினும், கங்கூலியும், திராவிட்டும் நல்லா ஆடும் பட்சத்துல இவர் அதிரடியா ஆடினாலெ போதும். இவரும் உத்தப்பாவும் சேர்ந்து 15 ஓவர்ல ஒரு 90 இல்ல 100 ரன் அடிச்சுக் குடுத்தாங்கன்னா அணிக்கு பெரிய பலமா இருக்கும். சமீபகாலமா இவர் ஃபார்மில இல்லாதது கவலையான விஷயம். அனுபவமிக்கவர், தடபுடானு ஒரு 20 பந்துல 40 ரன் அடிச்சாலும் உபயோகமா இருக்கும் போன்ற காரணங்களால இவருக்கு வாய்ப்பு வழங்கப்பட்டிருக்குன்னு நினைக்கிறேன். செய்வாரா ஷேவாக் ??

பதிவோட நீளம் கருதி மீதி அடுத்த பாகத்துல..

உலகக்கோப்பை பரிசுப்போட்டி விவரங்கள் இங்கே. வாங்க நீங்களும் ஆடி 100 டாலர் பரிசு வாங்குங்க.

பி.கு. கேக்காம படத்தை சுட்டதுக்கு சிவபாலன் மன்னிக்கவும்

விரலை வெட்டிக்கொள்ள தயார்!!!

2007-02-28T18:57:00.000-08:00

நியூசிலாந்து அணியின் முன்னனி வீரர்களில் ஒருவரான் ஜேகப் ஓரம், ஆஸ்திரேலியாவுக்கு எதிரான முதல் ஒருநாள் போட்டியில் விளையாடுகையில் காயமடைந்தார். இதனால் உலகக்கோப்பையில் இவர் விளையாடுவாரா என்ற கேள்வி எழுந்துள்ளது.

இந்நிலையில் நேற்று அளித்த பேட்டியில் இவர் இவ்வாறு தெரிவித்துள்ளார்.கையுறைக்குள் அணியும் வகையில் காயத்தை ஆற்றும் பட்டைகள் உள்ளன. ஆகவே என்னால் நன்றாக விளையாடமுடியும் என்ற நம்பிக்கையுள்ளது. வேறெந்த வழியும் இல்லாத பட்சத்தில் என் விரலை வெட்டிக்கொள்வது பலனளிக்கும் என்றால் அதற்கும் தயாராக உள்ளேன். ஆனால் உலகக்கோப்பையில் ஆடும் வாய்ப்பை இழக்க விரும்பவில்லை எனத் தெரிவித்துள்ளார்.

கேட்ச் பிடிக்கும் பொழுது இவரின்ன் இடதுகை மோதிர விரல் காயமடைந்த காட்சி..

28 வயதான் இவர் இதுவரை 93 போட்டிகளில் விளையாடி 1382 ரன்கள் அடித்துள்ளார் மற்றும் 100 விக்கெட்டுகளையும் வீழ்த்தியுள்ளார். மருத்துவர்கள் இவர் முழுமையாக குணமடைய குறைந்தது நான்கு வாரங்களாவது ஆகும் எனத் தெரிவித்துள்ளனர்.நியூசிலாந்து தனது முதல் போட்டியில் மார்ச் 16ம் தேதி இங்கிலாந்துடன் மோதுகிறது.

விரலை வெட்டிக்கொண்டு விளையாடுவது சுலபமான காரியமில்லை எனினும் இவரது மன உறுதியையும் நம்பிக்கையையும் பாராட்டுவோம்.

உலகக்கோப்பை பரிசுப்போட்டி விவரங்கள் இங்கே

அசத்தப் போவது யாரு ???

2007-02-27T21:03:00.000-08:00

போன வாரம் கேட்டிருந்த கேள்விகளுக்கு இதுவரைக்கும் 7 பேர் பதில் சொல்லியிருக்காங்க. 4 பேரு பதுங்கி(??) இருக்காங்க.

30 பின்னூட்டங்களுக்கு மேல உள்ள பதிவுகள் இனிமே அண்மையில் மறுமொழியப்பட்ட இடுக்கைகள் பகுதில வராதுங்கறதால இந்த பதிவு.

இதுவரை வந்துள்ள பதில்கள் கீழே...

Blogger Name

ஸ்கோர்

சரியான விடைகள்

பாஸ்டன் பாலா

Pakistan

Pakistan, South Africa, West Indies, Australia

Mohammad Yousuf

Chaminda Vaas

சூப்பர் 8

Sehwag

Kumble

Pakistan

Tendulkar

Gilchrist

மணிகண்டன்

South Africa

India,South Africa,Australia,West Indies

Sachin Tendulkar

Muralidharan

Semi-Final

Sachin Tendulkar

Zaheer Khan

Australia

Sourav Ganguly

Adam Gilchrist

Fast Bowler

South Africa

South Africa, Newzeland, Australia & India

Ricky Ponting

Shane Bond

Semi Final

Ganguly

Zaheer Khan

Australia

Gilchrist

Boucher

அபுல்

India

India,South Afica,Australia,Sri Lanka

Sachin Tendulkar

Shaun Pollock

Final

Sachin Tendulkar

Zaheer Khan

South Afica

Jeyasurya

Mark Boucher

மோகன்

England

England, India,NewZealand, West Indies

Sachin Tendulkar

Anil Kumble

Final

Sachin Tendulkar

Anil Kumble

South Africa

Craig McMillan

Dhoni

அதிரடி

West Indies

West Indies, South Africa, India, New Zealand

Sachin Tendulkar

Shaun Pollock

Semi-Final

Sachin Tendulkar

Munaf Patel

South Africa

Sourav Ganguly

Mark Boucher

ஜி -z

New Zealand

New Zealand, Australia, India, West Indies

Ricku Ponting

Muralidharan

Semi-final

Sourav Ganguly

Irfan Pathan

New Zealand

Ricky Ponting

GilChrist

நீங்களும் பங்குபெற இங்கே க்ளிக்கவும்

பரிசுத்தொகை : 100 அமெரிக்க டாலர்.
பதில் சொல்ல கடைசி நாள் மார்ச் 11 2007 11:59PM PST.

Australia's Greatest ODI Team

2007-02-27T09:13:00.000-08:00

ஆஸ்திரேலியாவில் இதுவரை விளையாடிய வீரர்களிலிருந்து, ஒருநாள் போட்டிகளுக்கான சிறந்த அணி நேற்று சிட்னியில் வெளியிடப்பட்டது. 1971லிருந்து இதுவரை ஆஸ்திரேலியாவுக்காக ஒருநாள் போட்டிகளில் விளையாடிய 163 வீரர்கள் இதில் வாக்களித்தனர்.

இந்த அணியில் ஆஸ்திரேலியாவின் சிறந்த கேப்டன்களில் ஒருவரான ஆலன் பார்டர் இடம்பெறவில்லை. இந்திய அணியின் பயிற்சியாளரான சாப்பல் 12வது ஆளாக தேர்வு செய்யப்பட்டுள்ளார்.

ஆஸ்திரேலியாவின் தலைசிரந்த வீரர்களில் ஒருவரான் ஸ்டீவ் வாஹ் கேப்டனாக தேர்வு செய்யப்பட்டுள்ளார். 2007 உலகக்கோப்பையில் பங்கேற்கவிருக்கும் அணியிலிருந்து நான்கு வீரர்கள் இதில் இடம்பெற்றுள்ளனர்.

ஆஸ்திரேலியாவின் தலைசிறந்த அணியில் உள்ளவர்கள்

A Gilchrist
256 matches, 8561 runs, 376 catches, 37 stumpings

M Waugh
244 matches, 8,500 runs, 85 wickets

R Ponting
268 matches, 9,741 runs, 3 wickets

D Jones
164 matches, 6,068 runs, 3 wickets

S Waugh (capt)
325 matches, 7569 runs, 195 wickets

M Bevan
232 matches, 6,912 runs, 36 wickets

A Symonds
161 matches, 4,037 runs, 121 wickets

S Warne
194 matches, 1,018 runs, 293 wickets

B Lee
150 matches, 739 runs, 267 wickets

D Lillee
63 matches, 240 runs, 103 wickets

G McGrath
239 matches, 115 runs, 354 wickets

இவர்கள் பெற்ற வாக்குகளின் விபரம்
Player (votes)
Adam Gilchrist 110
Mark Waugh 101
Ricky Ponting (vc) 107
Dean Jones 80
Steve Waugh (c) 72
Michael Bevan 83
Andrews Symonds 74
Shane Warne 109
Brett Lee 57
Dennis Lillee 89
Glenn McGrath 109
Greg Chappell (12th) 40

உலகக்கோப்பை பரிசுப்போட்டிக்கான கேள்விகள்

GOOD LUCK INDIA ! ! !

2007-02-26T19:39:00.000-08:00

வரும் புதனன்று உலகக்கோப்பை போட்டிகளில் பங்கேற்கச் செல்லும் இந்திய அணி வெற்றிவாகை சூடி உலகக்கோப்பையுடன் திரும்பி வர வாழ்த்துக்கள் !!!

சென்ற முறை இறுதிப்போட்டி வரை முன்னேறிய இந்தியா இம்முறை இன்னும் ஒருபடி மேலே சென்று கோப்பையை வெல்லட்டும்.

GOOD LUCK INDIA !!!

வாருங்கள் நண்பர்களே நீங்களும் வாழ்த்திச் செல்லுங்கள்..

உலகக்கோப்பை பரிசுப்போட்டி விவரங்கள் இங்கே

பாகிஸ்தான் அணியினருக்கு ஊக்கப்பரிசுகள் அறிவிப்பு

2007-02-26T10:09:00.000-08:00

உலகக்கோப்பையில் பங்கேற்கவிருக்கும் பாகிஸ்தான் அணியினருக்கு அந்நாட்டு கிரிக்கெட் வாரியம் ஊக்கப்பரிசுகளை அறிவித்துள்ளது.பாகிஸ்தான் கோப்பையை வென்றால் அணியிலுள்ள 15 வீரர்களுக்கும் தலா 50 லட்சம் ரூபாய் பரிசாக அளிக்கப்படும்.

அணியில் உள்ள வீரர்களை உற்சாகப்படுத்தவே இந்நடவடிக்கை.மேலும் பாகிஸ்தான் அரைஇறுதிக்கு தகுதி பெற்றால் ஒவ்வொரு வீரருக்கும் 20,000 டாலர்களும், அரையிறுதியில் வெற்றி பெற்றால் 25 லட்சம் ரூபாயும் பரிசாக வழங்கப்படும் என்று பாகிஸ்தான் கிரிக்கெட் வாரியத்தின் தலைவர் சலீம் அட்லஃப் தெரிவித்துள்ளார்.

இந்நிலையில் பாகிஸ்தானின் புகழ்பெற்ற வேகப்பந்து வீச்சாளரான அக்தர் மூட்டு வலி காரணமாக் தான் உலகக்கோப்பை போட்டிகளில் பங்கேற்பது சந்தேகமே என தெரிவித்துள்ளார்.

இந்திய கிரிக்கெட் வாரியம் இது போன்ற பரிசுத்தொகை எதையும் இதுவரை அறிவிக்கவில்லை.

நீங்களும் பரிசு பெற இங்கே ஒரு வாய்ப்பு..

உலகக்கோப்பை இறுதி ஆட்டத்தில் ஆஸ்திரேலியா-பங்களாதேஷ்

2007-02-25T22:20:00.000-08:00

என்னங்க நம்ப முடியலையா? ஆனா இது கண்டிப்பா நடக்கப்போகுதுன்றாரு ஒரு கிரிக்கெட் ரசிகர்.எப்படின்னு காரணத்தையும் அவரே சொல்றாரு பாருங்க

1996 உலகக்கோப்பை ஃபைனல்ல ஆஸ்திரேலியாவும் இலங்கயும் மோதினாங்க.அதுல இலங்கை ஜெயிச்சு கப்பையும் வின் பண்ணாங்க. அதுக்கடுத்து 1999 ஆஸ்திரேலியாவும் பாகிஸ்தானும் விளையாடி ஆஸ்திரேலியா வின் பண்ணாங்க.போன உலகக்கோப்பை இருதி ஆட்டத்துல ஆஸ்திரேலியாவும் இந்தியாவும் ஆடுனாங்க. இதெல்லாம் தெரிஞ்ச விஷயந்தான்.ஆக கடைசி மூணு இறுதி ஆட்டத்திலயும் ஆஸியும் தெற்காசிய அணி ஒன்னும் தான் மோதியிருக்கு.அதுபடி பாக்கியிருக்கற தெற்காசிய அணி பங்களாதேஷ் தான். அதனால இந்த தடவை இறுதி ஆட்டத்தில இந்த ரெண்டு அணியும் தான் ஆடப்போகுதுன்னு சொல்றாரு. யாரு ஜெயிப்பாங்கன்னு சொல்லலை :))

இந்த காரணம் மட்டுமில்லாம் இன்னொரு காரணமும் சொல்றாரு இங்கே

ஆளாளுக்கு அவங்க யூகத்த சொல்ல ஆரம்பிச்சுட்டாங்க. நீங்களும் இங்கே வந்து சொல்லிட்டு போங்க!!

மீண்டும் வருகிறார் மந்திரா பேடி

2007-02-23T21:05:00.000-08:00

சென்ற உலகக்கோப்பையின் பொழுது 'Extra Innings' என்ற நிகழ்சியின் மூலம் ரசிகர்களின் மனதைக் கவர்ந்த(??) மந்திரா பேடி மீண்டும் இம்முறை கிரிக்கெட்ட ஒளிபரப்பு நிகழ்ச்சிகளில் கலந்து கொள்கிறார்.

இம்முறை புகழ்பெற்ற ஆடை வடிவமைப்பாளரான சத்யா பால் வடிவமைத்துள்ள சேலைகளை அணிந்து பங்குபெறுவார். இதற்காக உலகக்கோப்பையில் பங்குபெறும் அணிகள், வீரர்களின் கையெழுத்துக்கலள்,கிரிக்கெட் பந்து போன்றவை கொண்ட 5 பிரத்யேக சேலைகள் வடிவமைக்கப்பட்டுள்ளன.

உலகக்கோப்பை போட்டிகள் முடிந்தபின் இச்சேலைகள் eBayன் மூலம் ஏலத்தில் விடப்படும். ஏலத்தில் கிடைக்கும் தொகை 'Mouth and Foot Painting Artists (MFPA)' என்ற உடல் ஊனமுற்ற கலைஞர்களுக்கான் சேவை அமைப்பிற்க்கு வழங்கப்படும். இச்சேலைகள் நேற்று புதுடெல்லியில் பார்வைக்கு வைக்கப்பட்டன.

"முதல் முறையாக் கிரிக்கெட்டை தழுவி வடிவமைக்கப்பட்ட சேலைகளை அணியப்போகிறேன். இதன் மூலம் கிடைக்கும் தொகை நல்ல காரியத்திற்க்கு பயன்படுவதில் மிகுந்த மகிழ்ச்சி அடைகிறேன்" என மந்திரா பேடி தெரிவித்துள்ளார்.

அவரின் மேலும் சில புகைப்படங்கள்

இப்ப தெரியுதப்பு நீ ஏன் சரியா ஆடறதில்லைனு

இந்த படம் போதுமா இன்னும் கொஞ்சம் வேணுமா :)))

உலகக்கோப்பைக்கான பரிசுப் போட்டியில் பங்குபெற இங்கே க்ளிக்கவும்

உலகக்கோப்பை அணியில் பதான் இடம்பெறுவாரா?

2007-02-23T16:58:00.000-08:00

வரும் 28ம் தேதி உலகக்கோப்பையில் பங்குபெற மேற்கிந்தியத்தீவுகளுக்கு செல்லும் இந்திய அணியில் இர்ஃபான் பதான் இடம்பெறுவாரா என்பது வரும் ஞாயிறன்று தெரியும். உலகக்கோப்பைக்காக அறிவிக்கப்பட்ட 15 பேர் கொண்ட இந்திய அணியில் பதான் இடம்பெற்றிருந்தாலும், ஞாயிறன்று தியோதர் கோப்பையில் அவர் விளையாடுவதைப் பொறுத்தே அவர் அணியில் இடம்பெறுவாரா இல்லையா என்பது முடிவு செய்யப்படும்.

இத்தகவலை இந்திய கிரிக்கெட் அணியின் தேர்வுக்குழு தலைவர் வெங்சர்க்கார் நேற்று மும்பையில் தெரிவித்துள்ளார்.

மேற்கிந்தியதீவகளுடனான ஒருநாள் போட்டித்தொடரின் முதல் ஆட்டத்தில் விளையாடிய பதான், பின் தோள்பட்டை வலி காரணமாக தானாக முன்வந்து விலகினார். இந்தியா-இலங்கை ஒருநாள் போட்டித்தொடரிலும் விளையாடவில்லை. சில நாட்களுக்கு முன் தன் வலி சரியாகிவிட்டதாகவும், தான் முழு உடல் தகுதியுடன் இருப்பதாகவும் பதான் தெரிவித்தார்.

வரும் ஞாயிறன்று அகமதாபத்தில் நடைபெற இருக்கும் தியோதர் கோப்பைக்கான போட்டியில் அவரின் உடல்தகுதி கண்கானிக்கப்படும் என்றும், திருப்திகரமாக் இருந்தால் மட்டுமே அவர் உலகக்கோப்பை அணியில் இடம்பெறுவார் என்றும் வெங்சர்கார் தெரிவித்தார். ஒருவேளை பதான் தகுதிபெறத் தவறினால், தேர்வுக்குழுவும், அணியின் கேப்டன் திராவிட்டும், பயிற்சியாளர் சாப்பலும் மாற்று ஆட்டக்காரரை தேர்வு செய்வார்கள்.

பதான் முழு உடல்தகுதி பெற்று உலகக்கோப்பையில் சாதனைகள் புரிவார் என நம்புவோம்!!

உலகக்கோப்பைக்கான பரிசுப் போட்டியில் பங்குபெற இங்கே க்ளிக்கவும்

பரிசுப் போட்டிக்கான கேள்விகள்

2007-02-23T09:53:00.000-08:00

கேள்வியெல்லாம் ரொம்ப சுலபமா கேட்டிருக்கேங்க. கிரிக்கெட் பத்தி அவ்வளவா தெரியாதவங்க கூட சுலபமா பதில் சொல்லிடலாம். தினசரி விளையாட்டுச் செய்திகள் பார்க்கிற/படிக்கிற அனுபவமே போதும். சரி சரி ரொம்ப பில்ட்-அப் கொடுக்காம் கேள்விக்கு வர்றேன்.

1. உலகக்கோப்பையை வெல்லப்போகும் நாடு எது?

2. அரை-இறுதிக்கு தகுதி பெறப்போகும் நான்கு நாடுகள் எவை?

3. இந்த உலகக்கோப்பையில் அதிக ரன்களை (ஒரு போட்டியில் அல்ல,மொத்தமாக) குவிக்கப்போகும் மட்டையாளர் யார்?

4. இந்த உலகக்கோப்பையில் அதிக விக்கெட்களை (ஒரு போட்டியில் அல்ல,மொத்தமாக) வீழ்த்தப்போகும் பந்துவீச்சாளர் யார்?

5. இந்தியா எந்தச் சுற்று வரை முன்னேறும் ? (விடைகள் : முதல் சுற்றிலேயே வெளியேறிவிடும்,சூப்பர் 8, அரை-இறுதி,இறுதி)

6. இந்திய அணியில் அதிக ரன்களை(மொத்தமாக) குவிக்கப்போகும் மட்டையாளர் யார்?

7. இந்திய அணியில் அதிக விக்கெட்களை (மொத்தமாக)வீழ்த்தப்போகும் பந்துவீச்சாளர் யார்?

8. ஒரு போட்டியில் அதிகபட்ச ரன்களை குவிக்கப்போகும் அணி எது?

9. இந்த உலகக்கோப்பையில் அதிக சிக்ஸ்கள் (மொத்தமாக) அடிக்கப்போகும் வீரர் யார்?

10. இந்த உலகக்கோப்பையில் அதிக கேட்ச் (மொத்தமாக) பிடிக்கப்போகும் விக்கெட்-கீப்பர் யார்?

என்னங்க கேள்வியெல்லாம் ஈசி தான? சரி இப்போ விதிமுறைகள்

பதில்களை பின்னூட்டத்தில் இடவும். பின்னூட்டமாக இடுவதினால், ஏமாறவோ, ஏமாற்றவோ வாய்ப்பில்லை. முடிந்தவரை அனைத்து பதிகளையும் ஒரே பின்னூட்டத்தில் இடவும்.

பதில்கள் அனுப்ப கடைசி நாள் மார்ச் 11,2007 11:59PM PST.

மார்ச் 12ம் தேதி அனைத்து பதிவர்களின் பதில்களும் தொகுக்கப்பட்டு இங்கு பதிவிடப்படும்.ஏதேனும் தவறிருப்பின், தகுந்த ஆதாரங்களோடு(தங்களின் பின்னூட்டம்) சுட்டிக்காட்டினால் சரிசெய்யப்படும்.

போட்டிக்கான முடிவுகள் ஏப்ரல் 29,2007 அன்று அறிவிக்கப்படும்.

போட்டிக்கான பரிசுத்தொகை 100 அமெரிக்க டாலர்கள்.

உங்கள் பதில்களை பின்னூட்டமாக அளித்த பிறகு ஏதேனும் மாற்றம் செய்ய விரும்பினால், மீண்டும் அனைத்து பதில்களையும் பின்னூட்டத்தில் இடவும். இது பதில்களை சரிபார்க்க வசதியாக இருக்கும்.

ஒருவர் எத்தனை முறை பதிலளித்தாலும், இறுதியாக அளித்த பதிலே ஏற்றுக்கொள்ளப்படும்.

யாராவது நடுவராக இருக்க விரும்பினாலோ, யாரையாவது நடுவராக்க விரும்பினாலோ தயங்காமல் தெரியப்படுத்தவும்.

ஏடாகூடமான பதில்கள் ஏற்றுக்கொள்ளப்படாது. உதாரணம்
1.உலகக்கோப்பையை வெல்லப்போகும் நாடு எது?
இறுதிப்போட்டியில் வெல்லும் நாடு
2. அரைஇறுதிக்கு தகுதி பெறப்போகும் நான்கு அணிகள் எவை?
சூப்பர் 8ல் முதல் நான்கு இடத்தை பிடிக்கும் நாடுகள்
அருமை நண்பர் சிறில் அலெக்ஸ் கவனிக்க :))

அனானி/அதர் ஆப்ஷன் பதில்கள் ஏற்றுக்கொள்ளப்படாது.

10 கேள்விகளுக்கும் சரியான பதில் சொல்பவருக்கு பரிசு வழங்கப்படும். ஒன்றுக்கும் மேற்பட்டவர்கள் வெற்றி பெற்றால் பரிசுத்தொகை பகிர்ந்தளிக்கப்படும்.

யாரும் 10 கேள்விகளுக்கும் சரியான பதில் சொல்லாத பட்சத்தில், அடுத்து அதிக கேள்விகளுக்கு பதில் சொல்லியவருக்கு பரிசளிக்கப்படும். ஆனால் இவர் குறைந்தபட்சம் 7 கேள்விகளுக்காவது சரியான பதில் சொல்லியிருக்கவேண்டும். ஒன்றுக்கும் மேற்பட்டவர்கள் வெற்றி பெற்றால் பரிசுத்தொகை பகிர்ந்தளிக்கப்படும்.

வெற்றி பெற்றவர் விரும்பும் பட்சத்தில் பரிசுத்தொகை 'உதவும் கரங்கள்' போன்ற சேவை நிறுவனங்களுக்கு அளிக்கப்படும்.

ஏதேனும் முக்கியமான் விதிமுறை விடுபட்டிருந்தால் தெரிவிக்கவும்.

என்னங்க நான் ரெடி, நீங்க ரெடியா?? சீக்கிரம் உங்க பதிலை பின்னூட்டமிடுங்க, பரிசை தட்டிட்டு போங்க!!

அனைவருக்கும் என் மனமார்ந்த வாழ்த்துக்கள்!!!

100 டாலர் பரிசுப் போட்டி !!

2007-02-22T20:53:00.000-08:00

இந்தியா உலகக்கோப்பைய ஜெயிக்குதோ இல்லையோ, நம்ம பதிவுலக நண்பர்கள் இந்த உலகக்கோப்பை கிரிக்கெட் போட்டில 100 டாலர்* ஜெயிக்க நல்ல வாய்ப்பு.

நீங்க செய்ய வேண்டியது எல்லாம் இந்த போட்டில கேட்கப்போற 10 சுலபமான(?) கேள்விகளுக்கு பதில் சொல்றது தான்.கிரிக்கெட் பத்தி அவ்வளவா தெரியாதவங்க கூட சும்மா இந்தியா,டெண்டுல்கர்னு பதில அடிச்சு விடலாம். அதிர்ஷ்டமிருந்தா ஜெயிக்க வாய்ப்பிருக்கு.

வாங்க நண்பர்களே, வந்து உங்க திறமைய காண்பிச்சு கலக்குங்க.

போட்டியை பற்றிய விதிமுறைகள் மற்றும் கேள்விகள் மிக விரைவில்....

*முருகன் டாலரோ பிள்ளையார் டாலரோ இல்லைங்க, அமெரிக்க டாலர் !!.

உலகக்கோப்பை 2007 அணிகளின் வீரர்கள் பட்டியல்

2007-02-22T14:20:00.000-08:00

மார்ச் மாதம் தொடங்கவிருக்கும் ஒன்பதாவது உலகக்கோப்பையில் 16 நாடுகள் பங்கேற்கின்றன். இவை அனைத்தும் தங்களின் 15 பேர் கொண்ட அணியின் விவரங்களை வெளியிட்டுவிட்டன. மொத்தம் 16 நாடுகள், 240 வீரர்கள், 51 போட்டிகள், 1 சாம்பியன்.

அணிகளின் விவரங்கள் அகரவரிசையில்

Australia:

Ricky Ponting (capt), Adam Gilchrist, Matthew Hayden, Michael Clarke, Mike Hussey, Brad Hodge, Shane Watson, Andrew Symonds, Brad Haddin, Brad Hogg, Brett Lee, Mitchell Johnson, Shaun Tait, Nathan Bracken, Glenn McGrath.

Bangladesh:

Habibul Bashar (captain), Shahriar Nafees, Tamim Iqbal, Aftab Ahmed, Saqibul Hasan, Mohammad Ashraful, Mushfiqur Rahim, Mohammad Rafique, Abdur Razzak, Mashrafe Mortaza, Shahadat Hossain, Tapash Baishya, Syed Rasel, Rajin Saleh, Javed Omar.

Bermuda:

Irving Romaine (captain), Dean Minors (vice-captain), Delyone Borden, Lionel Cann, David Hemp, Kevin Hurdle, Malachi Jones, Stefan Kelly, Dwayne Leverock, Saleem Mukuddem, Stephen Outerbridge, Oliver Pitcher, Clay Smith, Janeiro Tucker, Kwame Tucker.

Canada:

John Davison (Captain), Ashish Bagai, Ian Billcliff, Geoff Barnett, Kevin Sandher, Umar Bhatti, Desmond Chumney, George Codrington, Austin Codrington, Andy Cummins, Sunil Dhaniram, Asif Mulla, Henry Osinde, Abdool Samad, Qaiser Ali.

England:

Michael Vaughan (capt), James Anderson, Ian Bell, Ravi Bopara, Paul Collingwood, Jamie Dalrymple, Andrew Flintoff, Ed Joyce, Jon Lewis, Sajid Mahmood, Paul Nixon, Monty Panesar, Kevin Pietersen, Liam Plunkett, Andrew Strauss.

India:

Rahul Dravid (captain), Virender Sehwag, Sachin Tendulkar (vice captain), Saurav Ganguly, Yuvraj Singh, Robin Uthappa, Mahendra Dhoni (wicketkeeper), Dinesh Karthik (wicketkeeper), Anil Kumble, Harbhajan Singh, Irfan Pathan, Munaf Patel, Zaheer Khan, Sreesanth, Ajit Agarkar

Ireland:

T Johnston (capt), K McCallan, A Botha, J Bray, K Carroll, P Gillespie, D Langford-Smith, J Mooney, P Mooney, E Morgan, K O'Brien, N O'Brien (capt), W Porterfield, B Rankin, A White.

Kenya:

Steve Tikolo (captain), Thomas Odoyo (vice-captain), Ravindu Shah, Tanmay Mishra, Collins Obuya, Peter Ongondo, Nehemiah Odhiambo, Morris Ouma, Malhar Patel, Hiren Varaiya, David Obuya, Rajesh Bhudia, Jimmy Kamande, Tony Suji, Lameck Onyango.

Netherlands:

LP van Troost (Captain), Adeel Raja, PW Borren, TBM de Leede, MBS Jonkman, AN Kervezee, Mohammad Kashif, DJ Reekers, E Schiferli, J Smits (wicketkeeper), WF Stelling, ES Szwarczynski, RN ten Doeschate, DLS van Bunge, B Zuiderent

New Zealand:

Stephen Fleming (captain), Lou Vincent, Peter Fulton, Ross Taylor, Scott Styris, Jacob Oram, Craig McMillan, Brendon McCullum, Daniel Vettori, James Franklin, Jeetan Patel, Shane Bond, Mark Gillespie, Michael Mason, Daryl Tuffey.

Pakistan:

Inzamam-ul-Haq (capt), Younis Khan, Imran Nazir, Kamran Akmal (wkt), Mohammad Yousuf, Shoaib Malik, Abdul Razzaq, Mohammad Asif, Shoaib Akhtar, Umar Gul, Danish Kaneria, Mohammad Hafeez, Shahid Afridi, Rana Naved-ul-Hasan, Rao Iftikhar.

Scotland:

Craig Wright (capt), Fraser Watts, Majid Haq, Ryan Watson, Gavin Hamilton, Neil McCallum, Dougie Brown, Colin Smith, John Blain, Ross Lyons, Paul Hoffmann, Navdeep Poonia, Douglas Lockhart, Dewald Nel, Glenn Rogers.

South Africa:

Graeme Smith (captain), Jacques Kallis, Loots Bosman, Mark Boucher (wicketkeeper), AB de Villiers, Herschelle Gibbs, Andrew Hall, Justin Kemp, Charl Langeveldt, Andre Nel, Makhaya Ntini, Robin Peterson, Shaun Pollock, Ashwell Prince, Roger Telemachus.

Sri Lanka:

Mahela Jayawardene (capt), Kumar Sangakkara (wk), Marvan Atapattu, Sanath Jayasuriya, Upul Tharanga, Tillakaratne Dilshan, Russel Arnold, Chamara Silva, Farveez Maharoof, Chaminda Vaas, Dilhara Fernando, Lasith Malinga, Nuwan Kulasekara, Muttiah Muralitharan, Malinga Bandara

West Indies:

Brian Lara (captain), Ramnaresh Sarwan, Chris Gayle, Dwayne Smith, Shivnarine Chanderpaul, Dwayne Bravo, Marlon Samuels, Ian Bradshaw, Corey Collymore, Jerome Taylor, Denesh Ramdin, Devon Smith, Lendl Simmons, Daren Powell, Kieron Pollard

Zimbabwe:

Prosper Utseya (off spinner), Gary Brent (fast bowler), Chamu Chibhabha (batsman), Elton Chigumbura (all rounder), Keith Dabengwa (all rounder), Terry Duffin (batsman), Anthony Ireland (fast bowler), Friday Kasteni (batsman come wicket keeper), Stuart Matsikenyeri (batsman), Christopher Mpofu (fast bowler), Tawanda Mupariwa (fast bowler), Ed Rainsford (fast bowler), Vusi Sibanda (batsman), Brendan Taylor (batsman), Sean Williams (all rounder)

மொத்தமுள்ள 240 வீரர்களில் எந்த 15 பேர் வெற்றிவாகை சூடுவார்கள் என்பது ஏப்ரல் 28 அன்று தெரியும்!!!

ஒவ்வொரு அணியையும் பற்றிய விரிவான அலசல் விரைவில்...

புகைப்பட புதிர்

2007-02-21T15:15:00.000-08:00

இங்குள்ள புகைபடங்களில் இருப்பவர்கள் இந்தியாவின் பிரபலமான முன்னாள் கிரிக்கெட் வீரர்கள். அவர்கள் யார் என கண்டுபிடியுங்கள்.

உங்கள் விடைகளை பின்னூட்டத்தில் இடுங்கள்.

பரிசு வழக்கம்போல இதயத்தில் இடம் தான் :)

உலகக்கோப்பையில் இந்தியா பாகிஸ்தான் ஏப்ரல் 15ம் தேதி மோதல்?

2007-02-20T16:59:00.000-08:00

நடக்கவிருக்கும் உலகக்கோப்பையில் இந்தியா Group Bயிலும் பாகிஸ்தான் Group Dயிலும் இடம்பெற்றுள்ளன. இந்தியா, இலங்கை, பங்களாதேஷ் மற்றும் பெர்முடா அணிகள் 'B' குழுவில் உள்ளன. இந்தியா மற்றும் இலங்கையை தவிர மீதி இருஅணிகளும் சற்று பலவீனமான,அனுபவம் குறைந்த அணிகள். ஆதலால் இந்தியா கண்டிப்பாக இரண்டாவது சுற்றான Super 8க்கு தகுதி பெறும் என எதிர்பார்க்கப்படுகிறது(??). முதல் சுற்றில் அனைத்து போட்டிகளிலும் வெற்றி பெற்றாலும் கூட, புதிய விதிகளின்படி இந்தியா இலங்கையைவிட ரேட்டிங்கில் குறைவாக உள்ளதால் B2ஆகவே Super 8 சுற்றுக்கு செல்ல முடியும்.

அதேபோல் Group Dயில் பாகிஸ்தான், மேற்கிந்தியத்தீவுகள், ஜிம்பாப்பே மற்றும் அயர்லாந்து அணிகள் உள்ளன. மேற்கிந்தியத்தீவுகளும் பாகிஸ்தானும் இரண்டாவது சுற்றுக்குத் தகுதி பெற்றால், ரேட்டிங்கின்படி பாகிஸ்தானே D1 ஆக கருதப்படும்( மேற்கிந்தியத்தீவுகளை விட குறைந்த புள்ளிகள் பெற்றிருந்தாலும்).

இந்தியாவும் பாகிஸ்தானும் இரண்டாவது சுற்றுக்கு தகுதிபெற்றால், D1 Vs B2 வுக்கான Super 8 போட்டி வரும் ஏப்ரல் மாதம் 15ம் தேதி நடக்கவுள்ளது. அப்போட்டியில் இவ்விரு அணிகளும் மோதும். இதுவரை உலகக்கோப்பை போட்டிகளில் பாகிஸ்தானிடம் தோற்காத இந்தியா மீண்டும் அச்சாதனையை படைக்கும் என நம்புவோமாக..